السلام عليكم ورحمة الله وبركاته ،صبحكم الله بالخير والرضا والعافيه


اخواني لقيت في احد المواقع رجل يبيع ربع تولة دهن عود واعطار فرنسية الحبة ب3ريال . طبعا شفت اكثر الردود تمدح في الرجل ومصداقيته . طبعا اقل طلب 100 حبة ب300ريال

المهم عجبتني الفكرة ، فقررت اني بشتري منه تجربة لكن اللي ماعرفت له كيف اصرفها

قلت اوزعها على البقالات والسوبرماركت الكبيرة


تكفون اي واحد يعرف كيف اقدر اصرفها لا يبخل علي

وشكراً[align=center][/align

خذيهآ و خلي آحد من آبنآئك آو آخوتك يروح عند جآمع في صلآة بكثرة وفي حي فخم

ورآح تجدي من يشتريهآ الطريقة الثآنية خخذي 10 تولآت جديدة
وفيهآ شوي من العود ذآ وعطيهآ محل حق عطورآت وقليلة هل تشترون من هآذي العينة بيقول آصبري لين حق الفرع وهو يقرر ويكلم الشركة وتوآفق آو لآ

جربي تبيعين في أسواق سيتي
وسوقي للي حوالينك واذا ماتبين يعرفون انها لك سوقيها ع اساس انها لزميلتك او صديقتك
واذا يبون انت توصين لهم عليها لانها تعطيك اياها بسعر رخيص زي الـ3 أو الـ5 ريال للحبة وهكذا
واستخدمي البلاك بيري للتسويق بعد واضيفي بنك واسعارك المغريه وامدحي الريحه وهكذا.

موفقه

ياجماعة الخير شكراً لكم

انا شاب ولست فتاة >> ادري ان اكثر اللي يبيع الاشياء ذي بنات لكن مافي مانع نجرب

^

لا والله موب قصدي ان اللي يبيعها بنات
انا مشيت ع رد اللي قبلي لما تكلم بصيغة انثى العذر والسموحه منك
الحين التجارة الألكترونية هي السائدة
ودامك شاب بالعكس فرصك في البيع أكثر تقدر تشغل سيارتك وتمشي لتوصيل الطلبات
وتقدر تاخذ حق المشوار طبعاً رمزي مو قيمة التوصيل أعلى من قيمة السلعة
جرب ادخل موقع أسواق ستي وخذ فكرة
وتقدر بعد تعرض سلعتك قدام المساجد أو المطاعم والبوفيهات المشهوره اللي تعج بالزباين
زي احنا عندنا مطعم ماما نورة بعض فروعها تلقى في كل قرنه بسطه شي كاب وشي شراريب وشي ساعات وشي سيديات وشي عطورات حتى المتسولات تلقاهم جالسين عند الباب من كثر زحمة الزباين ع المطعم ماشاءالله تبارك الله
المهم عندك فرص كثيرة كشاب دور اللي يناسبك واتبعه.. مو زي البنت فرص بيعها محدوده جداً اوسع مافيها النت!


موفق