السلام عليكم
ياشباب أنا كلموني وقالوا مكان التعيين في الدمام على وظيفة مأمور علاقات عامة وانا ساكن بالرياض والمشكلة أني ادرس ماجستير الان , اذا في احد مكان تعيينه بالرياض ويبي نبدل الاماكن انا وهو يبلغني لاني صراحة ماودي افرط في الدراسة ماعاد باقي لي الا سنة واحدة

إنت خلصت الكشف الطبي والنماذج حق التوظيف ؟؟
وتاريخ كم سلمتها ؟؟

سين سؤال / متى كانت مقابلاتكم

دريوووووش رد

توهم كلموني يوم الاربعاء كملت بعض الاوراق باقي الكشف الطبي ,,, بس ماني متحمس

المقابلات كانت قبل يمكن 10 أشهر

درووويش الله يوفقك كمل الجامعه كلها سنه باقي فقط
وبعدها تتوظف ع الثامنه تختصر 8 سنين حق الترقيه لا تظيع الدراسه هي فرص الحياه واستخير الله ولا تستمع للمثبطين
الله يوفقك ويفتح عليك

الحين مقابلاتكم كانت من 10 شهور؟
طيب سؤال كيف كان تعيينكم على كم دفعه لان احنا البنات كان التقديم شهر 8 وطلعت النتايج قبل شهر او اكثر وصلحنا مقابلات بس ماطلبوا منا وقت المقابلات الا استمارة الترشيح بدون اي شي ثاني لادورات ولا خبرات ولا شي سؤال ثاني انتوا مثلنا
السؤال الثالت الله يعطيكم العافيه على اي أساس تكون الافضليه يعني وش اللي يؤخذ بعين الاعتبار خبرات ولا دورات ولا نتيجة مقابله لاني احس المقابله كانت سوالف صراحه مع المشايخ

كان التقديم شهر 10 عام 33 والمقابلات شهر 1 عام 34 والنتائج طلعت شهر 3 عام 34 وباشرو العمل شهر 4 عام 34
ولكن في ناس جاهم تعيين للتدريس
وقامو يتصلون على الي بعدهم فقط
هذا الحاصل