السلام عليكم ورحمة الله وبركاتة

أخواني انا أواجه مشكله .. في استخراج الرخصه من دله الرياض والاحوال المدنية

مشكلتي سلمكم الله .. خلصت اختبار الكمبيوتر والسواقه ونجحت

جلست انتظر الرخصه ونادوا بأسمي وجيت استلم الرخصه ولاكن ؟

لقيت حاطين بالرخصه صورة واحد مو انا .. ولا الاسم وكل شي مضبوط

رحت للمدير كلمته قال حنا سوينا لك نسخ من صورتك الي في بطاقة الاحوال

عن طريق الكمبيوتر .. وطلع لنا صورة الشخص هذا وش تبيني اسوي لك ؟

قلت يابن الحلال هاذي مو صورتي وطلعت له اثباتي وشافه وقال مو مشكلتي

روح حل مشكلتك من الاحوال المدنيه وخلهم يعدلون صورتك من الجهاز

ولك اسبوع واحد فقط تعدل فيه صورتك ولا تبي تدفع رسوم الرخصه مره ثانيه

عطوني حل جزاكم الله خير والله اني في حيره من امري ومتعجب في نفس الوقت

دآئره حكوميه معقوله تغلط هالغلطه ؟ واتحملها انا ؟

المهم رحت من بكره لاحوال الي على شارع الوشم وبعد مماطله حدثت لي وطالع ونازل مع هالدرج وكل موظف يصرفني على الثاني والله ان معاي ورقه بيضا صارت كلها ازرق من الموظفين قلبوها محاوره على حسابي وقابلت مدير صالة الاحوال وفتح الجهاز وشاف الصوره وقام يناظرني ويناظر الصوره قال هذا انت ؟؟ قلت ايش ؟ قال ايه انت ؟ وينادي موظف قال تعال شوف هو ولالا والموظف يعزز له يقول ايه هو هو والله ياجماعه اني انفجرت اخر شي قالو رح للوكاله الاحوال المدنيه ورحت لهم ومرمطوني مرمطه محترمه وكل واحد يصرفني على الثاني كذالك .. وانا اقسم بالله اخلاقي زفت واخر شي يقول ارفع خطاب وانتظر قلت كم ياخذ يعني ؟ قال على حسب 5 او 6 شهور قلت ليش ؟ قال ليه تحسب الدعوه فوضه نغير لك الصوره ونقولك مع السلامه لا ياحبيبي هاذي فيها تحقيق وفيها بصمات ؟؟ والرخصه تبي مني رسوم وش اسوي يا اخوان انا عارف لو معي واسطه طلعت من هالمأزق الي حاصل لي والله ان اخلاقي تعبانه وكرهت شي اسمه رخصه واحوال وكل شي
مع العلم اني رحت بستلم رخصتي وماقدرت يقولون كيف نعطيك رخصتك ومتواجد بالصوره شخص مو انت يعني رخصتي حاجزها المرور وماعطاني رخصتي تكفون ابي حل

الله يعينك اخي على مشكلتك

والله ياخوي ان سالفتك سالفه بس ياخوي احتسب الاجر على صبرك

انا وانا مالي دخل ارتفع ضغطي ااجل هذا انت واللى جنبه يقول ايه انت ثم يقول ارفع خطاب وياخذ له 5شهور
ويقول ليه الدعوى فوضى !!!! كان قلت ايه فوضى دام تمشون على نظام له ميه سنه .


وبعدين لادعاد تطلع اي شئ من الرياض شف المدن اللى حواليها رماح مثلا والا الخرج الدرعيه وغيرها


الله يعينك بس والا مشكلتك مقدر افيدك بشئ فيها

مع احترامي لك ياصاحب الموضوع بس السالفه فيها شي ومو كاملة..
طيب افترضنا ان الاحوال المدنية اخطأت وحطت صورة واحد ثاني بدال صورتك..
انت لما استلمت بطاقة الاحوال ماانتبهت لصورتك؟؟
معقوله مالاحظت ان الصورة مو لك..
أخذت البطاقة وحطيتها بجيبك ورحت ولاطلعت البطاقة أبد الا وقت ماطلعت رخصة؟؟

الحسني .. الخطأ هذا صار / في عام 1433/10/24 .. من احوال جده فرع الاندلس

وانا مطلع بطاقتي عام 1427/8/28 يعني الخطأ صار قبل فتره قريبه

وبعدين الصوره الي في بطاقتي صورتي بس الي فالجهاز مو صورتي ..

ياليت تفهم الموضوع زين قبل لا تكتب شي انت ماتدري عنه ،،