إخواني السلام عليكم. انا من الرياض متزوج واعمل بشركة براتب 2500 الزبدة إخواني اقسم بالله الدنيا لعبت فيني لعب ديون والشكوى لله وعندي أطفال اريد مشروع مربح ومجرب يا إخوان انا لا املك راس مال عملي نظام 24/24 يعني يوم كامل دوام ويوم فاضي تكفوووون اللي عنده خبرة يفيدني على الخاص ويبشر بالدعوة وفقكم الله وجزاكم خيرا

اخوي انصحك تطلع لك ليموزين
صدقني فيه خير

الله يرزقك يا الطيب

و هنا نداء لاصحاب التجارب السابقة ان يفيدوا الاخ الكريم لمساعدته

الله يسهلها عليك وعلى كل مسلم

اشتغل تكسي

لو تطلع كل يوم 50 ريال نعمة

على الأقل ماتلمس راتبك

اكلك وشربك من التكسي .

الله يوفقك ويرزقك بس اهم من المشروع لازم العزيمة والاصرار واذا دخلت في مشروع لازم تكمله الين النهاية ..

في كذا مشروع وانت استخير وشوف اللي يناسبك :
1- جمع الكراتين وبيعهااا على موسسات التدوير الورق وتكلمواا عنهاا كثير في هذاا القسم ..

2- تروح سوق البطحاااء وتصور بضائع الجملة وتنزلهاا بالنت وطلع حق البضائعه وتعبك ..

3- كداد مشاوير او تتعامل مع تاجره تعطيك طلبيه وانت توصلهاا بيت الزبون\ـة وتاخذ حق المشوار ..

4- تجيب لمحلات الجوالات بطاقة بيانات ..

بالتوفيق يااارب ...

اخوي في طريقه حلوه طلع لك تكسي واطلع كد فيه سفريات لمده فتره محدوده الين يتعدل وضعك وبعد ما يتعدل ان شاء الله خليك بالمدينه اللي انت متواجد فيها وان شاء الله ربي يسهل عليك وصدقني فيها مكسب تاخذ على المسافر الواحد 250 وشوف كم راكب بيكون معك وانت بتروح خذ معك ركاب وانت راجع خذ معك بعد صدقني بتطلع مبلغ وقدره وان شاء الله ربي يرزقك ,,,

الله يجزاكم خير ويوفقكم

تبي الخير ، سو لك بسطه في الاسواق الشعبية خاصة يوم الاربعاء والخميس والجمعة
وبع اي شي تشوفه ناقص في الاسواق الشعبية

مثل ماقالو الاخوان تري المكدة فيها فلوس
انا كنت انزل بركاب من الرياض لجيزان 5 ركاب الواحد 250 ريال روحة والردة للرياض مثلها
احسبها
بالتوفيق يالغالي