السلام عليكم ورحمة الله وبركاته .

صبحكم الله بالخير والرضا

يا اخوان انا طالب في كلية الطب بقي سنة واتخرج , المهم عندي طموح اني ابدأ مشروع

صغيرون عشان اقدر اصرف ع نفسي منه لانه بصراحة الوالد له ست سنوات يصرفني وانا

ماني صغير عمري 23 سنة واستحيت كثيرا والله هو مايقصر معي بس تعرفون في غيري

ومثل ماتعرفون احتاج مصروف للايجار والمعيشة وللسيارة وللكتب وغيرها ,

لكن بصراحة خايف ع دراستي (راح اتخرج شهر 7 الجاي ) وفي نفس الوقت كل مافتحت

الموضوع مع احد يقولي كمل دراستك وبعدين فكر بالتجارة


ياليت تعطوني رأيكم بهذا الشأن
هل يمكن اجمع بين الدراسة والتجارة ؟؟
وياليت تعطوني مشروع يناسبني

ولكم جزيل الشكر

والله يا غالي أنا أقولك خل تركيزك على الدراسة
ومن هنا حتى شهر 7 راح تعدي مثل غمضة عين
الطب مو سهل مثل باقي التخصصات
يبغى له تركيز كامل والله آعرف واحد من العيال
يدرس طب يقول ماني قادر أوفق بين أهلي وزملائي ونفسي أيضاً
كله من الدراسة فما بالك لو كمل عليها تجارة !!

أنا أنصحك تكمل و الوالد بيتجمل معك آكيد
بيض وجهه الله يبيض وجهك بعدها بتتفرغ لأمور الدنيا
وأنت مرتاح


الله يوفقك

تدرس طب و تبي تدخل مشروع .

اقول انتبه على الدارسه بلا مشروع بلا كلام فاضي .

كلها شهور و تتخرج و بعدها افتح مشاريع .

مجرد نصيحه لا تستعجل و تضيع الفرصه من بين يدك .
عصفور في اليد و لا عشره على الشجرة

‘،

ألله يوفقك واصرر وانا اخوك هانت ولما تتوظف وقف مع ابوك وعآونه وصدقني ابوك مايبغى منك الا انك تكون دكتور ،، ويبي يرفع رآسه زوود بك .. ،

ترى المشآريع تفك الراس .. تخطيط + درآسه + تنفيذ + مرآقبه + تحصيل = الفاضي ينشغل عااد لو وآحد يدرس وبالطب .. ،

الله يوفقكـ‘ بعدين كلها كم شهر وتصير بالامتيآز وبذي المده الكم شهر اغلب المشآريع ماتدخل ربح يَ بآقي تنشهر آو يَ الله يَ الله تعطي رآسه مألها ،،،

اتخرج امسك,,وظيفه,,وبعدين فكر بمشروع,,

طب وتجارة ماتجتمع ..

إلا إذا بتفتح مستوصف .