لقد تم ترشيحي الى مدينة عرعر ع المرتبة 6 بوزارة الصحة وانا ساكن بالشرقية
بوظيفة مامور مشتريات

حتى الان انا متردد في القبول او التنازل والسبب مشكلة النقل ابي مشورتكم وفزعتكم باتخاذ القرار هل اوافق ام لا

وين فزعتكم يا اهل الخير

حبيبتي مسكي وظيفتك بيدينك وارجولك
مهما كان بعدها ترا والله بتندمين دامك كتبتي في الخيارات هالمنطقه تحملي ولا من البدايه ماكتبتي
أنصحك تبقين

شكرا اختي منيرة

بس انا ولد وعرعر ليس ضمن الخيارات ��

شوف يا خوي هذا الموضوع راجع لك
اذا شفت نفسك راح تتعذب وتتبهذل بالنقل والسكن والايجار وسوء المعيشة فالافضل لك أنك تتركها واذا شفت نفسك انك مرتاح للوضع وما عندك اي التزامات فاذهب لها
لكن اسمح لي اتكلم عن نفسي شوي
انا جتني وظيفة تعليمية خارج الرياض وفرحت بها وما عرفت المصايب اللي جتني بسبب هذي الوظيفة
فعلى سبيل المثال لا الحصر
انعدام السكن للعزاب واذا لقيت فالسعر خرافي جدا جدا جدا وغير امن ومقررف
السيارة كل يومين في الورشة بسبب شوارعهم المحفرة والمكسرة والمدمرة
المطاعم سببت لي التسمم وعسر الهضم
مستشفياتهم اساس للمرض وليس للعلاج من المرض
الخدمات الضرورية مثل النت والاتصالات زي الزفت
انقطاع الماء والكهرباء كل فترة وثانية
@علشان كذا تركت الوظيفة التعليمية ورجعت للرياض بدوام واحد صحيح ان الحكومة احسن منه بالراتب ولكن الراحة نصف القوت @
اذا شفت عرعر ومحافظاتها زي كذا فنصيحة من مجرب لا لا لا لا لا تروح ترا النار ما تحرق الا رجل واطيها وخلك من كلام الناس اللي يقول ان الحكومة امان وخلهم يجربون المعاناة ليوم واحد ثم يحكمون

روح للوظيفة ، والنقل تتيسر أموره،، أساسا النقل الحين مو مثل زمان ، صار الواحد مايطول سنة أو سنين وينقل ، وبعدين انت شاب رجل قادر على التحمل والتغرب وتدبير امورك والله الحريم وتغربوا ونقلوا ورجعوا ، ماهي عسرة عليكم يارجال القوة ،رووووح وأنا اختك وتمسك فيها ولاتفرطها ، أحسن منك تبقى تنتظر وظيفة ثانية ويمكن تجي ويمكن لا ،، والله العمر يمشي واحنا مو داريين ، عسى الله يكتب لك التوفيق

ادع الله تعالى لي بان يرزقني وظيفة حكومية خيرا من اللي راحت
ما ادري يمكن يستجيب الله لدعائك
ولا تنس نفسك وجميع المسلمين

شكرا اخي بعد ما استفسرت عن المدينة متوفر فيها كل شي بس ما ني قادر اثبت قراري