مثل ما قالوا الإخوان كثير اللي إختبروا على وظيفه كاتب ، تفاجأت لما وصلت مبنى 125

وإنقهرت وش ذنب هالعالم عاطلين وعلى وظيفه شاغره واحده وراتب مش حالك ليش كذا
الله يعين

لكن الآن اللي تجيه رساله بالمقابله الشخصيه يعني صار مقبول نهائي وإلا بعد المقابله يتحدد ؟

وكيف نظام الرواتب فيها والتقاعد وهل هي تابعه للخدمه المدنيه ؟

بالتوفييييييق للجمييييييع

السلام عليكم ...

ابشركم انا اختبرت وكان الاختبار جدا سهل

تحريري يحتوي على 50 سوال اختياري كله وصح وخطا ...
يحتوي على معلومات ثقافية ودينية وتاريخية وعلى حسب الوظيفة انا وظيفتي كاتب ...

بس بقولكم موقف صار معي ..

انا نمت وصحيت الساعه 10 ورحت للجامعة ع طول حصلت حارس امن سالته انا متاخر عن الاختبار قال لي ادخل في ناس توهم دخلوا

ولمن وصلت عند باب القاعة بدخل للإختبار حصلت واحد ابن حرام كان يبي يقطع بنصيبي ونصيب اللي معاي

قال لي خلاص الاختبار انتهى .. قلت له كيف انتهى وحارس البوابة الرئيسية قال لي ادخل

والحمد لله انه كان معاي واحد اختبر السنة الماضية ..قال انتم مرسلين لي من الساعه 8 للساعه12 وانا جيت السنة الماضية نفس الوقت ..ودخلت ختبرت .. قال ادخل وشوف بنفسك

ودخلنا للقاعة حصلنا موظف جامعي قال اذا م اختبرتم شوفوا القاعة قدامكم ...

والحمد لله اختبرنا


وع فكرة تروا الاختبار مو صعب مرةة

وح يساعدونك المراقبين عشان يبون الفكة منك وتطلع بدري اذا تاخرت تطمنوا ^_^

مراسلكم من قلب الحدث .. رقيق المشااعر

يا اخوان باسألكم اذا جاتكم رساله للمقابله الشخصيه لوظيفة مأمور صرف

احد جته رساله (فني صيانة الات ) ؟؟

أحد ارسلولة ياشباب للمقابلة الشخصية ..؟

واضح انه محد استلم رسالة المقابلة الشخصية الى الان

ياشباب مو معقولة الي قاعد يصير كل مانقدم ع قطاع حكومي وندخل الاختبار ماننقبل ( الصندوق السعودي للتنمية - جامعة الملك فهد للبترول والمعادن - جامعة الملك عبدالعزيز - وغيرها .. ) نفسي افهم ليش شهادات وجبناها اختبار وحضرناه وحلينا ماينقصنا شي والحمدلله . سافرنا وقصينا تذاكر واستأجرنا شقق وضاعت فلوسنا ع كذب وخداع .
الديوان يلعب علينا كل بعد 3 - 6 شهور يقبل عدد قليل في نظامة وعدد العاطلين اكبر بكثير .
الشركات هلكتنا رواتبها ضعيفة جدا ولا تؤدي الغرض ولا يوجد علاوات ولا محفزات طيب وش نسوي وين نروح راح العمر وحنا ننتظر اهه بس .

ماقول الا الله يكشفهم ويكشف الاعيبهم