[align=center]السلام عليكم ورحمة الله وبركاتة

أخواني انا أواجه مشكله .. في استخراج الرخصه من دله الرياض

مشكلتي سلمكم الله .. خلصت اختبار الكمبيوتر والسواقه ونجحت

جلست انتظر الرخصه ونادوا بأسمي وجيت استلم الرخصه ولاكن ؟

لقيت حاطين بالرخصه صورة واحد مو انا .. ولا الاسم وكل شي مضبوط

رحت للمدير كلمته قال حنا سوينا لك نسخ من صورتك الي في بطاقة الاحوال

عن طريق الكمبيوتر .. وطلع لنا صورة الشخص هذا وش تبيني اسوي لك ؟

قلت يابن الحلال هاذي مو صورتي وطلعت له اثباتي وشافه وقال مو مشكلتي

روح حل مشكلتك من الاحوال المدنيه وخلهم يعدلون صورتك من الجهاز

ولك اسبوع واحد فقط تعدل فيه صورتك ولا تبي تدفع رسوم الرخصه مره ثانيه

عطوني حل جزاكم الله خير والله اني في حيره من امري ومتعجب في نفس الوقت

دآئره حكوميه معقوله تغلط هالغلطه ؟ واتحملها انا ؟

انتظر افادتكم
[/align]

غ‘ــريبةةة ،~.؟؟؟!

كيف ، يغـلطون ، ويحطططون صصوة ، وآإحـد ، ثـآني ، برقم ، بطآقـتك .........؟

صرآحة شيء ، غريب والاغرب ، المدير اللي رحت له ، عينه قويه ، المفروض ، يسويها لك ، لآنه يعرف ، ماهي مشكلتك مشكلتهم.

الله يكون بعونك ي آخوي ،،

رآجع الاحوآل المدنيه وشوف وشو يصير ،، اذا والله مثل ماقال لك المدير ، عدلهآ وذا صح صورتك بالاحوال ، ارجع للمدير ، ودخخل بعينـةة ،

وؤودي ...

[align=center]يا اخوان رحت اليوم للاحوال الي على شارع الوشم وبعد مماطله حدثت لي وطالع ونازل مع هالدرج وكل موظف يصرفني على الثاني اخر شي قالو رح للوكاله الاحوال المدنيه ورحت لهم ومرمطوني مرمطه محترمه وكل واحد يصرفني على الثاني كذالك .. وانا اقسم بالله اخلاقي زفت واخر شي يقول ارفع خطاب وانتظر قلت كم ياخذ يعني ؟ قال على حسب 5 او 6 شهور ؟؟ والرخصه تبي مني رسوم وش اسوي يا اخوان انا عارف لو معي واسطه طلعت من هالمأزق الي حاصل لي والله ان اخلاقي تعبانه وكرهت شي اسمه رخصه واحوال وكل شي
[/align]

وعليكم السلام ورحمة الله وبركاته :

يا أخي لا تروح و لا تجي أدخل على موقع وزارة الداخلية ــ سجل كمستخدم جديد ــ يطلبك رقم البطاقة و عدد أفراد الأسرة و بعض البيانات ــ يطابقها النظام ثم يبلغك كيف تنشط الرقم السري الخاص بك

بعد ما تنتهي من هذه الخطوة تتفتح أمامك أبواب قطاعات الوزارة جميعها و لن تجد من يحولك لأي مكان إنما النظام هو الذي يوجه شكواك للمختص ..

أخيراً أخي الكريم ستجد من ضمن تصفحك
تجد حقل تدون فيه شكواك وكل ماصار معك هذا الحقل يطّلع عليه المسئول سواء من الأحوال اوالمرور
او الجوازات او اي قطاع تابع لوزاره الداخليه و يبت فيها خلال ساعتين و إلا تقفل عنه و تتوجه آلياً لجهة أعلى

ايضاً راسل صحيفة سبق عن طريق اتصل بنا واشرح لهم وضعك وإن شاء الله امورك تزين
تحياتي و خالص تقديري و آسف جداً على الإطالة