السلام عليكم ورحمة الله وبركاته

اخواني انا داومت في دورة البحريه السبت هذا
ومن اول ما دخلت الى اليوم وانا كل يوم مجازى ححاولت اتحمل بس والله ما قدرت
انا عندي دسك من قبل بس تعالجت منه واثناء الدوره رجع لي مع الجزاءحاولت اترجاهم انهم يرسلوني الى المستشفى بس رفضوا قال ما تترك الجزاء الى ان شفت الموت بعيوني خذت اغراضي وطلعت وانا بموت من القهر والالم وعلي وعلى المستشفى وانا ازحف والان طلعت
وانا باقي في جده بعد ما اخذت العلاج قلت برجع المركز مره ثانيه لاني والله منقهر انها بتروح مني بس الشكوى لله بعد عطالة ثلاث سنوات ومرمطه ماقدرت استمر في الرزق الي جاني


سوالي الان هل اذا جبت تقرير طبي لحالتي يرضون يرجعوني الدوره او لا مافيه امل ارجع ديرتي
يعني فيه احد قد انسحب وقدر يرجع


ياليت الي عنده جواب يرد علي والي ما عنده يدعي لي الله يفرج همي


انا موجود على طول استنى الجواب

وقعت على شي

يعني ورقة انسحاب او خروج؟

اذا ماوقعت على اي شي

ارجع ولاتتركها

ازعجهم سوي ازعاج

اهم شي ترجع للدورة .

والله ياخي ماعندي أي خلفية عن موضوعك لكن..! انت خذ التقرير الطبي وراجعهم السبت وشوف وش يحصل واتمنى من رب العالمين ان الله يوفقك وترجع لوظيفتك مافيك الا العافيه يارب العالمين .

لاحول ولا قوة الا بالله يارب يسهل امورك

وان شاء الله باذن الله ان كان لك فيها خير تتيسر امورك

واذا رجعت خد معك حبوب زي روفيناك دي فوار وحبوب باركسون هذي مفيده للظهر

والله يوفقك المهم اصبر واستغفر كثير

والله ياخوي ما عندي خلفية عن موضوعك
لكن اسأل الله العظيم رب العرش العظيم ان يفرج همك وان يرزقك الرزق الحلال

وزي ماقالو الربع خذ تقرير من المستشفى وروح لهم لاتنسحب بهذي السهوله وتقول خلاص مابيقبلوني ارجع لهم
رح لهم وعسى الله يسهل امورك

اخوي ربان السفينة اسال الله لك الشفاء وهونها وتهون ياخوك
لكن هل وقعت اوراق تنازل عن الدورة ؟؟؟
لأنهم في هذا الوضع يستدعون الاحتياط

انا في واحد بعد 45 قدم استقاله بسبب المدرب جزاء كل يوم للشخص هذا حاقد عليه

وجلس ثلاث ايام ورجع مع انه موقع علي ورقه

بس سمعت انه راح للواء ورجعه

سبحان الله والله الحمدالله والله اكبر

الله يشفيك ويسر كل امورك يارب

يا ريان البحرية معروفة انها كرف في الدوره وحتى سويت شي او ما سويت ما تسلم من الجزاء
والله ما اقدر افيدك لاكن ارجع لهم وشوف
والله يهونها عليك