استأجرت المحل وباقي بعض بل كل الخطوات الاخرى ودي من اهل الخبرة لو يساعدونا

أحتاج مواد بناء عشان افصل المحل عن باقي الفتحات مكاني في الروضة مدينة الرياض
وين ألاقي اسمنت وبلك ورمل

وبرضه السيراميك يحتاج تغيير ودي تدلوني عليه وسعر مناسب

الإنارة وين محلاتهم وش الإنارة المناسبة

من وين اشتري الفلين بالجملة والميزان

وش رايكم في التوصيل هل فيه احد بيطلب توصيل خضار للمنازل

واذا فيه جدوى من وين اشتري دباب لتوصيل الطلبات

ماهو أفضل محل لبيع ثلاجات العرض او ثلاجات للخضار عموما ، وش تنصحوني فيه

العمال وش رايكم وش جنسية العامل المناسبة

الديكور هل فيه ديكور جيد اللي هو طريقة عرض الخضار والفواكه

اللوحة ؟ وش الانسب

البضاعة : رحت بنفسي للحراج في العزيزية سوق الجملة ليست كما قرأت في المنتدى هنا احلام وردية جدا مدري هل هو بسبب موجة الغلاء يمكن والمواضيع قديمة احدثها 2010



واشكر تفاعلكم مقدما

واعتبروا الموضوع مرجع لمن يريد نفس المشرووع

اخوي

لاتتعب في الديكور خلي الديكور مثل باقي المحلات عادي الي يجيك تركيب خذ شي مناسب وموغالي

الجدران حقت المحل اذا تقدر تخلي الجدار الي فوق بس مرايا كويس عشان يرجع صورة الفواكة والباقي عادي

بنسبة للسرياميك اشتري على بيج لاتشتتري أبيض وعندك السيراميك الي على طريق الخرج اسعار متفواته وشوف الي يناسبك

بنسبة للفلين في محلات قريبه من النقل الجماعي بلاستيك جملة ومفرق

امش عليها كلها كراتين وفلين اشتري منهم جمله واشتغل فيهم وبنسبة لغطاية البلاستيك الاله حقتها ترى رخيصة يمكن 100 لو اقل اشتر مبدائ البيتيه وبعدين لما يكبر محلك اشتري الي تكون في المخابز

اممممممممممممممممممم

والتوصيل مهم ترى لان ياكثر البيوت الي ماتقدر تطلع تمشي

وياليت لو تفضي نفسك يوم وتاخذ جولة على محلات الخضار وتشوف المحلات وتسأل السؤال موعيب بس كأنك تستفسر زين زشف كم يبيعون عليه بالوزن وسوي مثلهم

اهم شي ياخوي بالخضار والفواكة الجودة خلي الفواكة طازجة والخضار تمام

ومشكل الذباب حلها ترى الناس تحب المحلات النظيفة وهي اول سوق لك

حاول تتعامل بعدين مع مزارع فيما بعد حتى تاخذ التكلفه قليله وياكثرها

ودعوااااااااااااتك لي والله يوفقك

ماعندي خلفيه بس الله يوفقك ويفتحها بوجهك وبوجه الي فوقي ^_^

الله يرزقك دنيا واخره ويسهل امرك

الله يرززقك يارب .. ون شاءالله بدايه خيــر لكـ

كل التسأولات التي كتبتها المفروض أنك درستها وتعرف كيف تحلها يعني الواحد ما يفتح المشروع
حتى يكون ملم بكل صغيره وكبيره عشان لا ينكب ويتورط.. على العموم نتمنى لك التوفيق والله يعينك
ولو عندي خبره في الأشياء التي طرحتها كان أفدتك.. بالتوفيق

الاخت سندريلا :


بنسبة للسرياميك اشتري على بيج لاتشتتري أبيض
اقتراح جيد سيدرج ضمن الخيارات
وعندك السيراميك الي على طريق الخرج اسعار متفواته وشوف الي يناسبك
احتاج وصف دقيق للموقع
بنسبة للفلين في محلات قريبه من النقل الجماعي بلاستيك جملة ومفرق
برضه احتاج وصف دقيق للموقع
وبنسبة لغطاية البلاستيك الاله حقتها ترى رخيصة يمكن 100 لو اقل اشتر مبدائ البيتيه وبعدين لما يكبر محلك اشتري الي تكون في المخابز
بحاول اتعرف عليها وين الاقيها

والتوصيل مهم ترى لان ياكثر البيوت الي ماتقدر تطلع تمشي
رأي مبني على فرضية وسيدرج ضمن الاحتمالات
وياليت لو تفضي نفسك يوم وتاخذ جولة على محلات الخضار وتشوف المحلات وتسأل السؤال موعيب بس كأنك تستفسر زين زشف كم يبيعون عليه بالوزن وسوي مثلهم
اكيد وقد تم ذلس
اهم شي ياخوي بالخضار والفواكة الجودة خلي الفواكة طازجة والخضار تمام
الله ييسر
ومشكل الذباب حلها ترى الناس تحب المحلات النظيفة وهي اول سوق لك
احسنتي
حاول تتعامل بعدين مع مزارع فيما بعد حتى تاخذ التكلفه قليله وياكثرها
كيف السبيل لذلك اتوقع انها صعبة
ودعوااااااااااااتك لي والله يوفقك

شكراً جزيلا ما قصرتي , والله يوفقك ويرزقك دنيا واخرة وييسر أمورك



__________________________________________________ ___________

الاخ سلطان شكرا لك وفقك الله

__________________________________________________ ___________

الاخ حمودي القرني جزيت خيراً ورزقك الله ووفقك

__________________________________________________ _____________

لا يغرك صغر سني شكرا لك واتمنى لك التوفيق

__________________________________________________ ______________

الاخ ابن عزيز

كل التسأولات التي كتبتها المفروض أنك درستها وتعرف كيف تحلها يعني الواحد ما يفتح المشروع
حتى يكون ملم بكل صغيره وكبيره عشان لا ينكب ويتورط..
كلامك مبدئيا صحيح
لكن لو تلاحظ التساؤلات لا تتعلق بدراسة جدوى المشروع اساسا ما عدى جزئية فرعية فقط وهي التوصيل ويمكن ان يقوم المشروع بدونها
انا درست الجدوى والتساؤلات متعلقة باشياء مثل مواد بناء سيراميك انارة اماكن بيع الثلاجة والميزان الورقيات
على العموم نتمنى لك التوفيق والله يعينك
ولو عندي خبره في الأشياء التي طرحتها كان أفدتك.. بالتوفيق

وانا اشكرك اخوي وادري ان كلامك هذا من باب النصح والحرص

والله يوفقك