السلام عليكم


كيف حالكم اعضاء وعضوات المنتدى


حبيت استفسر لكم بخصوص الوظائف الغير تعليميه ياجماعه الخير الموضوع عارف انه ماهو جديد عليكم لكن حبينا نوصل صوتنا للمسؤولين بلا استثناء

انا بقولكم الي صارلي وانتو احكمو انا عاطل من سنتين تقريبا والله العظيم عجزت وشيبنا وحنا ننتظر الوظايف معليش يابنات المنتدى لكن حنى اجدر واولى بالموظايف المعلنه بالالاف للبنات

تدرون ليه ياشباب لكنكم جالسين في البيت لحد يسمعكم ولحد يشوفكم والكل يقولنا انتظر ونتصل عليك هذي الجمله الي غثونا فيها ترا محد يسمعنا اذا ما تحركنا ووصلنا اصواتنا لوزاره الخدمه المدنيه ولا محد درى عنا بنجلس كذا خمس ست سنين ثانيه يمكن .

ترا انا ارسلت للديوان الملكي اكثر من 3 معاريض ولا فيه فايده وارسلت لوزير الخدمه المدنيه معروض ولا فيه فايده ارسلت معروض الاخير لولي عهدنا الامير سلمان واليوم اتصل علي الموظف بوزاره الاعلام كون انه طلبي وظيفه حكوميه بوزارة الاعلام وقالي مافيه وظيفه انتظر جداره فحبيت توصلون صوتنا نبي نسوي شي نتحد فيه ونتفق على كلمه وحده بالنسبه للعاطلين للوظائف الغير تعليمية ويتحركون المسئولين صدقوني لكن دام انا جالسين والله العظيم لحد يسمعنا ولا يعطونا وجهه

بالنسبه لي تصدقون اوراقي موجوده بقسم الارشيف بوزارة الخدمه يعني صوتي راااح فاقولكم تحركو ياشباب الغير تعليمي تحركو قسم بالله محد درى عنا شكرا لكم

أنتم بس لو تخلون عنكم المقارنة بين وظايفكم ووظايف هالضعيفات لانكم ماتدرون وش حجم المعاناة
وغرتكم هال٢٨ الف وظيفة وال١١الف وظيفة اللي ماتدرون عن تفاصيلها لكن للعلم عدد المتقدمات على
هذي الوظايف٣٠٠ ألف تدرون وش معنى٣٠٠ الف يعني هالعدد مُهمل من سنين وهالبنات اللي توظفن وحاسدينهن
ع وظايفهن ياليتكم تصبرون صبرهن لأنهن من ست سنوات وطالع متخرجات اللي١٤ سنة واللي١٠ سنوات واللي٩
يعني تكددددس موب طبيعي فرجاءً لاتحسسون البنات ان الوزارة مهتمة فيهم لعلمك هال٢٨ الف مفترض السنة اللي راحت
داومن لان الرجال اللي طلعت اسماءهم بالامر الملكي نفسه متعيينين من العام الله يبارك لهم وماشاء الله تقديم الشباب كله على بعضه شهررر قدموا وطابقوا ووجهوهم والحين باشروا بينما احتياج البنات للحين ماعنه اي خبببر لاننا بنات
وزي ماتفضلت أنت وغيرك الشباب أولى لكن صرتوا أولى لحد ماوصلنا لحد التهميش من الوزارة وياليتك تشوف أماكن المعينات
في هجر وقرى بعييييدة عن مناطقهم
طالبوا بس يرحم والدينكم لاتجيبون سيرة البنات ويصدقون الوزارة انهم مهتمين
الله يرزق الجميع.

ياسبحان الله بدل ماتقول يالله بنات واولاد نتعاون ونطالب بوظايف لنا كلنا
تجي تقولنا احنا اجدر منكم
لا ياعيوني خريج سنتين مو اجدر من خريجة 10 سنوات
اقضب ارضك وفكنا من شرك
وقل خيرا أو اصمت
اذا انتوا يالشباب تقولون كذا اجل نقول على الدولة السلام
موضوع يجيب الهم يتقفل ابرك

والله هذا موضوعي وحطيته هذا اولا

ثانيا بالنسبه حلمي التدريس نحترم رايك كوني بموقفي بتعرفين ليه وصلنا الى هذا المستوى بالعكس حنى جربنا الشقى واكثر منكم يكفى اني خريج وعاطل وبدون زواج وعندي برقبتي مسئول عن خواتي وامي اذا تقفلت الابواب بوجهه شاب سعودي يكون كارثه لكن البنت مستوره بالبيت اذا جانها نصيب ربي يوفقها ماقلنا شي لكن الشاب مب مثل البنت بفارق بكل الاشياء


