الحمد لله الذي لولاه ما جرى قلم ولا تكلم لسان والصلاة والسلام على سيدنا محمد صلى الله عليه وسلم كان افصح الناس لسانا واوضحهم بيانا .... كان افصح الناس لسانا واوضحهم بيانا . ان من دواعي سروري ان اتيحت لي هذه الفرصه العظيمه لاكتب في هذا المنتدى الرائع هذا الموضوع الشيق الهام الذي يشغل بالنا جميعا لما له من اهميه*كبيره في حياة الفرد والمجتمع وهو موضوع التعاون.....ان من اكثر المواضيع الهامه التي يجب على كل فرد التمسك بها والتعاون مع الاخرين لتحقيق الرخاء والتقدم في البلاد ... والسؤال هنا ما معنى التعاون ؟؟؟ التعاون هو اساس كل شئ فبه نستطيع ان ننجز الاعمال وتترابط العلاقات بين الناس . بالحب فمثلا عند فعل اي مشروع في اي مكان عندما نتعاون مع الاخرين سيصبح هذا المشروع ذات فكر اجمل وسيتم انجازه في وقت اقل اما اذا نفذه شخص مفردا فانه يمكن ان يكون هذا الشخص لايمتلك فكر لتنفيذ مشروع وسيستغرق وقتا اطول لانجازه . ربما يكون بعض او معظم الناس لا يتعاونون بل هذه من العادات السيئه التي تملأ بلدنا الحبيبه وانا لا ابالغ في كلامي بل هذه حقيقه فكل خيرات هذا البلاد تذهب للخارج بسبب تعاون افراد مجتمعنا مع الاجانب وعدم تعاونهم فيما بينهم المليارات تتحول اليس نحن اولى فيها ساذكر لك بعض المواقف كيف تعاون الاجانب مع بعضهم ضد السعودى وكيف تعاون السعودي مع الاجانب ضد ابناء وطنه.وساذكر لكن قصتى مع التجاره وبعض المشاريع الفاشله التى اصبحت فيما بعد ناجحه في نظرى وساذكر لكم اسباب فشلها وسلبياتها وكيفية نجاحها.

المشروع الاول:سيارة الاجره العامه(التاكسي)...مشروع مربح وناجح بكل المقايس..
بداية اشتريت التاكسى من شركة لموزينات وهم مجبورين يبعون لان المواصلات تسمح لهم باخر خمس موديلات وكان سبب فشل المشروع شريت التاكسى وكان سعر رخيص توكلت على الله وبديت اشتغل شغل ممتاز كان دخلي في 12ساعه مايقل عن 250ريال واشتغلت وكديت. وبعد فتر بدات المشاكل كل شوي بخرب على وصلح صرت لي اشتغل فيه اصلحبه لين جاب المصيبه العضمى خبطت المكينه قد طلع الباكستاني مافي بطن التاكسى لدرجه انها صارت تمشى على السطحات اكثر من الارض
لنجاح المشروع خذلك موتر نظيف وتكسه وصف النيه وتوكل على الله .
:ملاحضه:الحريم مايركبون مع السعودى يركبون مع الاجنبي لانه مايفهم السواليف ولا يعلم قلناتعودنا على كذا عادي لكن لي يرفع ضغطك الرجال ويرفع ضغطك اكثر اذا وقفت لجنبي يفتح الباب انت سعودي روه مايبقا شوفتوا كيف التعاون بينا

