فيني غصة فيني الم يوم شفت ابوي فرحان فني يوم دخلت الكلية لاني اول وحدة من عياله جامعيه شفت في عيونه امل خير اني بتوظف لاني املتهم ان معاشي الي بتوظف فيه ثلاثة ارابعه لهم لكني حسيت اني أيست من الوظيفه وخاصة من جدراه بعد ماشفت الي لهم 12 13 14 15 سنه قاعدين قلت شكلي مطوله .
اقريب يدخل الخمسين ولا عندنا بيت اخاف يجي اليوم الي نتشرد .
امس صحت امي قالتي اذا اتوضفتي بناخذ قرض وبنشتري بيت ماتدري اني مافي امل اتوظف الا بعد عشر سنين على احساب جداره .
اذا شفت برنامج الثامنه احس الدنيا بخير لكن في النهايه داود الشريان على كثر ماتكلم ماشفنا شي تغير وأولهم قضية حافز الي الي وغيره على قولت جدتي كلام مأخوذ خيره
لكن اذا شفت بيت عمي احمد الله واشكره لان احنا احسن منهم بواجد ..................

الهم واحد والفكر واحد وكلنا كمجتمع مشاكلنا في السكن والوظيفة وبكذا ما عليك الامور تساهيل

وصدقيني عليك بـ الأستغفار وصلاة الليل واسألي مجرب والله الذي لا اله الاهو ان حياتي تغيرت 180 درجة وتفتح لي ابواب إلي الآن ما اعلم كيف تفتحت فخلي الرجاء والدعاء لله فـ انتي عند رب كريم عالم بكل شي بالكون ...

استغفر الله واتوب اليه اللهم اني اسألك الانس بقربك

فيه حاجه مهمه لازم تعرفينها .. ترا أكثر الناس في السعودية مطفرين وساكنين في اجار وحالتهم حاله

لاتحسبين انك لحالك ..


بعدين ترا الحياة مهيب كلها فلوس .. احمدي ربك على الصحة والعافيه وإن اهلك موجودين معك .. كثير يتمنى هالشي ومو محصله ..


الله يرزقك بالوظيفة الي تتمنيها ..

تفائلي بالخير ،، وتذكري الآية 268 من سورة البقرة ( الشيطان يعدكم الفقر ... )

الله يفرج لنا ولكم وللمسلمين

اهم شي العافية

كثروا استغفار واقروا سورة البقرة

الله يوفقك يازهره

الرد الاول اختصر علي الكثير

والله يكون بعون الجميع

ويوفقنا جميعا

الله يفرج همك ويرزقك من حيث لايحتسب ويسعدكم ويستر علينا وعليكم وعلى امه محمد

آسال الله العلي القدير في حق هذا اليوم ان يبلغكي الوظيفه اللي تتمنيها وترفعي راس الاهل يارب يا كريم يا مجيب الدعاء ان تستجيب دعائي وتفرج همها وهم اهلها يارب يا كريم

في مقولها شفتها في برد كاست والله يوم قريتها مدري وش حسيت فيه

المقولها تقول واحد امريكي سأل واحد سعودي وقال له وش تتمناه بالدنيا قال السعودي

( وظيفه وبيت عشان اتزوج )

قال له الامريكي انا ما سألتك عن حقوقك انا سألتك عن امنيتك (( وللبقيه عنواان )) ؟؟؟؟؟؟؟؟؟؟؟