29-06-2008, 02:04 PM
|
عضو جديد
|
|
تاريخ التسجيل: Apr 2008
المشاركات: 39
معدل تقييم المستوى: 34
|
|
السلام عليكم ورحمة الله وبركاته
كيف حالكم ياشباب وبنات ؟
اسمعوا سالفتي معا جامعة الملك سعود
صار تقديم قبل تقريباً 9 شهور ورحت وقدمت اوراقي على وظيفة سكرتير على المرتبة الرابعة وبعد كم اسبوع نزلوا اعلان الاختبار ورحت واختبرت وبعد كم اسبوع ونزلوا اسماء الناجحين في الاختبار والحمد لله أسمي من ضمنهم ورحت وسويت مقابلة الشخصية وقالوا بنتصل فيكم خلال اسبوعيين وانتظرتهم اسبوعين ثلاثة ماحد اتصل وخلال الفترة كنت ابحث عن الشغل في الخبر والدمام والجبيل والحمد لله الله وفقني واشتغلت بشركة في الخبر وكان تعطيني راتب 2500 ريال واشتغلت فيها 6 شهور بعدها طلعت وجلست في البيت شهرين ما اشتغل الا واتصال يجيني من الرياض الو الاخ / فلا ن تفضل معاك أنت مقدم على سكرتير بجامعة سعود ممكن تراجعنا في اسرع وقت قلت متى تبي قال بكرة قلت اوكي انشاء الله بكرة انا عندكم
واحجز على القطار من الشرقية للرياض ورحت قال سوا الفحص الطبي وسلمه وباشرالعمل من بعد صبر 9 او 10 شهور اتصلوا .
* معا العلم أن ماعندي واسطه ولا اعرف احد بالرياض وانا من اهل الشرقية ومعدلي بالكلية محرج جداً ( مقبول ) وماعندي اي خبرة او دورات لكني كنت مؤمن بالله ومؤمن ان الارزاق بيد الله رغم الواسطات وشح الوظائف ولكن الحمد لله بفضل الله جات الوظيفة بعد جهد وبحث وتعب وعناء في الحصول على الوظيفة
نصيحتي : الشغل موجود بس لا تتشرطون بأي راتب اشتغل ارضى بالقليل ويجيك الكثير والله نصحيتي لكم .
واتمنى لكم التوفيق من اعماق قلبي والله يسهل اموركم ولا تنسون الصلاة + الصدقة +قراءة القرآن + عمل الخير . والله الرازق
|
العرض العادي
