أولاً: نبارك للإخوان المرشحين للوظائف، ونقول لهم أكثروا من حمد ربكم الذي أنعم عليكم وأكرمكم بالوظائف وأكثروا من الصدقات ، واسألوا الله أن يكفيكم شر الحساد الذين يدورون الشكاوي واسألوا الله أن يجعل كيدهم في نحرهم وأن يشغلهم في أنفسهم .

وثانيا: نقول للإخوان الاحتياط نسأل الله أن ييسر لكم أرقام وظيفية وأن يتم ترشيحكم عاجلاً غير آجل.

ثالثاً: للإخوان الذين لم يرشحوا نسأل الله أن يرزقهم خيراً من الوظائف اللي قدموا عليها عاجلاً غير آجل.

رابعاً: للإخوان الذين لم يرشحوا وقاعدين يدورون الشكاوي حسداً ومن باب يا يرشحونا أو نخرب على الجميع .

نقول لهم :

بعد ثناء الله والحمد عليه ، صفوا النية يا إخوان وتركوا عنكم الحسد تتهمون الناس ظلماً وعدواناً بأنهم أخذوا الوظائف بالواسطة وتتهمون مسؤولي الجامعة بالمحاباة والواسطة .

بالله عليكم كيف ترجون التوفيق من الله وأن تقذفون عباد الله بدون وجه حق ظلماً وبهتاناً.

وبالنسبة لمقابلة الوظائف كانت عادلة حسب ما نعلم و كان مدير الجامعة على رأس اللجنة حرصاً على العدل وإن كل شخص ياخذ حقه واللي ما يعرف المدير ممكن يسأل موظفي الجامعة عنه .
وقد كانت هناك عدة معايير للوظائف منها أن الأولية تكون للي موظف بالجامعة بالدرجة الأولى وأيضا هناك أفضلية للي يكون من أهالي المنطقة إضافة إلى الخبرات و أن تكون في مجال نفس مجال التخصص .

يبي يجي شخص ويقول ليش أعلنوا الوظائف من الأساس مادام نص الوظائف رشح عليها من موظفين الجامعة ؟
نرد عليه ونقول نصف الوظائف رشح عليها من خارج الجامعة
ونصف موظفين الجامعة الذين دخلوا الاختبار التحريري لم يجتازوا الاختبار التحريري
إضافة كيف بالله تبي تكون الأولية لك والوظيفة بالأساس لموظف الجامعة على أساس يترقى عليها ولكن مدير الجامعة أمر بأن تطرح للجميع من داخل وخارج الجامعة

وأخير نقول لهم إن كانت المطالبة بالشكاوي من باب إنهم يرون في أنفسهم أنهم أحق بالوظيفة فالله يوفقهم .
وإن كان يطالبون بالشكاوى من باب الحسد الذي في أنفسهم من عدم ترشيحهم ومن باب التخريب على زملائهم المرشحين
ومن باب يا ترشحونا يا نخرب عليكم
ومن باب الضغط على الجامعة على أساس توظفهم
نقول لهم نسأل الله أن يجعل كيدكم في نحركم وأن يشغلكم في أنفسكم وأن يسكرها بوجهكم وين ما وجهتم و أن يجعل عدم التوفيق حليفكم دائماً وأن يعطيكم على قدر نياتكم.

وأخيراً نطلب من الإخوان الذين تم ترشيحهم
نسألكم بالله يا إخوان بالذات وظائف الرجال هل كانت هناك واسطة كانت سبب في حصولكم على الوظيفة.

يارب أكرمنا }}}} قل خيرا أو فصمت << قسم بالله أشتهيت أسطرك وأسبك وأشتمك على المعلقه اللي كاتبه
:@ أنتا نفر مافي كويس

^^^^^^
كلامك عين العقل ياخوي وبعد في وحدة تقول كل البنات الي ترشحوا ازواجهم موظفين بالجامعة وهذا كذب انا ترشحت ولا في اي شخص يقرب لي بالجامعة لامن بعيد ولامن قريب ولا حتى معرفة بس اعوذ بالله من الحسد والتخريب وحب الشوشرة

ياجماعة في ناس تفهم وفي ناس ماتبي تفهم
الحين اللي يطالب بحقه صار حسود ويحب الشوشرة ؟
سبحان الله ماهذا المنطق الأعوج

انقبلتوا وانتم قدمها مبروك من القلب وتستاهلون الله يوفقكم


كلامنا عن الناس اللي ماتستحق الوظيفة وانقبلوا فقط لأنهم موظفين بالجامعة
قلتها قبل وأكرر للي مايبي يفهم
إذا الشخص اللي أخذ الوظيفة أفضل مني اقسم بالله ما أزعل ومبروك ويستاهل

لكن إذا شخص أقل منك مؤهل وأقل منك بالأختبار يتفوق عليك فقط لأنه موظف بالجامعة ! هنا الكارثة

إذن ليش كل هالزحمة هات موظفينك ياسعيد واعمل لها مسابقة لحالهم والباقي أطرحها للشعب .. لاتغثنا ولا نغثك ..


وبعدين المدعو سعيد قال لي الموظف الجيد والقائم بعمله بشكل ممتاز له أولوية على غيره بغض النظر عن التحريري والمقابلة والمؤهلات
طيب موظف جيد وممتاز ليش ماترقيه وتكرمه ؟؟ ليش تمنع الترقيات عن موظفينك ؟

أتمنى أن لاتتهموا أخوانكم بأشياء ماهي بنفوسهم يكفيهم مافيهم
هذا أنا اقسم بالله قسم غليظ
وابن عثيمين قال من أشهد الله على مافي قلبه وهو كاذب فقد كفر
أشهد الله أنه مو حسد ولاغيره لكن من حقي أعرف هل الشخص الذي أخذ الوظيفة أفضل مني أو لا !
إذا أفضل مني مبروك ويستاهل والله يزيده ويوفقه
لكن إذا انا أفضل هل المطلوب أسكت؟ عشان ما أتهم بالحسد؟
أرحموا عقولنا ,, وقلوبنا بعد !