كلامك صحيح مليون في الميه

انا استغرب واتعجب من عدم ربط التوظيف في جميع الوزارت والمجالات الحكوميه بالخدمة ، وش الحكمه من الفصل ولصالح مين ؟

المفروض لكل وظيفه معايير خاصه بالمفاضله ويتم التقديم عليها عبر بوابه الخدمة المدنيه عشان نضمن النزاهة والعدل والمساواة كفايه القطاع الخاص واسطات حتى الوظائف الحكوميه واسطات ترى هالامر على المدى القريب راح يكون له تأثيرات ونتائج سلبيه بدأنا نفقد الثقه !!

بصراحة قرارات وزارة الخدمة غير واضحة وغير نزيهة وتعطي المسؤلين في الوزارة مجال للتلاعب في نتائج المفاضلة
فمثلا حساب السنوات غير واضح متى يتم احتساب كل سنة اقدمية التخرج :

اللهم ارزقنى الوظيفة وارزق جميع العاطلات يارب ياكريم

والان سنة جديدة ولالاتزال القرارت كما هي : ظلم ظلم

صدقوني اذا اجتمعوا الخريجين والخرجات على قضيه وحده ان شاءالله تنحل بان تكون فقط هي الخدمه المدنيه الي توظف وخصصوصا الوظايف الاداريه الي في الجامعات تنزل في السنه مرتين وتروح للوسطات والله لي ست سنوات اقدم على وظيفه اداريه في جامعه الطايف وتجيني نفس الاسيله واجواب اجابات صحيحه والقي وحده من المراقبات كانت مهتمه بوحده وطول الوقت معها تسولف وتضحك من قبل الاختبار وحسيت انها راح تاخذ الوظيفه ورحت قريت اسمها علشان اتاكد لايكون واسطه وتترشح وبالفعل ترشحت حسبي الله عليهم وكمان وظايف التدريب المهني وغيره الوظايف كثيره بس محد يطلعها الا للوسطات لازم المسول جهه وحده لتوظيف هاذي وظايف حكوميه مايصير فيها تلاعب ومحسوبيه مايصر والله والله ظلم الكل يدور تعرف احد يعرف احد لمتى وحنا ندور واسطه ومعانا شهادات ودورات واقل منك يتوظف بالواسطه لازم نقضي على الواسطه وتكون جهه واحده توظف مثل جداره وتكون فيها نقاط علشان الواحد يعرف متى دوره لازم يكون فيه تجمع كبير من الخريجين والخريجات في توتر والفيس بوك للقضاء على الواسطه وتكون جداره الي توظف

صاحب الموضوع مرة تقول اسناد التوظيف لوزارة الخدمة امدنية ومرة تقول اول من ثبت اهل الواسطات الخدمة المدنية ؟؟،، يعني هي هي ماتغير شي حتى لو اسندوها للخدمة المدنية وظائفهم بالقطارة ، اذا احتياجهم مع ان المدارس صافية حاطينه 4 الالف وعليها ،، راح نلقى كمان قلة الاعداد في التوظيف بالخدمة وكمان ترى الخدمة مو بعيده عنهم في بعض من موظفيها تبع واسطات وبالدليل الاتصالات اللي تجي لبعض البنات تقولهم اللي تبي تعدل رغبتها تدفع كذا وكذا وتختار رغبة اقرب ، ومن موظفي الخدمة ذاتها ونزلت بعض مواضيع لبعض البنات يشتكون بهذا الشئ ،، والله الشكوى لله ،، كل شئ نقدر نمحيه الا هذا الشئ يرجع لذمة الشخص وضميره والان مو كل الناس عندها ضمير، وحسبي الله والنعم الوكيل ،، عطالة العالم هاذي تخوف على مدار السنوات بكرة نصير مثل اهل الصومال والحال بدأ ولازال يسئ

فعلا بديت اشوف ان مثل هالمواضيع مافيها فايده فعلا توي اقتنع بكلام وحده من العضوات بخصوص هالمواضيع الصراحه ومن الاخر ماحد متفق احنا هنا بس كلام نقلب المواجع وبس وتفريغ شحنات الغضب الي فينا احسن شي الواحد يشتغل ويدور لنفسه والفرص كثيره واذا ذكي يعرف كيف يستغلها الواسطه شغاله وبقوه اذا مكافحة الفساد لها تقريب السنتين شغاله ماقدرت توقفها وتقضي على ربعها يعني احنا نتفق ونسوي مستحيل احنا الي نسويه لانسكت على الواسطه اذا شخص شاف واسطه عيني عينك وعنده دليل يواجهم لايخاف منهم ويكلم مكافحة الفساد لانالواسطات هم الي ماخذين حقه وحق غيره والله انا يمر علي مثل هالسوالف دايما بس اسكت لكن الحين خلاص طفح الكيل ماراح اسكت
واذكر موقف صار معي قبل سنه واحد جاء لزوجي وقاله اذا عندك من اهلك معها ثانوي واهم شي ماتكون متزوجه خلها تجيب اوراقها عشان فيه عندنا وظايف في المكان الفلاني قال لي زوجي السالفه وماقلنا لاحد لانها اختلاط وشفتات ماتناسب اي احد يقربنا واصلن كلهم يدرسو ماحد ثانوي وجالس ذاك الوقت المهم بعد السالفه هذي بثلاث اسابيع اتفاجاء ان الجهه الي يشتغل فيها الرجال لي جاب لنا الموضوع حاطه اعلان التقديم بالنت لا وبشروط يعنني ميسره عادي انه تكون متزوجه بس موافقه ولي امرها يعني هم حطو التقديم وخلاص الوظايف انحجزت لاصحابها وبشروطهم هم غير الي بالنت صراحه اغلب الجهات كذا اسلوبها
تحطيم تحطيم تحطيم كل ما ابغى اقدم تجي ببالي ان ليش اقلق نفسي ماهي كذا كذا محجوزه لاصحابها بس اروح اضيع وقت ومشاوير على الفاضي

حسبي الله ونعم الوكيل ..


فعلا الموضوع خطير ..
والبطاله في المملكه حتى الان لم تجد لها حلول فعاله .. على الرغم من الميزانية الفائضه ..

وهذا الشيء ينذر بمخاطر قادمه ..ومدام الواسطه شغاله اكيد بتستمر البطاله سنين عديده ..

واعتقد الكلام لايقدم ولا ياخر ..لازم تكون هناك افعال بدل الكلام..
حتى امام المسجد النبوي في خطبة الجمعه كان يحذر من ازدياد العاطلين وهجرتهم خارج المملكه لان الدوله راح تخسر ابناءها والسبب المحسوبيه والواسطات ..
فعلااا لازم يكون هناك تحرك سريع ولا بتتازم المشكله..

وبالاخير مايصح الا الصحيح ..

وربي ينصرنا لاننا فعلا مظلومات ندرس ونتعب ..وغيرنا معاه شهادة ثانويه بس ويتوظفوا بالمدارس والجامعات..
حسبي الله ونعم الوكيل..

اللى تفكرون بدواد الشريان برنامجة فاشل

لاتنسجدون باحد ادعو الله بنصركم على من ضلمكم

واعملو بالاسباب

وحسبي الله ونعم الوكليل على كل من اخر بالتعينات