تستاهل الطـــــيب ياراعى الطيــــــــــــب

.

.


على قدر جاهك تجيك الرجاجيل


وعلى قدر عـزك تجيـك التحايـا


والوقت يكشف لك وجيه الرجاجيل


وبعض الوجيه تبين فيهـا النوايـا


والتجربه احيان لو هـدت الحيـل


اخيـر مـن جهـلٍ بكـل الخفايـا


رجلٍ على ماقيل يستاهـل الهيـل


محشوم خلقه من جزيـل العطايـا


منزهٍ نفسـه عـن القـال والقيـل


وله سيرةٍ عطره وطيـب سجايـا


له قيمةٍ بيـن الرجـال المشاكيـل


ولا راح حـول الصرقعه والدنايـا


ذكره مابين الناس عالي كما سهيل


مكملـه ربـي بحسن المـزايـا


ورجل على ماقيل ضمن المهابيـل


وزودٍ على هبالـه كثيـر الخطايـا


ماله مع اهل الطيب منزل ولا كيـل


وبضاعته بيـن العـرب مشيآ بالحكايـا


يا لطيف ياوجهٍ سـواده كمـا الليـل


يالطيف ياوجـه الـردى والوشايـا


وانا منى عينى كل ماسرجت لي خيـل


ان البشر تتفكر و تتـعـض بالوصـايـا


خلك وفي مع الرجـال الحلاحيـل


ترى الوفاء تـاجٍ بـروس البرايـا


وابعد عن اهل الكذب والقال والقيل


لاتغرك البسمه وبيـض الثنايـا


هذا الزمن فاني جيل ورى جيـل


والطيب يبقى لين حتى المنايـا


اللي بغاهـا قدمـه الطيب والهيـل


ومن لابغـا قدمـه صخور ملايـا

.
.

راقت لي ..

__________________
"لله دُر أمي إذا ابتسمت
تهادت جروح قلبي والتئمت"