17-09-2006, 05:28 PM
|
عضو متواصل
|
|
تاريخ التسجيل: Sep 2006
المشاركات: 66
معدل تقييم المستوى: 37
|
|
|
قصيدة جميلة تصور حال شبابنا العاطل
مع تحفظي على الفكر الذي تحتويه
ادرجها من باب التسليه فقط
ملف أخضـــر .... شخص عاطل ... شخص مُهدر!!
ملف أخضر ...
وحظ أقشر
... وعيون الناس كالمنكر
هنا للمنتهى غايه ...
نهاية بس... مو أكثر
......... ....
وآنا ميت ...
بين أعيش .. وكيف أعيش؟؟
... وليه أحلم أو أفكر ؟؟
........
أنا ... عاطل !!
أنا... ..مُهدر !!
• ** *** ***
فـ هالملفات الكئيبه .. الف طيبه
الف مآساه ومصيبه
حلم .. واوراق ... وصور
امي .. واخواني ... وخواتي
.... والحبيبه !
شخص تايه
من ثلاث سنين وأكثر
بين يعيش .. وكيف يعيش؟؟
... وليه يحلم أو يفكّر ؟؟
شخص عاطل !!
شخص ..مُهدر !!
• ** *** ***
يا جريده ...!!
يا جدار ...!!
يا قوائم ...!!
ودي أكبر ..
من ثلاث سنين وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!
شخص ..مُهدر !!
• ** *** ***
يا وظيفه ..
يالسراديب المخيفه
يا عنا ... يا بهذله
يا مآسي مهمله ...
يا ملل..
يا عُمْر يمضي ... كذا
يا أذى !!
ودي أكبر ..
من ثلاث سنين .. وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!
شخص ..مُهدر !!
• ** *** ** يا طباشير وكتابه
يا مراسم ... يا كآبه
يا فصول ....
يا صغار :
هذا "ابو بكر" و"عمر" ...
هذي هي غزوة "حنين" ...
وهذي "مؤته" ...
وهذي هي غزوة "بدر "
هذا هو "عبدالعزيز"
ذا "وطن الله أكبر"!!
ذاكروا الدرس برويّه
وانت يا "صالح" تذكر
يا مؤدب يا كويّس
بكره تكبر
وتنجح .. وتصبح مدرّس ?!!
............. .....
هذا عمري ..
هذا حلمي ...
هذا بس اللي قريته ..
هذا بس اللي كتبته ..
هذا هو اللي كتبني ..
ما أبيها .. لا " فواكه " ولا " بنشّر" !!
حلمي ... أكبر
بس أبي فرصه ... وبأكبر
ودي أكبر ..
من ثلاث سنين وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!
شخص ..مُهدر !!
التعديل الأخير تم بواسطة المساعد العربي ; 17-09-2006 الساعة 05:31 PM
|
العرض الشجري
