ادري كثرت مواضيعنا احنا خريجات الحاسب بس ان شاء الله راح يكون الموضوع المعتمد
بصرااحه بنات كثير قالوا لي ان افضل حل انا نرفع قضيه وبصراحه انا اي حل حتى لو نسبه نجاحه بسيطه راح اساهم فيه
فالمطلوب منكم ياحبيباتي العضوات ومافي مانع انو يكون بعد معانا اعضاء لان قضيتنا وحده
كل وحده تدخل تقول من اي جامعه متخرجه وكم لها سنه بالبيت وياليت يكون معانا عضوات قديمات
لان حسيت الاغلبيه توهم خريجات
ومهم نعرف المنطقه كل وحده بأي منطقه ويابنات ماعليكم امر ارسلوا لصحباتكم رسايل ع الوتس اب
خلوهم ينظمون معانا بصراااحه نبي حمله كبيره وقضيه كبيره
بالنسبه للمحامي وهالسوالف انا ماافهم فيها ابدا ولااعرف شكل المحاكم ولاا القضايا
بس ماعليكم بنشوف لنا حل
في عيب وااحد في خريجيات الحاسب ماافي تعاااون ابدا
وهذا الشي مايصير




وشوفوا هالموضوع يمكن تحركم شوي
http://www.alriyadh.com/2012/05/15/article736208.html
[mark=#FFFF00]ولااتنسون في خريجات دبلوماااات بالهبل واقدم منا وكلهم يطالبون بالوظايف [/mark]

وهذا كمان موضوع ثاني ان نصف خريجات الحاسب بلا عمل
وطالما عندنا صرحوا بانه نص الخريجات بلا عمل
فتأكدوا ان ثلاث ارباع الخريجات او اكثر بلا عمل هذا اذا ماكانوا كلهم

http://www.akhbarak.net/articles/809...B9%D9%85%D9%84

ولو اشوف موضوعي يختفي ياخريجات الحاسب او ينزل تحت
بزعل عليكم وبااروح ادرس اداره اعمال

ههههههههههههه دامي معك ماراح اخليه ينزل

بس احس مافيه احد قسمنا باردين ومتفرجين للاسف تيب من الي بيروح للمحكمه وبيرفع القضيه

مو مشكله اذا فيه مجموعه كبيره انا برووح بااحاول اقنع المحروس اللي عندي
هو اللي وهقني بهذا التخصص درست ثلاث سنوات طب وبعد الزواج طلعني منه بالعافيه
انا من سكان الدمااام
وحنا من خريجات جامعه فيصل سابقا جامعه الدمام حديثا حلوهااا عاد
ومااعرف بنات توظفوا لاهذي السنه ولااللي قبلها ولا اللي قبل بعد

أنا تخصصي نظم معلومات خمس سنين وأقدر اساعدكم في تسهيل أموركم الإعلامية بجعلكم تتواصلون مع إعلاميين بسبق والجزيرة والوئام وعاجل وايضا التواصل مع أحد المحاميين المعروفين.

لكن لابد يكون عددكم كبير وهدفكم واضح ومحدد لكي تسهل لكم المهمة.

انا معكم تخصصي حاسب الي ونظم معلومات خريجة عام ٢٠١٠ مو قديمه مررره بس مايمنع المطالبه المصلحه وحده...

بعدين نتفاهم وربي انتي جيتينا بوقتك مشكووره ع التفاعل الحلوووو
خريجة دبلوم نظم منوره انتي احسن منا انا متخرجه هالسنه
بس عفوا عندي سؤال انتي دبلوم والا بكلوريوس ؟؟؟

راح أطرح لكم بعض الأفكار والأقتراحات .
بحكم تجاربي السابقة في المطالبات راح أسرد لكم الخطوات بالترتيب ولكم حرية التعديل والأختيار.
1- أهم خطوة في الموضوع العدد ويكون هناك تواصل بينكم عن طريق الواتساب اب وبعد ذلك عن طريق تويتر ولابد من جمع تواقيع المطالبين وهذه ايضا مهمه جدا وراح اذكر السبب في الخطوة القادمة.
2- تقديم تظلم خطي بأسم الجميع إلى مكتب معالي وزير التربية والتعليم ومعالي وزير الخدمة المدنية ومطالبتهم بذكر الأسباب في عدم ترشيح خريجيات الحاسب الالي في التعليم وايضا في الديوان العام مع إرفاق تواقيع الجميع والأهم أخذ أرقام القيد لكل خطاب " ارقام القيد مهمة وراح تعرفون في الخطوة القادمة"
3-ترفعون برقية عاجلة إلى الديوان الملكي وتذكرون تفاصيل مطالبكم وايضا ارسالكم خطابات تظلم إلى وزارة التربية والتعليم و وزارة الخدمة المدنية وتذكرون ارقام القيد وأن الوزارات تجاهلكتم.
4- رفع شكوى جماعية إلى هيئة مكافحة الفساد مع ارفاق التواقيع واخذ رقم القيد ايضا.

الأن في هذه المرحلة قضيتكم راح تكون مادة دسمة لكل صحفي

5- التواصل مع احد المحاميين وراح ازودكم بأذن الله برقم مكتبة ورقم جوالة أو حسابة على تويتر ويقدر يفيدكم عن أحقيتكم برفع قضية أو لا.

6- التواصل مع الصحافة ايضا راح ازودكم بأفضل و أرقى الصحفيين الي تعاملت معهم سابقا وفعلا افادوني كثير.

أتمنى لكم التوفيق .

متابع لكم .

مشكووورين
بعدين نتفاهم حلولك حلوووه بس المشكله كيف نجمع التواقيع ؟؟؟؟؟؟
بعدين نتفاهم اول ابي عدد العضوات الموافقات على الاقل مية وحده
يالله بنات شدو حيلكم مايصير تبون تخيسون بالبيت