بالنسبه لللاخت شمس العصريه انتي ذكرتيني بالمثل الي يقول صمت دهرا ونطق كفرا انتي عايشه مطمئنه سعيده مالك دخل بغيرك يحقلك تقولين هالكلام بعدين انا مايهمني رايك لكن احترم طرحك وكلامك وانا عندي راي الشباب اهم شي وحنى الاجدر باحترام الوطن لنا

انا ادري ان البنات صبرن كثير
وادعي لهن
والسبب معروف اولا كثرة البنات في نسبة الشعب بالاضافه لان الجانب اللي في الغالب يناسبهن هو التعليم .. لذا زحمه كثير عليه


اللهم اني اسالك انك تفرج عليهن كلهن وحده وحده
ولا يعجزك يا كريم يا كريم ان ترزقهن
فانت الرزاق
وانت الكريم المعطاء

سبحان الله وبحمده سبحان الله العظيم

الله يرزقك اخوي انت وجميع الشباب والبنات

بس انا وجهة نظري تخالفك شوي واحترم رأيك اكيد ,

البنات بعد لهم حق وعندهم طموح زينا وحتى ال 28 الف اللي تعينوا

ترى نسبتهم ما تشكل حتى 15 % من العاطلات وسنوات كثيره انظلموا

فمن حقهم يتعينون , فما فيه ربط بين وظايفهم اللي جتهم او ح تجيهم

وبين العطالة اللي صايره عند الشباب , الحلول كثيره اخوي بيد المسؤولين

سواء وزارة الخدمة المدنية او التعليم او حتى غيرها من كافة القطاعات بس

هم مايهمهم ولا فيه رقيب ولا حسيب عليهم , وعلى فكره حتى رواتب حافز

فيه احصائية تقول ان البنات اللي ياخذون حافز نسبتهم توصل 87 % تقريبا

والشباب 13 % بس تدري وش يعني النسبة , تعني ان العاطلين من الشباب

ما يشكلون شي بالنسبة للعاطلات , فصدقني اخوي الشباب وضعهم ماشي

وجالسين يحلون مشكلة البطاله مع مرور الوقت .

وراح تنحل ان شاء الله , واخواتي البنات وضعهم صعب شوي وعددهم زي

ما ذكرت كبير , لكن انا ملاحظ خلال السنه هذي بالذات بدت وزارة الخدمة تتحرك

وتشتغل اكثر من السنوات الماضيه وهذا شي طيب


اسف على الاطاله وبالتوفيق يارب للجميع

انا اكثر من ١٦ سنه بطالة .. ماخليت مكان ماارسلت له.. ارسلت ٣ معاريض للملك يوم كان ولي العهد وهو ارسلها بدوره لوزارة الخدمة المدنية عشان يوظفوني لكن هم بس اكتفوا انهم يتصلون ويقولون انتظري الي ان ينزل وظايف مو مرة وحده ٣ مرات
وارسلت معروض للامير نايف الله يرحمه وماصار شي
وارسلت لوزير التربية والتعليم وطلع لي معاملة في الوزارة وصرت اراجع فيها الي ان قال لي موظف اذا ماتعرفين احد مسئول في الوزارة لا تتعبينا وتعبين نفسك
وارسلت غيرها كثير لدرجة انني نسيت من كثر الي ارسلته
بس مااقول الا حسبي الله ونعم الوكيل

هذي أرزاق من الله وكل وآحد ووحده لهم نصيب بالدنيابعدين نفسي أعرف الغايه من الموضوع اللي منزله تبغون تاخذون وظايف البنات
ماني مستووووعبه شيء
اللي تعينو من البنات تعليمي أو غير تعليمي توظفو بأماكن نسائيه يعني ماتعدو على حقوقكم وكل إنسان له رزقه من الله مو من خلقه
إنت لك سنتين وماتحملت أنا ليه تسع سنوات وغيري لهم عشره وخمسة عشر سنوات
فيه بنات بالبيوت محتملين مصاريف أهلهم يعني مؤ بس إنتم اللي تعبتو من المسؤليه بالسعوديه بنات يوزنون بالذهب البنت تتحمل شغل البيت ومتطلبات الزوج أو الأخوان والأب وتشوف طلبات الأطفال يعني تكرف نفسها من الفجر لين وقت نومها أما إنتم مررره ماعندكم مسؤوليه لاطبخ ولادراسة أطفال ولا شيء
إرضى بما قسم الله لك تكن أغنى الناس

ليش هالاسلوب الهمجي ؟!!

البنت تحتاج وظيفه مثل الولد وعندها التزامات موكثر الولد بس طموووووحه ومبدعه بعملها وبالاول والاخير الارزااااااااااق بيد الخالق رب العالمين ..

والله يعطي كل واحد ع قد نيته مووووووووووووووووووووفقين هع