المشروع الثانى: دينه بكب (سيارة نقل).. مشروع ناجح لكن بشغلك
خذتلي دينه وكانت فكرة المشروع اني اجرها وبلفعل اجرتها على سوداني طلع الشيب في راسي اجرته 2000في الشهر وركبت في دينه جهاز تتبع المركبات صرت اتابعه عن طريق النت واعرف مكانه جاء نهاية الشهر ها يازول الايجار عطنى 1000 اتفقنا 2000 باقي 1000 عليك الله يازول داير مافي شغل المشكله اتابعه لف ربوع بلادى كلها (بضم الكاف) الشهر الجاى اكمل الايجار قلنا يالله جاء الشهر لي بعد ها يازول ويعطنى 1000 يازول ركز الايجار 2000 وباقي عليك شهر عليك الله يازول داير غيرت الكفر وارسلت للاهل مابقى الا دي 1000 ان الله قلنا يالله جاء الشهر لي بعده ها يزول الايجار والله داير برا الرياض اجي بعد اسبوع المشكله اتابعه في النت هو في الرياض سكت بغيت اقوله انت في الرياض ويعرف اني مركب جهاز التتبع مشيتها بعد اسبوع ادق عليه معد يرد ولا دراى الا اني في منفوحه اشغل السياره الا هو طالع يوم شافنى فغر عليك الله كيف عرفت اني هنا واقوله انا عليم الله ليش ماترد جلست اهايط شوى شوف يازول لو انك تحت الارض اجيبك في الخرطوم في ام درمان اجيبك وزودها شوي قلتله اجيبك يعني اجيبك لو كنت تحت الحراسه انجن الزول واخذ الدينه وامشى وسوقتي لك عليها معرف لدينه ورجع ووقفها عند البيت وبعد فتره وسبحان الله نصب على واحد بمبلغ 8000 في مشروع بذكره فيما بعد بس عسا ان تكرهوا شي وهو خير لكم النصاب هاذا عرفني على سوداني يشتغل في الحديد وصرت اشيل له الحديد وبيعه له ويعطني على المشوار 500ريال واشتغلت لان ممنوع على الاجانب يبعون الحديد وثق فيني الزول وصرت ابيعله بمبالغ هائله شي ما يتصدق بديت اتعلم اسرار الحديد والسكراب طلع عالم ثاني انواع في ثقيل وخفيف والمنيوم ونحاس يبغاله يوم كامل اشرحلكم اسراره وسرت اشترى وابيع كان مكسبى في الحمله الوحده مايقل عن 2000 ولو معي راس مال واشترى كميه كبيره كان المكاسب اكثر واكثر بعدها مريت بظروف وبعت الدينه بمكسب بعد ما كرفتها سنه.
لنجاح المشروع لا تاجر على احد اشتغل انت بنفسك وبتلقاء خير

المشروع الثالث:شريطي (معارض السيارات)يبغاله خبره وفي مكاسب...

رحت المعارض وبديت اتسعر في السيارات واسال بعدها قررت اشترى والقاء لي مكسيمه يحرجون عليها الا في شايب واقف عندها واساله انت صاحبها قال نعم طيب كيف السياره ويحلفلي بالله وبعياله والمصيبه في رمضان انها لولده كان يداومبها في الجامعه وان السياره نظيفه ومغيرها قطع وثقت في كلامه قلت يالله تحت المكرفون ويتجمعون اليمنه على اشتر عربن وقع يالله المعرض مكاتبه طق طع بط تن بكره تستلم السياره واجي اليوم الثاني واشغل الا انواع الانوار في الطبلون تقول حفله قلت يمكن بس كهرباء. وامشي الا السياره تقول تلعب سامري عكوس مساعدات وعلى طول على الورشه وصلح اشياء فيها الا وش تصلح وش تخلى ونزلها اليوم الثانى ها احد بيشتري يمين يسار وابيعها واخسر فيها 4000ريال قلنا يالله هاذي تجربه واشتري وحده ثانيه انترا الموتر نضيف واخذته ورحت فحصته بس في مشكله ريحه اقول لراعي السياره وش الريحه هاذي قال لا عادي ريحت سمك تغسلها بستم تروح قلنا يالله واغسلها بستم الا كل مال الريحه تزيد قالوا لي حط ملح وخل البيبان فاتحها يوم كامل سويتها مانفع وش وانزلها السوق الا الناس صارو اذا مروا بس من جنب السياره تلطموا وانا وجهي متكي في سياره قد تعود على ريحه يمكن اسبوعين وانا انزلها عرفوا لي في المعارض سموها سيارة ابو ريحه يالله يالله اني بعتها بخساره 3000 بعدها بطلت الشغله.
لنجاح المشروع لا تشتري تحت المكرفون وخلك يوميا وانت في المعارض لين تحفظ اشكال الشريطيه كلهم وتعرف اسعار السيارت وبنسبه لنظافه السياره 200 يفحصلك السياره من الى.

