بنات لازم توقيع واوراق بالمكتبه؟
مايصير ارسل لهيلونه هنا اسمي كامل مع رقم الهويه ورقم جوالي وورقم جدي ههههه المهم نخلص
او بأي مكان نتواصل ع النت

ولا مايصير لازم يكون فيه خط رسمي وتواقيع؟

وثاني شي
ياليت اللي تتواصل مع المحامي
توصله فكرة ان الوظائف الاداريه بكل مكان في وزارات او في الجامعات
فيه موظفات بمسميات مشغلة آله, او مسجلات معلومات . ومبرمجات وفنيات
من المفترض انهم يشتغلون ع الحاسب

لكن للاسف اغلب الموظفات في هالمسميات , من تخصصات ثانيه مالها اي علاقه
بس معاهم شهاده حاسب 6 شهور

مو حنا اولى منهم؟ ليه يوظفون ناس معاهم شهاده ست شهور وحنا خريجات بكالريوس جالسين بالبيت

لا وفوق هذا كله
انا شخصيا اعرف بنات متوظفات بالديوان وبالجامعه مسمياتهم مشغلة آله .. ومايعرفون شلون يفتحون الجهاز
او حتى يشتغلون عليه , ماتعرف ل ابسط شي للوورد

ليه طيب؟ ليه مافي احد يتابعهم ووين الاداره ووين الخدمه و على اي اساس توظفو

معليش طولت عليكم بس بفضفض

[align=center]السلام عليكم
اشكر كل من ساهم في انجاح قضيتنا وايصال اصواتنا
ولازلنا معكم الى نهاية المشوار[/align]

[align=center]يارب ترزقنا بالوظيفه..[/align]

هيلونه كلمتي المحامي ؟

بنات انا اقول لكل وحده ترفع ع ديوان المظالم وتشتكي بيكون من صالحنا
وخاصة اللي عاطلات كم سنه ومعدلاتهم عالييه مع مرتبة شرف !

حائلييه

انا معاك بس حايل مافيها احد مثل الرياض والدمام ماشاء الله عليهم

انا اقول لو وجده تتبرع وتكتب اسامينا معهم ؟؟؟؟

اسال الله التوفيق للجميع

بنااااااااااااات اسمعوا اخر الاخبار
اتصلت على المحامي الضفيري مارد جواله مغلق وبعد مايئست من الاتصال
اتصلت على المحامي عبد العزيز الزامل
رد عليه موظف بالمكتب حقه
المهم طلب مني رقم عشان التواصل لما عرف اني بالدمام قالي ضروري يكون عندي احد بالرياض يتواصل معااااه
وانا صراااحه نهائيا مااعندي احد يوديني الرياض من فتره لفتره
بصرااحه انا افضل وااحد من الشباب العاطلين اللي وش كثرهم يتولون هذا الموضوع هذا في صالحنا وصالحهم
بما ان عندهم سيارات وتنقلهم اسهل منااا حتا لو احنا البنااات تتحمل التكاليف وهم يتحملون المشاوير
المهم سالني كم عددكم صراااحه كان صعب السؤال قلتله من 15 وحده لين 30 وحده
وقلتله الشباااب بعد اكثر منا بكثير
وسالته عن قضيه خريجات معهد المعلمات
قلي كسبنا القضيه ووضفنا 18000 وحده متخلين الرقم على مدار اربع سنوات
وكمان قلي المحامي مو موجود بالمكتب عنده اجتماع واعطيته رقم بيتنا وقال راح يتواصل معاااي

بناااات تكفون ابي بنااات الرياض بس يطلون ع المحامي من فتره لفتره بس هذا الشي اللي يسوونه
مو لااازم هي تروح ترسل ابوها اخوها اللي تبي
بصرااحه اغلب المحامين اللي مسكوا قضايا من هالنوع وعندهم خلفيه عن هذي الامور موجودين بالرياض
بنااات الرياض نبي وقفتكم

وراسلت الشباب وانشاء الله احد فيهم يوافق

[align=center]السلام عليكم
فزعتكم يااهل الرياض[/align]