بالنسبة للمطابقة انا رحت اليوم المحكمة الادارية بأبها اللي سويت فيها المقابلة واعطوني 8 نماذج كل نموذجين سوا بس كرروها عشان في 4 نماذج تروح لوزارة الخدمة و4 نماذج تروح لديوان المظالم فالرياض عبيت النماذج اغلبها معلومات شخصية ورقم الجوال وارقام اقارب للتواصل وفي نموذجين واحد منهم حق اقرار عدم استلام بدل تعيين من قبل وواحد حق تعهد بعدم طلب النقل الا بعد سنتين من تاريخ المباشرة .
واخذو صورتين للبطاقة وصورتين للشهادة وصورتين لشهادة دبلوم الحاسب(عندك شهادة حاسب اول انقليزي خذها معك تفيدك) وطابقوها مع الاصل وختموها ودبسو النماذج سوا مع الكشف الطبي وياخذون صورتين شخصية ويدبسونها فالنماذج.
بعدها قالو خلاص توكل على الله موفق،،وسألناهم هل القبول نهائي قالو لا باقي في مفاضلة من وزارة الخدمة يختارون افضل 115 واحد بس وينزلون اسمائهم مع مكان التعيين عن طريق الموقع شهر 5 ويدقون على اللي يطلع اسمه
والله يوفق الجميع ويكتب لنا اللي فيه الخييير لا تيأسون مابيجيكم الا المكتوب ومهما طالت المدة اصبرو ان الله مع الصابرين تمنياتي لي ولكم بالتوفيق وان شاءالله يقبلونا كلنا الميزانية ماشاءالله تكفي وتوفي

نسيت اقول في نموذج ماذكرته اللي هو يسألك انت موظف والا لا
اللي ماتوظف يحطها كلها لا وخلاص بالتوفيق للجميع

ياشباب الله يحفظكم ويرزقكم اللي من أهل المدينه لايتعب نفسه لأني رحت اليوم
وقالي مافيه راجع المحكمه اللي انت سويت المقابله فيها .....
وإذا فيه شي جديد أعطونا قبل لانسافر
الله يعطيكم العافيه

يعطيكم العافيه جميع

ياليت الي عنده علم عن عدد المتقدمين لوظيفة كاتب ضبط والعدد المطلوب يذكره لنا

وبالتوفيق للجميع يارب

والله بالنسبة لعدد المتقدمين ما عندنا علم فيه لانهم ما اعلنو لكن بالنسبة لمحكمة ابها سمعت اثنين يقولون انهم كاتب ضبط وانا الثالث وللعلم اليوم اللي راجعو المحكمة عدد قليل ومعدود يمكن من ١٠ وتحت قليل مرة واستغربت لكن اتوقع انهم رشحو عدد كبير من الرياض والشرقيه والتصفية بتكون للي قدم فالرياض والشرقيه تقريبا اما الجنوبية احتمال يكون تعميد وتعيين على طول لانهم معدودين والله اعلم ويوفق الجميع ويرحوننا من التصفية

الله يهديك اخوي نصيحتي لك لازم تراجعهم تدري ليش
لأن النماذج مقسومة جزئين 5 منها لوزارة الخدمة المدنية والخمس الأخرى بتروح لديوان المظالم فالرياض
الحين انت قلت انه اخذ نسخة من البكالوريوس ونسخة من الدبلوم طبعا اكيد انه حط نسخة البكالوريوس مع النماذج حق ديوان الخدمة او حقت ديوان المظالم طبعا لو تروح لمفاضلة ديوان الخدمة مابيحسبون ان عندك دبلوم ويمكن يأثر عليك فالمفاضلة انصحك تراجعم وبتلقى اوراقك كاملة مابيرسلونها الا يوم الاربعاء اذا عندك خبرة والا دورة حاسب خذ صورتين وخذ الاصل للمطابقة وبعدها يختمون صور الدورة والخبرة بتضاف مع الاوراق وبتدعمك فالمفاضلة بشكل كبيررر وخلك متفائل واذا كان عندك شك فأوراقك راجعهم من حقك اهم شي الوظيفة ماتضيع بسبب نقص بيانات والله يوفقنا جميع
(تخصصي لغة عربية)+(دبلوم حاسب سنة)

الأخوان الي بكالوريوس تربوي ... ومجتازين القياس ...أنصحهم يعيدون التفكير بوظائف المرتبة السادسة وينتظرون الوظائف التعليمية ........

كذلك الموظفين ... لا تفصلوا من أعمالكم ......حتى يتبين لكم الأمر بوضوح




والله العظيم ماقلت هذا الكلام إلا لمصلحتكم ... سنوات العطاله علمتنا الكثير !!

صحيح اللي عنده تربوي التعليم افضل له بكثيررر بس في ناس تحب المجال الاداري اكثر من التعليمي وفي ناس صبرت لين ملت بعضهم تعدا العشر سنين يعني ماتبيه يدور على وظيفة يعيش منها ويتزوج اللي راح من العمر اكثر من اللي بقى انا انصح كل شخص يحصل له وظيفة تغطي احتياجه انه لايتردد ويقدم ويعيش حياته والقناعة كنز لايفنى والشخص ما بياخذ الا المكتوب له واعيد واقول ان التعليم افضل لكن بعضهم انتظر التعيين لين قطع الامل والله يختار الخير ان شاء الله لنا ولكم