18-04-2013, 08:42 AM
|
عضو سوبر
|
|
تاريخ التسجيل: Jun 2011
المشاركات: 453
معدل تقييم المستوى: 8159
|
|
اقتباس:
المشاركة الأصلية كتبت بواسطة صبرا آل ياسر
سوال ياخوي (ولد القصادي)
ماهي الاسباب والمعايير التي خلتهم يحطونك قطاع الجوازات ؟>> يعني في معايير والا انت وحظك
وماهو تخصصك ؟؟
وتكفى لا تنسانى نبغى خبرتك وتجاربك في القبول وكيف رحت لهم ههههههه نبغى قصتك كامله من التسجيل الى القبول النهائي
وكيف الواسطات لها تأثير اخاف تاخذ كل شي ونقعد على الحديدة ((واسطتي رب العالمين )
عاد انت تعرف التوتر والهستره الي تجينا قبل اعلان القبول هههههههه
الله يوفقك دنيا واخره
|
صباح الخير .
قبل كل شي احب ابلغكم بخبر ترقية النقيب زيد الخديدي إلى رتبة رائد
امس الأربعاء .. فـ اللي بيرسل منكم له في المستقبل يهنيه و يبارك له
بالترقية لأنه بالفعل رجل ملك قلوب الجميع في الكلية من ضباط و طلاب و موظفين
بالنسبة للزميل صاحب الرد أعلاه :
بأبدا معك حبة حبة ...
بالنسبة للقطاع .. تم اختياري فيه بدون اي واسطات
حتى اني ما توقعت ابداً اني اكون فيه بحكم ان الجوازات هي من اقل القطاعات اللي تاخذ عدد من الضباط كل سنة .
تم ترشيحي لأكثر من قطاع مثل الكلية و ديوان الوزارة و القوات و المباحث .. بحكم انها تعمل مقابلات , لكني دبرت عمري و رفضتها كلها لعيون قطاع الأمن العام
لكن قدر الله و ما شاء فعل .. صرت في الجوازات و الحمد لله راضي و قنوع بما كتبه الله لي
بالنسبة لإجراءات القبول .. معليش يبغالكم صبر شوي
انتظار طويل بحكم العدد و اجراءات كثيرة .. مع ان التنظيم في قمة المثالية
لكن عدد بالألوف يوميا .. فما تقدر تلومهم
اللي اذكره ان كان فيه قبول مبدئي ثم بعض الاجراءات سويناها مثل الاختبارات الطبية و المقابلة الشخصية . ايضاً رحت للأحوال عشان اجيب كشف بالوظيفة الحالية اللي يُفترض تكون " طالب" عشان يسمح لك بإكمال اجراءاتك .
القصة و انا اخوك لها حول سنتين .. و تجييب النفسية بحكم اني على باب تخرج
راح تعيشها انت بنفسك و اهم شي الصبر .. و اللي يحضر يجيب معه ايفون او بلاك بيري عشان يقضي وقت الانتظار بشيء يشغله
اما الواسطات .. هي داء في كل مكان
لكن بأمانة الكلية الأمنية حسب ما شفت و سمعت الواسطة فيها شبه معدومه
زميل لنا في دورتنا كان في دورة افراد الجوازات و تم قبوله نهائي في الكلية ..و الآن بيتخرج ضابط
زميل ثاني قدم على الكلية و مدينة التدريب افراد .. " كان تقديمهم في نفس الوقت "
و كان يقولي واسطتي ربي العالمين .. في النهاية تم قبوله و هو على باب التخرج معي
الكلام للجميع
توكلوا على الله .. ولا تخافوا من مسألة المعدل أو الحالة البدنية او الواسطة
فقط شغلة بسيطة : رح شيك على سنونك و حاول تضبطها < للي سنونه رايحه فيها
اللي وزنه زايد يحاول يخفف وزنه بحيث يتناسق مع طوله
العين .. اللي عنده مشكلة يحاول يضبطها بأي طريقة ..
بإختصار , شيك على جسمك و حاول تضبط اللي تقدر عليه
لأن مثل هذي الأمور لها اثر في افضلية الإختيار
و أهم شيء .. عليكم بالدعاء 
بالتوفيق يالخوي
|
العرض العادي
