السلام عليكم ورحمه الله وبركاته
اخواني انا شاب عاطل .. قدمت على معهد رياده طلبت قرض و الحمدلله قبلوا يعطوني
( ومازال التسجيل مفتوح ل الراغبين في عمل مشروع لهم )

المهـــــم.. انا ابي افتح تموينات بجده وبصراحة عندي كم سؤال اتمنى من اهل الخبره يجاوبوني
- الثلاجات من وين اجيبها ؟ هل الافضل اشتريها وكم بتكلفني ؟ .. او انتظر المندوبين على ما سمعت يجيبونها ، وهل بيتاخرون علي ان طلبتهم ! ؟
- الرفوف + الديكورات، مع العلم اني ابي ديكور جذآب .. كم راح تكلفني ..؟
- البضائع وين المحلات اللي تبيع بالجملة ؟ وكم راح يكلفني اعبي المحل كله ؟
- كم ممكن يكلفني المشروع كامل ؟
- وسمعت ان البقائل مافيها مكسب او على الاقل مكسب ضعيف ، و كله يروح ل الكهرباء و البضائع . الخ

ارجو منكم تفيدوني يا اهل الخبرة .. و انا راح اشتغل في البقالة بنفسي ماني بحاجه عمآل ،
الا ان كان عامل واحد .. يوصل طلبآت ،

يعطيكم العافية ..

ان شاء الله اهل الخبرة يفيدونك

لكن اعطنا معلومات عن كيفية الحصول على القرض

الله يوفقك ترا التموينات الكبيرة فيها ذهب

اخواني .. بقول لكم كيفية الحصول على قرض

اولا : يجب ان يكون عندك مشروع في بالك و مخطط له ومسوي له دراسة زين و تحسب كم يكلفك وكل شيء
ثانيا : ادخل على موقع معهد ريادة وشوف شروط الاقراض .. مطابقة عليك ولا لا !؟
ثالثا : اذا منطبقة عليك الشروط .. شوف المشاريع اللي ما يدعمونها .. لازم تختار مشروع غير اللي ما يدعمونها
رابعا : تقدم طلب على المعهد بمشروعك ، تكتب بياناتك ، وتكتب كل شيء عن مشروعك و كم تبي قرض

بعدين هم يرسلون لك رسالة اذا موافقين على طلبك ولا لا ..
و ترى هم هدفهم " تشغيل الشاب السعودي " يعني لازم انت تدير مشروعك بنفسك
يعني نصيحة " اختار مشروع سهل ، يكون بيع و شراء فقط " .. و الله يوفق الجميـــــع ..

الله يوفقك ويرزقك من حيث لا تحتسب

شوف وانا اخوك مراكز البيع الكبيره زي بنده و مرحبا والعثيم هذا المحلات لا تعتمد على البيع بالقطعه تعتمد على تاجير المساحه في الرف يعني ايجارهم ب نص متر او متر او متر ونص طبعا في الثلاجات او الارفف العاديه
ويسوون عقد مع الشركات الكبيره زي المراعي والصافي والببسي وكامل الشركات .

بس زي هذا الشركات ما تجي عندك الا اذا انت في منطقه فيها زبائن كثير وبالعكس اذا عندك زبائين يتسابقون على انهم يجون عندك




اتمني اني اكون افدتك والله يوفقك ويرزقك من حيث لا تحتسب

الله يوفقك

اسمع اهم شي الموقع

لازم يكون مكتظ بالسكان

الثلاجات اشتر بعضها وبعضعا خذها من الشركات

بس رص عليهم شوي

يعني رجهم الين يعطونك .

ياشباب ، بالنسبة للموقع شفت محل ممتاز بحي السامر بشارع مافيه ولا بقالة .. ومليئ بالسكان
لكن المهـــم ابي اعرف من وين اجيب كل البضائع مره وحده من مكان بالجملة !!
و الله يرزقكم جميع بكل خير ..

صح البقالات مافيها مكسب واجد

بس بكثرة البيع يصير فيها مكسب ان شاء الله

بس زي ماقلتلك اهم شي الأيجار يكون رخيص شوي

ويكون الموقع مكتظ بالسكان


البضائغ تجيبها من سوق الخضرة

بس اهم شي تكون البداية بعقلانية

يعني حاول توفر كل شي لو يكون على كرتون واحد فقط

وان بغيت ان يكون ان شاء الله مكسبك مضمون افتح مخبز

اغلب الزبائن يشتري بريال عيش او صومالي

ويطلع بمقاضي 10 ريال او 15

ماشاء الله ... الله يوفققك يارب ومن بقالة صعيرة لأكبر هايبر ماركت يارب ... اهم لاتنسا من التخفيضات ... لا أمزح موقف خير يارب