الى متى ياجامعة طيبة الطيبة !


السلام عليكم ورحمة الله وبركاته


جامعة طيبة ! جامعة مدينة رسول الله صلى الله عليه وسلم المفروض تكون قدوة لبقية الجامعات برقي تعاملها مع منسوبيها من اساتذة وطلبة لكن في كل مكان في الخبيث والطيب وللاسف جامعتي مليئة بالفساد الاداري مالله به عليم ! فسادهم على نفسهم لكن ودي اعرف سبب ظلمهم لاغلب الطلبة المساكين اللي فيها أنا عني اكلت فيها من الظلم ماالله به عليم والان ناوية ارفع معاملتي واجدد الشكوى عشان اخد بحقي منهم حسبي الله ونعم الوكيل انخسف معدلي على اخر سنة من دراستي وراح تعب ومجهود 4 سنين في غلطة نظام ! موضوعي ليس مساحة للشتم والسب والقدح في جامعتي لاني تعلمت فيها الكثير وقابلت الكثير من الاساتذة اللي بيستحقوا الاحترام والتقدير !


لكن الحق ينقال مافي أحد ماانلسع منها انا رسبوني في مادة عشان حذفتها وطلبت ادرسها الترم الثاني وأفاجا بعد حذف المادة ترجع للجدول وبرسوب وخاسفة معدلي في الارض ويوم استفسرت ورفعت شكوى عليهم ومعاملة واثباتات وواسطات وكل شىء ياعالم حقي من أبسط حقوقي

اني مادرست المادة ولا اختبرت اصلا يرفضوا بكل بروود نأسف كان عطل في الجهاز ونزل اسمك بالغلط حتى وانا جايبة توقيع وورقة رسمية من استاذة المادة ان اسمي مو مدرج من ضمن الطالبات اللي درستهم برضهم رافضين يعدلوا في درجتي والان برجع اطالب بتغيير الوثيقة ومعدلي لان ظلم واجحاف بحقي وخصوصا ان المفاضلة في جدارة الان منصبة ع المعدل التراكمي ! لادورات ولا خبرة تفيد !!!! حسبي الله عليهم ونعم ووالوكيل اكتشفت اليوم وانا بتصفح النت ضحية غيري انظلمت من ادارة جامعة طيبة ! الموقرة


http://alhayat.com/Details/430142

نرجع لقضيتي أنا’’’’’’’’ أجزم ان ضحاياها يفوق عدد ضحايا saw في جميع اجزائه !



سؤالي الان لو ابطالب بتعدييل وثيقة التخرج ومضى عليها يمكن سنتين وشوي واطالب بوثيقة جديدة بالمعدل اللي استحقه وعليه يتغير التقدير العام ومرتبة الشرف ,,,. ؟

والمعاملة والاثباتات اللي تثبت براءتي كلها عندي ومحتفظها فيها وكل ورقة لها اكثر من 10 نسخ



بس ابغى اكحل عيني بوثيقتي اللي استحقها مو اللي ظلموني فيها القهر على اخر سنة من دراستي انا يوم تخرجي تعبت وتأزمت جددددااااا لان الوثيقة ماتمثل مستواي اللاكاديمي ابدددد !!! سعينا انا والوالد الله يحفظه لي قبل سنتين لكن سارت المسألة كياد وعناد من الموظفين والموظفات طفشوا مننا حسبي الله ونعم الوكيل !!! والله من القهر أمشي عليها فارة الاب توب مايهمني ينكب عليها شاهي قهوة لانها اصلا ماتمثلني بس وحده هنا نصحتني اني اللي بسويه خطأ وشلتها ورفعتها وانا عارفه انه خطا واصلا كله واحد تعينني مهو جاي زي الاوادم ومعدلي محد راح يغيره لي الحمدالله على كل حال !



ياترى الان لو اطالب بتعديل وتغيير الوثيقة يوافقوا وانبش على موضوع سار له سنتين ولا اقُابل بالرفض والاستهزاء سار حتى اللي يطالب بحقه الزمن دا الناس تستخف فيه لاحول ولاقوة الا بالله !


