السلام عليكم ورحمه الله وبركاته
اخواني انا قدمت في حرس الحدود والحمدلله تم قبولي مبدئيا
بس اللي ابي اعرفه بموقعهم حاطين شرط

أن يكون من مواليد 1/7/1404هـ فأعلى ولا يقبل من ولد قبل هذا التاريخ.

طيب وبنفس الموقع من ضمن الشروط ان لايقل عن 18 سنه ولا يزيد عن 30 سنه

كذا في تضارب بين الشرطين انا عمري ما اكتمل 30 سنه باقي عليه سبع اشهر

انا من مواليد 1404/05/20
يكمل 30 سنه في تاريخ 1434/05/20
وهم كاتبين بالشروط يجب ان يكون من مواليد 1404/07/01
وبنفس الشروط كاتبين ان لايتعدى عمر المتقدم عن 30 سنه

بالله عليكم وش اسوي الحين اروح اراجعهم او وش اسوي بالضبط
مع العلم ان هذا التسجيل اخر تسجيل لي تقريبا بالعسكريه

وعليكم السلام ورحمة الله وبركاته
اخوي اذا سجلت وانقبلت ليش ما تروح وتجرب حظك
وان شاء الله ربي يسر لك امرك

وفيه شي بعد
الحين اللي سوى فرز للاسماء ورسلو لي رساله ليه ماشاف العمر
يعني لازم يمشورني : ( اذا جد مايقبلون اللي قبل تاريخ 1/7/1404
ليه يرسلون لي

والله ياخوي شف ياخوي انا انصحكك انكك تفعل الاسباب وتسبب وتروح لهم
ماتدري لعل الله قد كتب لك رزق فيها لاتيأس وانت افعل الاسباب ورح لهم وخل الباقي على الله

بما انهم قبلوك مبدئي في امل لكل شي لو شافو عمرك زياده كنسلوك من البادايةة انصحكك لاتيأس ورح وانا اخوكك

يخوي شي واضح توك مكملت 30 سنه يعني لو فيه مشكله مقبلوك فلك التوفيق وعقبال منشوفك في الميدان

تسسلم لي هكروك لبى روحك هو هذااللي بيصير بس متأكد انهم بيرجعوني الشرط واضح وضوح الشمس
بس يمكن عندهم غلط او شي

يعطيكم العافيه عطيتوني دفعه معنويه بروح واللي فيها فيها مانيب خسران شي

يا غالي ترا يمشونك والله ^^
بس انت خلي عندك لباقه بي الكلام ولا تفقد الامل وترا بعض الاظبباط يمشونك غير عن الى تو متخرجين لانه ما قدامك فرصه اسسعى ورا امورك وخلك صادق مع الله وصدقني رزقك بيجيك لكن اسسعى واستخير ربك واطلب من ربك تيسير الامور ولا تنساني من دعواتك ولا تتردد روح وسو كل الى فوسعك وخلك صادق مع الله ..
**
اسأل الله العلي العظيم رب العرش الكريم ان يفرج همك وان ويقضي دينك وان ويسهل طريقك وان يرزقك العلم النافع وان يجعلك من عبادة الصالحين واسأله ان يرزقك افضل وظيفة راتبها لا يقل عن عشرة الاف ريال وان يرزقك بالزوجة الصالحة والابناء الصالحين وان يجعلك تعيش في الدنيا حياة السعداء وفي الاخرة يجمعك مع خير الاتقياء محمد بن عبد الله عليه افضل الصلاة والتسليم انه ولي ذلك والقادر عليه.

امين امين امين يارب العالمين

ماعليك منهم يقلون ما يتعدى ثلاثين / انت تعديت الثلاثين !!! لا
يعني ماعليك ومبروك يارجل والله يكتبها لك .,