تعقدت نفسيا رحت لحائل معقدة الشغلة انا من سكان الرياض راجعت هنا مليون مرة رفضو يسجلوني ويوم ابي اسجل حسسوني انهم بيدفعون لي الضمان من جيوبهم ومعقد طلباتهم انا معي ربو وعجزت اسجل في الضمان وللاسف ماسجلوني ولا عطوني وجة بينما اعرف ناس راحو لديرتهم خارج الرياض واصغر مني بالعمر ب 5 سنوات بمجرد انة يعرف الموظف اقسم بالله على طول سجلة شفتو كيف الواسطات وانا لي الله اتمنة احد يسجلني والله تعبت نفسيا لاوظيفة ولا عيشة زينة ولا ضمان ولا جامعة حتى لو بسجل بالجامعة ماقدر على رسومها وربي الشاهد مابي يروح عمري تكفون افزعو لي والله العظيم محتاجكم على فكرة انا شاب ماني بنت

اولاً :

هل تريد الغيث المدرار والذرية الطيبة والولد الصالح والمال الحلال والرزق الواسع ؟ عليكم بالاستغفار:

{اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً *

وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً}


ثانياً:

انت عندك اوراق تثبت انك فعلاً مريض بالربو شفاك الله منه

انا صراحة ما اعرف انظمة الضمان

بس زبط نفسك ورح للأمير في الأمارة

وادخل عليه

ولاتخلي ولا تبقي

قوله انا ظروفي كذا وكذا

قوله كل شي .

ان شاء الله يدبر لك وظيفة او يخليهم يسجلونك في الضمان .

ولانتساني من دعائك بأن يوفقني الله في حياتي .

اخوي انا رحت عشان مساعدات ماقدرت اوصل للامير تبي الضمان يعطيني وجة يابن الحلال مانقدر نوصل لة هذي المشكلة ابي انسان يفزع لي ويسجلني بدون هالتعقيدات لان الدعوة واسطاااااااااااااات وبس وربي الشاهد لي صديق عمرة 25 سنة راح لديرتهم وسجل في الضمان بكل سهولة لانة يعرف ناس والحين معه بطاقة الضمان لة كم سنة يستلمها وربي ماكذب

انت روح وجرب حظك

ممكن يرفضون العسكر اول شي

بس انت خليك نشبه

روحله الساعة 10 صباحاً يوم السبت ان شاء الله .

ماتقصر اقسم بالله لو اعرف فية امل واحد بالمية لاروح بس متاكد مافي امل ابي احد يسجلني بدون التعب يارجال تدري كم لي سنة فوق الخمس سنوات وانا اطرد بهالضمانات ادور احد يسجلني مالقيت زهقت

رح اشتغل وعز نفسك انا مريض زيك ومرض اكبر من مرضك وعندي تقرير طبي ومع كذا توظفت بالفين ريال اتحمل ولا اني انذل وانهان من مكتب في مكتب

[align=center]الله يفرجها عليك اخوي




تحياتي لك[/align]

أنا زيك عندي ربو لكن الحمد لله الآونه الأخيره صار خفيف ولا اتعب منه الا مع الركض والغبار
وعندي اصابة بالكتف بسبب حادث مروري وصارت يد اليمين وضعها مزري ما اقدر اشيل شي ثقيل او اضغط عليها باي شكل من الاشكال
وما اقدر ادخل العسكريه نهائيا بسبب الحادث
ومع هذا ما فكرت بالضمان

انت شاب ما شاء الله
وبتقدر تشتغل في أي مكان

الشاب اللي يفكر بالضمان وهو باول عمره يعد من الكسالى اللي مايبون شغل ولا وظيفه يبي مبلغ ينزل له في الحساب وهو نايم
اعذرني اخوي على جرائتي بس والله فيه ناس عندهم امراض صحيه مزمنه واقوى من الربو وماقالوا نبي الضمان يصرف علينا راحوا دوروا على وظائف ب1500 ريال شهري وعزوا نفسهم
الربو مو حجة العاطل ابدا
والحركه بركة توظف لو خدمة عملاء وانت قاعد على كرسي ماتتحرك
حتى البائع وظيفته يحاسب وهو قاعد مااعتقد انها بتاثر عليك ابدا
بس لو نجي للجد انت شاب واكيد طلعات الشباب وش كثرها سوا في البر والا المولات والا المهرجانات وتلاقيك تاخذ نصيب من هالطلعات واتوقع انها ماتاثر عليك صحيا
مافي احلى من الواقع
وهذا مجرد وجهة نظر
واسفه اذا اني اسأت لك في كلامي

هذي المصيبه الواحد يوصل 30 سنه وتلقاه ماعنده اي هدف فالحياه عايش عاله على المجتمع ويطرد ورى الفتات اللي يقدمه الضمان