السلام عليكم ورحمة الله ..

كيفكم جميعا ^_^

أنا شخص ابتليت ابتتلاء حسن ( وهو تخصصي الحالي ) .. صار يومي مقسم لـ 3 أثلاث ..

ثلث بالمستشفى الجامعي , ثلث مذاكره , ثلث نوم


فكرت كثير .. أنا يوميا من10 الليل لـ 6 الصباح قاعد عالكتب
كيف أقدر أستغل هالقعدة بشيء يدر بعض المال ^^
الاهل مو مقصرين لكن نفسي أعتمد علي دخل يكون بتعتبي

كان الخيار الامثل بالنسبة لي هو وظيفة ليلية بفندق .. يصير عندي متسع طويل للمذاكره وما يجي الا واحد ولا اثنين أخلصهم وينتهي دوامي ..

لكن الشغله طلعت عويصة إنه مو على كيفي آخذ اجازات وقت الاختبارات .. وعندي مستواي الدراسي خط بنفسجي مو أحمر

أعجبتني أحد الافكار المطروحة هنا ( https://www.btalah.com/t460057.html)
لكن المشكلة أنا صدري ما يتحمل الدخان على طول أكح ^_× ..

فـ أتمنى منكم - بخبرتكم - تنوروني على أفكار مشابهه ..

وراس المال يتراوح بين الـ 20 والـ 25 ألف ..

الله يرزقك اخوي

عندي لك تجارة مكسبها مضمون باذن الله عندي بضاعه باكستانيه عباره عن مناشف مكسبك في الدرزن من 15 الى 25 ريال اذا لك نيه انا جاهز

^^

تسلم على اهتمامك ..

هالنوع من المشاريع يحتاج متابعه , ومكان البيع غالبا بالشارع وما راح أقدر أذاكر والسيارات تروح وتجي .. وركز قلت اني ما راح اكون صاحي الا من 10 الليل لـ 6 الصباح " وقت ميت بالنسبة لهالنوع من التجارة "

ليش ما تفتح مكتب استقدام خادمات وتخلي احد ثقه يساعدك وقت دراستك وانشغالك
او
تشتغل بالتسويق وانت بالبيت عن طريق النت هذا اللي ببالي

شغلها في مكاتب التقسيط وان شاء الله تزيد وبالتوفيق يارب

اجل مالك الا تشتري بضاعه من اي نوع وانا افضل شواحن للسيارات وكفرات لاني اشوف اي شي يخص الجوالات عليه اقبال وتقعد تبيع وتبدا في اهلك واصدقائك مبدئيا وانت مبسط بالبيت طبعا زود خمسه ريال عشان تكسب بكل حاجه

أنت طالب .. تقدر تستغل وقتك في طباعة الأبحاث وتصوير المذكرات لزملائك

اشتر آلة طابعة واشتغل عليها والأسعار حاول تكون أفضل من محلات خدمات الطلاب

والمبلغ اللي معاك اكتتب فيه في اسمنت المدينة مطروح الاكتتاب الآن بس احرص عالتعامل الإسلامي

بما ان وقت هو من 10 الليل الى 6 الصباح .. فأنا انصحك بالتجارة الاكترونيه

تجيب لك بضاعه اياً كانت وحاول تستهدف فئة الشباب وسوي لك موقع الكتروني وأعرض فيه بضاعتك

استلام المبالغ عن طريق التحويل و تسليم البضاعه عن طريق الشحن وتخصص لها يوم واحد بالاسبوع كـ الجمعه مثلا تشحن فيها البضاعه

موفق