شكر لجميع العضوات
ومازلنا ننتضر متبرعه او متبرع من اهل الرياض بنفس التخصص يقابل المحامي
واتمنى من خريجات وخريجين الحاسب ان يكون عندهم همه زي باقي الاقسام
وبالتوفيق للجميع

يعطيكم العافيه بنات الله يرزقنا واياكم اجمعين
حائليه انا من حايل علوم في هندسة البرمجيات وقسمنا اصلاً ماهو موجود بجداره اللي موجود هندسة البرمجيات
وحسبي الله عليهم تخصصنا يقولون ماله مستقبل بالسعوديه بحكم انها ماادخلت الحاسب بكل قطاعاته اضيفي إلى ذلك لو كان فيه فهو للرجال ماهو لنا
وتخرج من جامعتنا ثلاث دفعات اخذو بنات الواسطات معيدات وحنا سحبو علينا انا من الدفعه الثانيه ومعدلي ٣ وشوي تركوني انا وصديقاتي واخذو بنات معدلاتهن ٢ الواسطه لاعبه دور جامعة حايل مكان ومستقر لللواسطات ياليت مكافحة الفساد يجون ويشوفونها
سوري على الأطاله
اخت هيلونه بما اننا كلنا تخصصنا حاسب ليه ماتكون قضيه وحده للعلوم والهندسه والله ودي اكون معكن بس ماش مااحد من بنات حايل موجود غيري انا والاخت حايليه
بليييز ردي لي كيف اشترك معكم بهالقضيه

الا انا من حايل وقاعده اددور احد عشان نتحرك

احس قضيتنا الله اعلم فيها لان مافيه حدا من الرياض تبرع لنا لاشباب ولابنات

مهندسة زمانها منوره موضوعي
هذا الموضوع وقضيتنا تشمل خريجات الحاسب والالي وهندسة البرمجيات واي تخصص له علاقه بالحاسب
فما يهمك خير ان شاء الله
وبصرااحه احنا بقضيتنا ماراح نطالب بس بالتدريس والوظايف الاداريه بالمدارس
نبي حتى وظايف بالمستشفيات صرااحه الهنود والفلبينين ماهم اولى منا
واذا شايفين انا احنا مو قد هالشغلات ليه فاتحين التخصصات هذي عندنا
ولااا بعد يطلبون فيها معدلات عاليه وبالاخير يقولون مالها مستقبل
مادري هم ع بالهم ان درسنا عشان نجلس بالبيت !!!!

مهندسة زمانها انا مثلك مكتوب بالوثيقه بكالوريوس علوم في نظم المعلومات الاداريه انصدمت
طول عمري ادرس على ان قسمنا فقط نظم معلومات اداريه
بس توقعت انهم اضافوا علوم لاننا تخرجنا من كلية علوم وهندسة الحاسب
لان قسمنا بالاصل بجدارة يندرج تحت كلية الادارة..
الله ياخذ هالجامعة تلاعب بالمسميات ..
الله يوفقنا ولا يضيع لنا تعععب

مغترب عن وطن اهلا مره اخرى واتمنى يكون هذا النك الاخير (صاحب عقليه فذه -ثائر طنينه)
وحقيقة حنا ضايعين كثير
وتويتر عشر يديرونه اعتقد مافيها اشكاليه الكل يدخل ويكتب ويراسل ويااخذ راحته هذا شي كويس
المحامي كلمنا الاول وجواله مغلق بننتضر لين متى ؟؟؟؟؟ فبادرت واتصلت ع المحامي الثاني
بحكم انا كنا مرشجين اثنين لهم خلفيه بهالامور
وانا عن صرااحه مرتاحه للزامل اكثر بحكم انه مسك قضيه مشابهه وكسبهاا
وهو اللي ان شاء الله راح نكمل معاااه ع الاقل سهل التواصل معاه
المشكله الاساسيه اللي ممكن توقف شغلنا كله انا مااحصلنا وحده من العضوات او الاعضاء الموجودين بالرياض
يقابل المحامي لاانه قالي لاازم يكون فيه احد يتواصل معاااه بالرياض
اصلا منطقيا مو معقول اني يرفع لي قضيه بالتلفون !!!!!!!!
وطالما هذي المشكله ماحصلنا لها حل ان اشوف ننسى الموضوع لين يطلع متبرع

انا داري عن حقت التلفون وان الظفيري ما رد, بس اللي كنت أقصده حقت تويتر وحده مرسلة للظفيري, عشان كذا أقول لازم الشغل يكون فيه تنسيق
اللي مستغرب منه معقولة ولا بنت في الرياض مشاركة بالموضوع

( ثائر طنينه ) مو تبعي ولذلك جرى التنويه

هيلونة .. وش راح يكون دور اللي بيقابل المحامي (مهامه) ؟
حتى تتضح للمتبرع الصورة ممكن بعضهم متخوف يتوهق معه او شيء ..

..

بالتوفيق