انا عقدت النية لاني سمعت بتغيير مدير الجامعة الدكتور النزهة ><!

عشان كدا بقول يمكن المدير الجديد طيب ومتفاهم ويفرجها الله لي على يده بس ياريت تخبروني بالاجراءات اللي اسويها قبل لااروح لهم خصوصا ان لي سنيتن عن الجامعة ماطبيتها خايفة من ردة فعلهم ؟!!!!!!


وهل سبق سمعتوا ناس عدلت على وثائقهم ومشيت امورهم تمام ؟

طمنوني الله يسعدكم !

آهلين لآفندر

الفسآد صآر عيني عينك مآتشوفي بآلأمس القريب يقول العسآف أننآ كسآلى هههههههههههههههههه

و بعدهآ قآل دول لآ يسوون لي بلوة خليني أسكتهم وأذلهم بطريقتي الخآصة وفي اللقآء يقول أنو 800 لشخص الكسول العآجز عن العمل حتى مآأستحى على وجهووو


المهم خرجت عن الموضوع بس دآ مثآل للفسآد برضو


في تعديل الوثيقة لكن آيش اللي يتثبت لهم قولي لي.؟


والمعاملة والاثباتات اللي تثبت براءتي كلها عندي ومحتفظها فيها وكل ورقة لها اكثر من 10 نسخ


إدآ معآكي خلآص توكلي ربنآ يسهل لك

^

هلا بك حلومه ^^!!

احنا ماعدمنا وسببلنا عقد غيرهم حسبي الله ونعم الوكيل على كل ظالم ! ودي اخد بحقي منهم زي ماظلموني !

ايوا انا ان اشاء الله ناوية النية بس خايفة منهم والله كفاية اهانات والله محد هانني في الحياة غيرهم لدرجة ابكي اترجى عندهم زي الطفلة اخرتها خرجت من الادارة بعد ماسبيتهم لاني حسيت ماراح اخسر شىء بعدها وعليها ماعتبت الجامعة خايفة يفتكروني حسبي الله عليهم الظلمة احفاد فيتامين واو ! وسلامة الطيبين منهم

عندي اثباتات حذف المادة الورقة تبعت الحذف وكمان توقيع ااستاذة المادة المعنية ان الطالبة الفلانية لم يدرج اسمها من ضمن كشف أسماء الطالبات ! وشىء طبيعي اننه مايدرج لاني حذفتها من جدولي وعندي تاريخ الحذف وكان وقت حذف واضافة واخر يوم كمان !

مع هذا خطأ في السيستم ويعتبر طلبك ملغي ومانقدر نسويلك شىء الكومبيوتر يقولك كدا !خلاس سمعا وطاعة قال الكومبيوتر ! محد له كلمة عليه والله شىء ينرفز حتى بابا خبلته معاي سبحان الله الانسان مايزن على شىء لانه يمكن يكون خيرة له افتكر كنت اقول بخفف مواد واحذف واخدها الترم الجي الدنيا مي طايرة مادريت انها بتطير وماحترجع

بس انا ماعمري سمعت احد عدل وثيقته واستلمها اخاف الشىء دا مايكون موجود واروح عاد وأتفشل ؟! بس بجرب مع اني عارفه اني حنطرد الله المستعان !

نصيحة لكل بنت ولكل شاب لاحد يلعب بالخطة الدراسية امشوا ع الخطة ! عشان ماتورطوا بعدين لو سار لكم لاقدر الله ظرف خارج عن ارادتكم !

