السلام عليكم ومساء الخير للجميع ,, هذه اول مشاركة لي بالمنتدى الرائع واتشرف بتواجدي بينكم ,, الحمد لله تم استئجار محل ونشاطه كافتيريا ولكني للاسف ليس لدي الا معلومات قليلة جدا عن متطلباته وتجهيزاته وحصلت عليها من بعض العمالة واود افادتي عن كل مايتعلق بفتح الكافتيريا من شروط الرخصة وتجهيزات المحل حسب معايير البلدية وايضا السجل التجاري والتقديم على عمالة وكم مدة وصولهم بالغالب وهل تستغرق هالاجراءات وقتا طويلا حيث اني بمكة واريد استغلال موسم الحج باسرع وقت ممكن واللي يفيدني ويوجهني له دعوة خالصة من القلب ولكم شكري ,,

عليكم السلام ورحمة الله وبركاته اول شي الله يرازقك الرزق المبارك ويسهل امورك

حسب خبرتي

تروح البلدية وتعرف شروط كافتيريا والظاهر تكون على شارع تجاري ومساحة تزيد عن 4*4

لان من بلدية الى بلدية تختلف الاجراءات وبعد ماتحقق شروطهم يعطونك الرخصة

بعد تروح لوزارة التجارة طلع سجل تجاري شروط بعض المستندات اللي اخذوه منك البلدية صور الرسوم 200ريال على ما اظن

تروح تسويلك ختم منشاة برقم الرخصة/ورقم السجل التجاري

بعد الى الغرفة التجارة طلع شهادة انتساب الى الغرفة ما تاخر بسرعة الرسوم الظاهر 300ريال
بعد كذا على التامينات توظائف سعودي شروطهم بعض صور المستندات اللي اخذوه منك البلدية والتجارة

وعقد عمل بينك وبين الموظف السعودي وتسدد رسوم التامينات وطلع شهادة بتوظايف سعودي 300ريال

على مكتب العمل تفتح ملف منشاة شروطهم بعض المستندات البلدية والتجارة وبعدكذا تقدم على العمال

الظاهر يعطونك عاملين ماني متاكد وتسدد الرسوم كل تاشيرات 2000ريال وتطبع التاشيرات دور عامل يجيبلك

احد يعرفه بالموصفات اللي تراغبة تسويله تفويض من مكاتب الاستقدام العامل الواحد 150 ريال

المدة اتوقع اقل شي شهر

المستندات <عقد الايجار///صورة الهوية او كرت العائلة///صورة صك العقار //صورة مالك العقار//وبعض

المستندات اللي يطلبونه كلة بسيطه

التجهيزات تفرق من مدينة الى مدينة الاسف ماعندي معلومات عنه


اتمنى اني سعتك باللي يفيدك

اخي مالك بطويله

يوجد هناك مكاتب تعملك كل هذا وبسعر انت تتفق مع راعي المكتب يجيك كل شي جاهز

واذا تبي انت تروح وتبي عوار الرأس رووح الله يوفقك اخوووي

اخي مشاريع الشرقية ,, شكرا لك وكفيت ووفيت والله ينور حياتك وامورك ويبارك لك في مالك
ارمادا ,, لك مني كل الشكر وبارك الله فيك

الله يوفقك