عزيزتي دايخة.. جربتي تتواصلي مع القسم ؟
لانك سويتي الامتحان يعني المفروض على الاقل يعطوكم النتائج..
انا كلمت قسم الشؤون الاكاديمية ..وقالي انهم رسلوا الملفات للكليات ..سالته طيب متى مفروض تخلص الاجراءات .. قالي ( يمكن) على شهر 12 ..!!
طبعا انا صار ما عندي ثقة في الجامعه بصراحة لانه كل يوم عندهم عذر..مرة اجازة ومرة رمضان ...الخ
كانه رمضان بس يجو يسجلوا حضور وانصراف ما فيه عمل..
عموما .. انا كلمت الكلية اللي قدمت عليها واكد لي سكرتير القسم انه ما وصلهم شي اصلا من ملفات المتقدمين ... وجربي كلمينا الاسبوع الجاي ..
ما ودي نفقد الامل.. بس انا كل اسبوع بكلمهم مره ومرتين وثلاث ..
وانصحك ترسلي سيرتك الذاتية الى سكرتير العميد في قسمك وتقولين له انك امتحنتي ولسه ما وصلك شي بخصوص الامتحان .. وبعد كم يوم دقي عالسكرتير واساليه .. هم اكيد ما بيردوا عالايميل بس اكيد بيوصلهم ..


الله يسهل امورنا يارب

كلامك أختي مهاجرة للأبد واقعي وموزون، وجزاك الله خيرا على حسن النصيحة.
الحقيقة أني حاولت تتبع الملف لكن باءت المحاولات بالفشل ولله الحمد.
كل مكتب ووكالة تزعم أن المعاملة ليست لديها والله أعلم أين مستقرها ومستودعها.

يا جماعة الخير
انا من المتقدمات خلال هالمسابقة
وتعينت بالافلاج
بدون واسطة ولا هم يحزنون
وتعينت محاضر

حاليا راح ينزل اعلان جديد خلال هالاسبوعين وتبدا الامتحانات والمقابلات من جديد
خلكم اذكياء
تواصلو مع العميد نفسه للكلية اللي تحول لها الملف
والتعيين نصيبكم ان شاء الله

اللهم اقسم لنا من خشيتك ما تحول به بيننا وبين معصيتك، ومن طاعتك ما تبلغنا به جنتك، ومن اليقين ما تهون به علينا مصائب الدنيا، ومتعنا اللهم بأسماعنا وأبصارنا وقواتنا أبدا ما أحييتنا، واجعلها الوارث منا، واجعل ثأرنا على من ظلمنا، وانصرنا على من عادانا، وﻻ تجعل مصيبتنا في ديننا، وﻻ تجعل الدنيا أكبر همنا وﻻ مبلغ علمنا، وﻻ إلى النار مصيرنا، واجعل الجنة هي دارنا وقرارنا برحمتك يا أرحم الراحمين.

الله يسهل امورنا ان شاء الله..

اختي امنية من خلال ردودها عرفت انه تخصصها لغة انجليزية.. الف مبروك لك التعيين والفال لنا ان شاء الله ..
بالنسبة للقسم اللي انا مقدمة فيه ..كلمت السكرتير مرة ثانية اليوم وقال انه ما فيه ارقام وظيفية والموضوع مو عندنا .. وهذا امر من مدير الجامعة !!!!!!!!!!!!!
تصريفة دي ولا كيف
ياليت باقي المتقدمين والمتقدمات يتواصلوا مع كلياتهم عشان نعرف الصدق من ( التصريفة) ,,,

والله يا أختي مهاجرة الوضع غريب جدا جدا....
تخيلي يلقون معاملتك عند شخص وفي وكالة ما لها شغل بالتوظيف بالمرة وحتى الوكيل نفسه مستغرب ويقول المفروض ما تجي هنا واتصلوا بعد يوم أو يومين حتى أكون تباحثت اﻷمر مع اﻵخرين وعرفت سبب وصولها هنا!!!
الله يعين بس....
يا حياة الشقاء!
تخصصي عربي.

السلام عليكم
اسفة جدا والله ما قصدت اتهرب ابدا
تخصصي لغة انجليزية الدقيق ادب انجليزي وامريكي
وبصراحة تواصلت مع العميد على طول
ما انتظرت الجامعة
وفعلا اتصلو فيني الكلية وسويت عندهم اختبار بالحج
وتم التعيين ببداية الترم الماضي شهر 4