السلام عليكم

اليوم جاتني رساله من المعهد التقني السعودي لخدمات البترول بالدمام انه عندي اختبار قبول يوم الخميس الصراحه كنت ناسي اني مقدم عليهم لكن يوم جت الرساله تذكرت اني مسجل من زمان خلاصة الموضوع الصراحه انا ما اعرف وش هالمعهد وكيف نظامهم وين اتوظف بعد التخرج اسئله تدور في راسي ولاني لاقي اجابه وانا محتار مدري اروح ولا لا لاني ماتحمست واصلا انا انتظر نتيجة شركة BAE لصيانة الطائرات واعتقد ان النتائج بكره وبعد انتظر نتيجة الخطوط السعوديه وايضا انا مقبول في شركة صداره لكنهم حاطيني ع قائمة الانتظار وانا الحين مادري وش اسوي احس اني ضايع فا عطوني اقتراحاتكم ومشورتكم

ونا اخوك في شركتين اذا جاك فيها قبول روح بدون تفكير

شركة صداره

وشركة BAE

هذي الشركتين مستقبلها جدا ممتاز وخصوصا صداره لانها جديده واذا الله كتب لك قبول بتشوف خير ان شاء الله

وبي اي سستمز لا تعلّق امالك فيهم لان ما ياخذون اعداد كثير والواسطات فيها كثير مع الأسف

لكن اذا انكتب لك نصيب فيها بتعيّن خير رواتب ومميزات وفرص ابتعاث

بالنسبه للخطوط برامجهم الجديده تبشّر بمستقبل جيد ورواتب لا بأس فيها كبدايه

والخطوط خلال السنوات القادمه راح تقفز قفزه غير مسبوقه في تاريخها وراح يكون لها سمعه قويه مثل اول

لانهم الان بصدد تطوير وتغيير جذري لكل الإدارات والشركات التابعه لها .. هذا الكلام حسب احد موظفين الخطوط

اما المعهد السعودي يعتبر جيد وحسب ماسمعت ان وانت تدرس تجيك شركات توقع معك عقد

يعني وظيفتك مضمونه ان شاء الله بس يبغالك اذا خشيته تجتهد وتشد حيلك

يعني بإختصار بصنف لك الشركات اللي انت قدّمت عليها حسب الأفضليه من وجهة نظري

1 - صداره
2 - بي اي سستمز
3 - الخطوط السعوديه
4 - المعهد التقني للبترول

وعشان لا تشتت نفسك استخير ثم استخير ثم استخير

وربي يوفقك

الله يجزاك خير اخوي والله انك وضحت لي أشياء كنت أجهلها والصراحة انا قررت أني ما اروح اختبر والله ما تحمست ولو ذره ع كذا انتظر اتصال من صداره و شركةBAE والخطوط السعوديه والله يكتب لي اللي فيه خير وشكرا لك وموقف ان شاء الله

السلام عليكم
اخي عايش في سراب
اختلف معك في توجهك بعدم الذهاب للاختبار
ترتيب اخي الفاضل قمة الوفاء في ترتيب الافضلية لك اتفق معه فيها
لكن اختلف معك في عدم الذهاب لاختبار معهد البترول
تخيل ياصاحبي بأن جميع هذه الشركات لا قدر الله لم ترد عليك ماذا ستفعل
هل سوف تنظم إلى قائمة العاطلين عن العمل في المملكة ؟!
اتوقع عدم ذهاب للاختبار غير صحيح في معهد البترول كذلك يضم مابينه شركات قوية تعطي مرتبات جيده
فلا تتعلق في سراب شركة صدارة و BAE فتجد نفسك خالي الوفاض من الجميع
اتمنى ان تشاور من آهلك التقي الصادق معك
تحياتي لك

وش يضرّك اذا رحت واختبرت ؟

نصيحتي لك ونا اخوك حتى لو منت متحمّس للمعهد روح اختبر منت خسران شي ابد

بالعكس انت كسبان لانك بتعطي نفسك فرص في اكثر من مكان !