ياحبيبي الدوم طبعن عسكري ومن ناحية السكر والله مدري ياخوي

طيب ان كرشوني احد يبي شهادة الحاسب

لاااا انقبلت بس اقصد اذا كرشوني بعد المقابله والفحص الطبي...

قبلوني بس ماعندي شهادة حاسب شكلي ماني رايح خايف من الكرش وتمتير الخطوط على الفضي

اللي ماعنده شهادة كمبيوتر يعني مايطلع

سؤال
محد يعرف احد يبيع شهادة كمبيوتر ؟

ياشباب انا بقول لكم قصتي مع الجوازلت العام الماضي

انا العام الماضي سجلت بالموقع وجتني رساله على الجوال انه تم قبولي مبدئيا لدخول المقابله الشخصية وشديت الرحال من المنطقة الشرقية وخصوصا بمحافظة القطيف الى الرياض ورحت الجوازات ودخلت المقابلة الشخصية وبعدها بسبوع طلعت النتائج وطلع اسمي لدخول الأختبار وشديت الرحال الى الرياض ودخلت الأختبار وبعدها بحوالي اسبوعين طلعت نتائج والله وفقني وطلع اسمي في الموقع وجتني رساله ان علي الحضور في الموعد المحدد لأجراء الفحص الطبي وشديت الرحال الى العاصمة الرياض ورحت الجوازات وعملت الفحص الطبي وطبعا كل يوم تعمل شي يعني يوم رحنا عملنا البصمات ويوم ثاني ضغط ونظر ويوم ثالث فحص دم ويوم وكذا وطبعا رحنا المستفى والبصمات بالباصات الي تبع الجوازات لأن المواصلات عليهم لأن احنا خلاص مقبولين

والي حصل ان يوم الثلاثاء يوم طلوع النتائج تفاجأت من الموظف الي بالمستشفى الي يصير تبع الجوازات يقول لي انك غير مقبول

قلت ليه كيف وليش
قال انت معاك مرض خلايا الدم المنجلي الوراثي

قلت ليه موصحيح انا في عائلتي كلها مافي احد منا معاه هذا المرض وخصوصا ان هذا المرض يكون وراثي وانا من وقت ماكان عمري ثلاث سنوات الين ماوصل عمري 23 كان علاجي في مستشفى الظهران با ارامكوا السعوديه وعملت عدة فحوصات مافي يوم قالوا لي معاي هذا المرض

قال لي هذي نتيجة الفحص الي طلعت عندنا

انا طبعا ماقتنعت وقمت رحت سويت فحص دم في مستفى خاص وقالوا لي نتيجة الفحص سليم ومامعاك هذا المرض

ورجعت لهم الجوزات وقلت لهم اني رحت سويت فحص دم في مستشفى خاص وماطلع معي هذا المرض قال لي الموظف خلاص انت استبعدت ومانقدر نسوي لك شي واحنا نعتمد نتيجة الفحص الي نسويها احنا بمستشفى قوى الأمن بالرياض

وطارت الطيور بارزاقها

وطبعا انا متأكد اني في واحد الله لايسامحه بدل علبة الدم حقي بعلبة دم ثانية

والحين في هذا التقديم قدمت وقبلوني مبدئيا لدخول المقابلة الشخصية يوم السبت الساعه اربع ونص 4.30 مساء

وماقول غير واسطتي الله سبحانه وتعالى