وعليكم السلام ورحمة الله وبركاته

لافندر تعديل الوثيقة عادي يصير كثير

أعرف وحدة غيرت اسمها بعد ماتخرجت ورجعت للجامعة وطلبت يطبعوا لها وثيقة باسمها الجديد وطبعوها وختموا عليها بتاريخ جديد وكل شيء تمام ،وفيه ناس تضيع وثائقهم ويصدروا بدل فاقد ،وايصير أخطاء بكل الجامعات وأكيد يعدلوا أخطاءهم ،الكمبيوتر مو منزة عن الخطأ ،وبنفس الوقت كلامه مو قرآن منزل لايصح التعديل فيه
عادي جدا

طالما معك حق خلاص تغييير الوثيقة مو مشكلة المشكلة كيف راح تتغلبي عليهم وتقنعيهم
هذا حقك صحيح مادة مارح ترفع معدلك كثير لكن مهما كان هذا حقك وماأحد يخالفك بكذا حتى لو كانوا منقصينك درجة وحدة فقط فهو كمان من حقك

كلموا قسم الرجال غالبا الموظفات مايعطوك لاحق ولاباطل

موفقة وطمنينا عنك

و عليكم السلام و رحمة الله و بركاته

لا حول ولا قوة إلا بالله العلي العظيم
إلى كل مسؤول في مدينة رسول الله صلى الله عليه و سلم ....
الدولة أولتكم مسؤولية طيبة الطيبة و أنتم جيران رسول الله صلى الله عليه و سلم
و لكننا نسمع الكثير و الكثير من التجاوزات و الظلم في المدينة المقدسة الثانية في المملكة العربية السعودية فلا تضيعوا ولا تستهتروا بمدينة رسول الله صلى الله عليه و سلم فالله حسيبكم

ولا حول ولا قوة إلا بالله العلي العظيم


فإن غفلتم عن أعين كبار المسؤولين فعين الله لا تغفل و إن الله يمهل ولا يهمل

هذه طيبة الطيبة


سبحانك اللهم و بحمدك أشهد أن لا إله إلا أنت أستغفرك و أتوب إليك

اللهم صلِّ و سلم وبارك على نبينا و حبيبنا محمد صلى الله عليه و سلم

بالفعل وضع الجامعه مؤسف لكن اتوقع بعد تغير
مدير الجامعه بيصير أفضل انا كان لي مراجعه قبل فتره للجامعه ولاحظت التغير في الجامعه خصوصا في تعامل الموظفات
انصحك تراجعي وماتتنازلي عن حقك اذا كنتي مؤمنه ان لك حق راح تاخذيه ان شاء الله
الله يوفقك ويحقق لك الي في بالك

[align=right]ما أخوفك لكن قد تكون هناك صلاحيات أعلى مما عايشت في التعليم العالي
أختي لافند عند تخرج الطالبة ..وإذا دخلنا أسمها في الجهاز مايطلع لها سجل أكاديمي كأن صلاحية وجودها كطالبة أنتهت
والدليل أنتي كطالبة عند دخولك الآن على البوابة الإلكترونية وتدخلين الرقم الجامعي مالك بوابة كما تشاهدين
أنا أتمنى أن تكون في يد أعلى كرسي في الجامعة و إلا يكون التعديل محصور على أسم الطالبة فقط !
مقدر أفتيك أفتاً قطعياُ
لكن حدث وعدلت طالبة رسوب في جامعة بنجاح سبقه في جامعة آخرى (( والغلط لم تحدث معادلة المقرر الناحجة فيه الطالبة ))
مما أدى إلى هبوط المعدل بسبب أكثر من مقرر والحمدلله ساعدناه بعد عودتها بسنتين ولم تفقد الأمل ورفعنا خطاب للجهات العليا
وتم شبط الرسوب الذي آتى بعد النجاح في مقر آخر ومعادلة المقرر بمقرر في خطتها
وأرتفع معدلها ..وهي الآن تدرس كطالبة لم تتخرج بعد !
ولا أعلم بمن أنقطع لان الصلاحيات أعلى من حدود كلية !
لكن أسمحي لي ليه يالافند ليه ثم ليه تستلمين وثيقتك وأنتي عارفة أنه في شيء غلط فيها وغلط ليس بقليل ليه ؟؟؟؟؟؟؟
نقول إن شاء الله فيهـ أمل
لستُ من طيبة { للمعلومية ..: [/align]