باقى 5مشاريع فاشله راح اذكرها لكم في حلقات جايه...
اخرها الان مكتب مقاولات ووخدمات عامه والحمدالله ناجحه بعد معانه لكن لا ياس مع ااحياه ولا حياة مع الياس


تقبلوا تحياتى....

بارك الله فيك ...
تقريباً نص الاخطاء الي طحت فيها اخوك في الله طاح فيها بس بشكل اكبر شوي ههههه ...
موضوعك جميل جداً استمر ...
الله يوفقك ان شاء الله

الله يوفك الجميع وهاذي لي قلتها بسيطه الفضايح جاي في الطريق ههههههههه
مشكور يالغالي على مرورك

ماشاء الله .. الله يوفقك ويرزقك على قد نيتك ... وصدقني التجارة مافيه خسارة ... بالعكس انت تخسر فلوس بس تكسب خبره بالمجال وماتطيح بالغلط مرة ثانية ..
طيب اخوي ابسألك عن التكسي ... ودي اعرف هل اقدر اقلب موتري تكسي مع العلم اني طالب جامعي ومعي كامري ٢٠٠١

موضوع راااااااااااااااااااااااائع استمر

وعليك السلام ..

المشروع الاول .
ناجح اتمنى التركيز عليه كيف انا اقول لك .
اخذ لك فان نظيف من الى . حط لك باكستاني سواق يعرف الطرق سوي كروت اكتب اسمه العامل و رقم جواله .
وقول له اذا طلعت اكثر من 6000 الاف في الشهر لك 40% من الدخل يعني 2500 ريال تقريبا .
والله سنه وشوي تطلع لك سيارة ثانيه وتحط فيها عامل ..
يكون شغله توصيل الحريم الى السوق و المستشفى وووو .. تعرف الحريم يحبون احد يوديهم وماعندهم احد يوديهم الا من رحم ربي . يكون شغله في احياء فقط ومعروف لدى سكان الحي علشان يكون اهل الحريم مرتاحين للعامل ولاخوف على بناتهم و حريمهم .

المشروع الثاني يحتاج الى راس مال كبير تقريبا 80 الف او اقل تشتري لك دننه كبيرة تعرف هناك مقاسات.
تحط لك فلبيني يكون شغله - الدمام * الرياض - جدة .
اضمن لك 10 الالف شهريا الدخل . وللعامل 3 الالف .

المشروع الثالث :
ماعندي خبره

---

بالتوووفيق لك

ماشاء الله عليك
جربت ونجحت وفشلت
هذى هى التجارة
عزيمه - اصرار -كفاح
والتوفيق بيد العزيز المولي



طرحكـ جميل

متابع

الاخ قاموس اذا لونها ابيض تقدر تقلبها تاكسى بس يبغالك رخصه عمومي طلع رخصه وتوكل على الله واشتغل على مزاجك كل مافضيت وانت مروق اشتغل فيها خير كثير.
اشكرك على مرورك واي تفاصيل انا حاضر

الاخ سليمان انت الاروع
تحياتى لك

اشكرك مواطن وصحيح ان الفان في شغل بس مايسمحون المرور يعطونك الا تكون عندك مؤسسه اول يكون كرت العائله مليان هاذا لي سمعته ومنك نستفيد
تقبل تحياتى