الحقونا يا ناس صاحب الشركة جاء وفصل 13 سعودي من غير وجه حق

راانس · #1 (**permalink**) 24-09-2012, 01:54 AM

سلام عليكم ورحمة الله و بركاتة ياعرب تكفون اقرو القصة ووجهوني ,,,,,

القصة الله فتح علي وتوضفت بشركة الفايز للنقليات من بداية شهر 6 ميلادي كان الاتفاق مع الرئيس التنفيذي للشركة يكون 3 اشهر مدة تدريب والراتب 3000 الاف ريال بعدها نوقع عقد ويكون الراتب 3500 ريال المهم وافقت على الاتفاق وبدينا العمل و التدريب وانتهت الثلاثة شهور وبعدها بسبوعين ارسلو لي العقد لمقر الفرع واطلعت علية وكل شي ووقعته واخذت نسخة ورجعت لهم نسخة بعد هذا الكلام بثلاث اسابيع صاحب الشركة امر بفصل 13 موظف سعودي بحجة زيادة الموظفين ما عندة غير ها الحجة طيب وين نروح انا واخواني الموظفين الاي انفصلو كيف نصرف على اطفالنا واهالينا انا طرحت لكم المشكلة يا اخوان ابي اعرف وين اروح واشكية واخذ حقي منه انا معي عقد رسمي مفتوح المدة من شركتهم ارجوكم وجهوني لئي جهة اروح .

ابلشونا توطين وتوطين ونطقات وين الجهة الاي تحمينا وتظمن لنا استقرار وظيفي وتحمينى من ها التجار كل ما قفلت اخلاقة قطع رزق 10 20 موظف ..

مشغل عاطلل · #2 (**permalink**) 24-09-2012, 08:38 AM

[align=center]
روحح اشتكيه في مكتب العمل راح يطلعون عيونه
طبعاا اذا ماعنده واسطه في مكتب العمل
[/align]

عنيزاوي · #3 (**permalink**) 24-09-2012, 12:02 PM

الله يكون بعونك

تو ون · #4 (**permalink**) 24-09-2012, 04:03 PM

مالك الا مكتب العمل ان شاءالله تاخذ حقك والله يوفقك ويكون بعونك والله شيء يقهر

awlama · #5 (**permalink**) 24-09-2012, 05:51 PM

الله يكون بعونك
انت في اي منطقه ؟؟
تذهب لمكتب العمل قسم الدعاوي
يكون معك عقد العمل وتقدم شكوي ولو تكونوا مجتمعين يكون افضل او توكل احد مسؤل عن القضايا العماليه
لكن انتبه هل اكملت 3 اشهر بالعمل اكتب التاريخ بدايه العمل ؟؟

نايف العماري · #6 (**permalink**) 24-09-2012, 08:47 PM

حسبي الله ونعم الوكيل

عزيزي انت في بلد مأكولك حقك

ولو تسوي اللي تسويه ماحد رح يلتفتلك

واللي يقولك رح سوو ورح جب واتحداك تطلع بنتيجه

انا مشكلتي قريبه منك

كنت شغال بمؤسسة و 3 شهور ماستلمت راتب وكل راتبب يصرفون لي شيك

خر شي عطاني صاحب المؤسسة راتب 3 شهور بشيك واحد وسحب باقي الشيكات اللي معي

طلعت من عنده وفصلت بسبب الدراسه جلست تقريبا 3 شهور اروح للبنك يقولي الحساب مايغطي

واسوي اعتراض وشكوى بوزارة التجارة

تخيل يقولي جب صورة بطاقته وجب رخصة المؤسسسة من وين اجيبها وهو خصمي
يعني ادخل عليه اقوله بالله يالحبيب صور بطاقتك والرخصه انا ابي اشتكيكك

والشيك مانصرف اللا بطلعت الروح

med6666 · #7 (**permalink**) 24-09-2012, 08:57 PM

اشتكيه في مكتب العمل

ولكن قبل ماتشتكي نزل قوانين مكتب العمل وافهمها صح صدقني راح تأدبه وتاخد تعويض بعد ويرجعك للشغل

كنز مفقود · #8 (**permalink**) 24-09-2012, 10:34 PM

الله يكون بعونك

راانس · #9 (**permalink**) 25-09-2012, 10:06 AM

تسلمون ياربعي شاكر لكم مروركم ومشاركتكم لتهوين ولتوجية في مصيبتي الحمد لله العقد اربع صفحات رسمية وفيها بنود مكتب العمل كلها وانا انشالله رايح شاكية مطلع الاسبوع الجاي ,,,

وانا بمنطقة الطايف ردا على اخوي الا سال والعقد بدايتة 1 / 6 / 2012 وعندي ورقة رسمية من مسئول الفرع وموقعة منه شخصيا باني بدية الدوام بتاريخ 1 / 6 / 2012 وعندي مسير الرواتب من شهر 6 الى الان يعني صايدة صايدة بس عسى يتعاونون مكتب العمل معي.

اخوي نايف مثل طريقتك انا روتبانا شيكات بعد ما نفجر تلفون الادارة نطالب بالرواتب بعد نص شهر من استحقاق الراتب يرسلونة خلها على ربك ............... غير العسكرية لا تدور والاي يقول قطاع خاص فية الخير عفوا طال عمرك لا اشتغلت فية وعشت فية كان ما قلت الكلام كذا كله ذل و مهانة هذا غير نظرة المجتمع لدرجة ينادونك يا صديق ياكبدي كبداه يارب اللهم انزل ب ـعبدالله الفايز مصيبة لا يعرف لها مخرج وان تحده بحاجة عندي يااااااااااااااااااااااااااااااااااااااااااااااااا رب.