صباح الخيرات..
شوفو بالنسبة لي ما أستعديت للمقابلة أبدًا أبدًا أبدًا و اللي استحضرته قبل أدخل
"مهام مسجل المعلومات" وماسألوني عنها
واللي قابلوني كانو 3استاذات ما أعرف أساميهم ولا اتذكّر أشكالهم حتى :$
ما كانو "بثرات" بالعكس معطيني راحتي بالكلام ولا حجّرولي كان ودّي يحجّرون لي و يسألوني لاني انا وحدة ما أعرف أتكلم :/
أو بالأحرى شخصية "فعلية" مالي بالكلام للأسف
لما طلعت من المقابلة قلت ياليتني قلت كذا و كذا وكذا وكذا :/
مع إنهم أعطوني مجال للتحدث اللامحدود لكن أنا وخشتي ماانيب كفو :")

تهاني .. بالنسبة للأعطال كانت اسألتها خاصة لي أنا بحكم إن تخصصي "دعم فني" ف لا تخافون..
و اللبس صراحة ما أعرف .. لكن كل اللي شفتهم أمس داخلين بلبس دوام
وأنا كنت بعبايتي شفت الدنيا كلها مرسّمة و شلتها :$
ف لذلك خذي إحتياطاتك.
و مكان المقابلة روحي على المعهد .. عند الإستقبال قولي لها "عندي مقابلة شخصية" بتقول لك "إنتظري بأول طاولة في الكافتريا" وإنتي عاد إنتظري لين ما تجي تقول إسمك، وبعدين تروحين وراها لإنتظار ثاني قبل تدخلين غرفة الإجتماعات حقتهم، و بعدين تذخلين عليهم تسلمين تقولين وين أجلس:$
وانتي مستحية ويقالك كيوت وكذا < ماتتكلم عن عمرها الله يفشلها
بعدين بيقولون لك "تفضي إجلسي بكرسي الإعترافات" على رأس الطاولة طبعًا!!
هنا تضحكين الضحكة التسليكية .. و تسوين نفسك مرة واثقة و أبد قلبك ما يدق "سامري"! وتكونين مرتاحة و كلش أوكي الحمدلله .. وتبدين بالسواليف
رتّبي سواليفك على نوت و خوذيها معك طبعًا "رؤوس أقلام".
+ كانت معي أوراقي لما جيت أطلع قلت تحتاجونها قالو لأ .. ورجعتها معي /:

سوّي لك بروڤا قدام المراية .. كنت دايم أسوّي هالحركة لما يصير عندي تقرير وإلا شرح وإلا بروجكت بس انا "حمارة" ما سوّيتها قبل المقابلة!

يللا .. الله يكتب لنا الخير، ويوفقنا أجمعين