قبل فترة قريت خبـر
موظفين الجامعة اشتكوا في ديوان المظالم على ادارة الجامعة بسبب المسابقات الوظيفيه وان هالوظايف هذي من حقهم للترقيات .
والله لو يلغون المسابقات الوظيفيه هذي اللي كلها فساد × فساد
ويصير كل شيء عن طريق الخدمة المدنية هي اللي توظف ، ليش الخدمة المدنية يقولون مافيه شواغر والادارات تسوي مسابقات وظيفيـة .. زمان كان يسوون الاختبارات هذي عشان ياخذون الخبرات وكذا ، لكن الحيـن صار شرط اساسي للتقديم على الوظايف انه يكون مو موظف حكومي . طيب اقل شيء يرفعون للخدمة المدنية وهم يعطونهم موظفيـن وكل واحد معه رقمه وينتظر دوره وتكون آلية واضحة .. ما اقول غيـر

( حسبي الله ونعم الوكيل )

يـــا أخوووان فيه أحد جــاه رد من الجاامعه بخصوص الوظائف

والله طوووولوووووو ...

رفع موظفو جامعة الحدود الشمالية، شكوى على إدارة الجامعة لدى ديوان المظالم والخدمة المدنية، بعد طرح وظائف شاغرة بالجامعة عن طريق مسابقة وظيفية، مشيرين إلى أنهم طالبوا الجامعة قبل أكثر من ستة أشهر بإعطائهم الأولوية بالترقية قبل طرحها للمسابقة العامة.
وكانت جامعة الشمالية أعلنت أمس على موقعها الإلكتروني عن بدء استقبال طلبات المتقدمين لشغل الوظائف الإدارية والفنية الشاغرة بالجامعة من المرتبة الثالثة وحتى المرتبة العاشرة اعتبارا من يوم السبت 28 شوال ولمدة خمسة أيام فقط. ودعت الجامعة الراغبين والراغبات من المواطنين ممن تنطبق عليهم شروط الإعلان الدخول لموقع الجامعة على الإنترنت ، وتعبئة استمارة التقديم إلكترونياً.
من جهته أوضح مدير إدارة العلاقات العامة بجامعة الحدود الشمالية الدكتور مفضي الشراري لـ”الوطن”، أنه يحق لموظفي الجامعة التقديم على الوظائف الشاغرة إذا أمضى الموظف سنتين على الأقل في المرتبة التي يشغلها حالياً وأن تكون الوظيفة التي يرغب في شغلها تلي مرتبته الحالية مباشرةً حسب شروط الإعلان المعلنة بموقع الجامعة.

فيه خبر80% يمكن صحيح

ان الوظائف راح تلغى او تاجل للسنة الجايه

حسبي الله ونعم الوكيل فيهم

كلامك صح

وانا قد اختبرت في جامعة الملك عبدالعزيز
ودقت مشوار وحوسه
وواحد من الشباب يعرف واحد موظف فيها وساله عن الوظيفه قاله
الوظيفه كلام فاضي الناس مداومه هذولي للي على بن الاجور تثبتوو
بس يسكتون الخدمه المدنية

والخدمه المدينة عاجبهاا نظام الفساد لانه هي اصلا فاسده

اولا نشكر جميع من تابع ورفع هذا الموضوع

بالنسبة لكلام الغاء او تاجيلة للعام القادم بالنسبة للوظائف . فهذا الكلام عار من الصحة

وسبب التأخير انه تم التعاقد مع شركة لفرز الاسماء ومن ثم التدقيق من المدير ولجنه معه
والان الاسماء جاهزة لكن الاعلان ليعلمون متى الاسماء موجودة عند مدير الجامعة

واتوقع الاسبوع القادم سيتم الاعلان لان الاسبوع هذا الجميع باجازة .

استبشروا وتفألوا ونسأل الله للجميع التوفيق

يااااااااااااااااارب يا كريييم

السلام عليكم ورحمة الله وبركاته ...

بعد الصلاة والسلام على رسول كل الامنيات وكل االدعوات القلبية لكم بالتوفيق والسداد من عند الله وان تذهب هذه الوظائف لمن يستحق .. ومهما كان يا جماعة الخير مهما قيل وقال اتركو الشائعات والسوالف اللي لاتغني ولاتسمن من جوع اتمنى من كل شخص يتاكد من الخبر قبل لا يجيبه لانه مسؤول امام الله بعدين .. علينا باتخاذ الدقة في توصيل المعلومة .. اما سالفة انهم الغو الوظائف شي ما يدخل العقل .. انتو ماتدرون عسى يكون في الامر خيره لا تستعجلون كلنا والله على احر من الجمر وحنا ننتظر بس نحتسب الانتظار هذا عند رب العالمين لان انتظار الفرج عبادة .. اكثرو من الاستغفار اتكلو على الحي القيوم الذي لايموت بيده كل شي ترى المسؤولين وكلنا عبيد مملوكين لله سبحانه مانقدر على اي شي الا باذن الله لاتهمكم الواسطات والمحسوبيات ببساطة الامر كله بيد الله سبحانه يعني باختصار شديد اطلبو حاجتكم من الله انتو فعلتو بالاسباب وقدمتو بعد كذا التوفيق من رب العالمين ودعو الخلق للخالق من يظلم فعليه ظلمه ..

وصلو على محمد صلى الله عليه وسلم