بعد ظهور الاسماء شهر 3 فيها مفاضلة للخدمة المدنيه ******** الخدمة المدنية تهضم حقنا

محكمة الاستئنآف الإدآريه بـ .. جدهـ .. أو .. مكة ؟؟! // وموقعهآ بالضبط وين في أي شآرع او حي .. وشكراً (:

السلام عليكم
انا كان موعدي اليوم في ابها (كاتب ضبط )
طبعا الترتيب ممتاز كل ما جيت بدري مشيت بدري
اول ماتدخل يعطوك رقم وتكتب اسمك وتوقع مع كتابة الساعة والدقيقه التي حضرت فيها بعدين تروح الاستقبال تطبع ملخص الطلب .
بعدها اختبار النسخ وطبعا القطعة تكون من اليسار لليمين (وبركاته الله ورحمة عليكم السلام )
هكذا تكون ولازم تكون سريع في الكتابة مدة الاختبار خمس دقائق فقط .
بعدين تنتظر في الصاله حتى يجي رقمك للمقابله ....
والمقابلة كلام فاضي خلي اجاباتك محدوده .
الاسئلة في المقابلة
# عرف بنفسك ، متى تخرجت ، من اين تصرف على نفسك ، برنامجك اليومي ، وبعدين تكتب املاء حوالي 3 اسطر .
وسلامتكم .
ادعولي دعوة بظهر الغيب بالتوفيق .

السلام عليكم يا جماعة الخير
اليوم الاحد رحت للمقابلة وكنت مقدم على باحث قضايا مساعد
المهم اول ماجيت ناداني الحارس واخذ الهوية و اعطاني رقم وقال استريح
المهم جلسنا شوي وهم ينادون وكان رقمي 26 وقال من 26 الى 35 يجوون
وطلعونا فوق وخلونا نجلس دقايق وبعدين دخلونا في المكتب اللي فيه اختبار الكتابه ف الكمبيوتر
وخلو كل واحد يجلس عند جهاز واخذ شوي يعلمنا عن الطريقة المهم بدينا ولخبطت شوي ف الكتابه
واكثر ما لخبطنا الهمزه فوق الالف وتحته والفاصله اللي على فوق او تحت
المهم خلصت وقت الكتابه الخمس دقايق وطبعوا نتائج الكتابة وشفت نتيجتي مكتوب الاجمالي اظن 92%
وبعدها طلعنا وجلسنا شوي وصار ينادون واحد واحد بالارقام ودخلت عند القضاة 2 وقال تحدث عن نفسك وقال سويت بحث ف الجامعه قلت ايه قال ف ايش وعلمته قال وش الكتب اللي بحثت فيها و عطيته كذا اسم وقال تقرا كتب وش هي الكتب اللي تقرا وقال لو جاك تدريس والديوان وين تروح قلت الديوان قال خلاص الله وياك ومشيت
وهذي العلوم من طقطق الى السلام عليكم
وعلى فكره كانت المقابلة ف جده
والعذر ف تأخيري لاني من المدينة وما رجعت الا متأخر

الله المستعان على كل حال .. حنا بزمن اغبر الفساد والواسطه والمحسوبيه صارت تدخل في كل شي .. حتى الناس اللي مفروض يكونون من انزه الناس وابعدهم عن الشبهه لم يسلمون