~¤ô§ô¤~غلطان من هو ياخـذ الحيات في وسط الجيوب~¤ô§ô¤~

جانيت · #1 (**permalink**) 24-04-2008, 04:31 AM

يوم انكسر موج البحر والشمس مالت للغروب
واللون الاحمر قام يسجد في طرف محرابها

استرسلت ريح الشتا والملح عيا لايذوب
وتغنت طيور البحر بازكى لحون اسرابها

وقفت وقفة مومن يعد الخطايا والذنوب
ويراجع اللي فات واعماله يفل كتابها

اكبر ذنوبه حلق دقن ونقص فرض وطول ثوب
واصغر ذنوبه قرب ناسٍ ماتعـز اصحابها

ياليتني قبل اختلط بالناس فتشت القلوب
وعرفت وش تخفي ورا جدرانها وابوابها

ماكان سجيت القدم في جرهديات الدروب
والا ورطت الورطه اللي ماحسبت حسابها

اثر المظاهر تستر عيوب وتبين لك عيوب
كم زينت هندام ناسٍ شينت هندابها

سواد في لمحة بياض وفرق واضح ومحسوب
سواد نيتها على هامش بياض ثيابها

غلطان من هو ياخذ الحيات في وسط الجيوب
يسري يلاعبها وطعم الموت بين انيابها

ياملاعب الحيات ينفث سمها من كل صوب
وان قلت باقطع روسها لفت عليك اذنابها

وانا على طرفي نقيض اكسب رجل واخسر شعوب
تبلاني الايام وانا مابحثت اسبابها

اكبر ذنوبي عاقد العزم ابتعد عنها واتوب
واصغر ذنوبي ماقدرت احيا واعيش الا بها

الشاعــــر
إبراهيم الشيخي

رميزان · #2 (**permalink**) 24-04-2008, 05:16 AM

[POEM="font="MS Sans Serif,5,white,normal,normal" bkcolor="white" bkimage="./images/backgrounds/3.gif" border="solid,6,chocolate" type=3 line=0 align=center use=ex num="0,black""]
ماكان سجيت القدم= في جرهديات الدروب
والا ورطت الورطه =اللي ماحسبت حسابها
[/POEM]

والله ابيات نادره ورايعه تدل على ذوقك الرايع ومعدنك الاصيل واشك انك شاعره بعد