السلام عليكم احد اصدقائي دخل هالمشروع فحبيت انقل تجربتة هنا طبعاً هو نزله موضوعه في احد المنتديات و استأذنته انقله هنا

ودي الشباب و الفتيات يستفيدون منه خصوصا اللي عندهم مزرعه او استراحه او حوش
بدل ماتضيعون وقتكم في شي مايفيد ادخلوا هالتجربة منها تتوسع صدوركم و تكفيكم عن سؤال اهلكم

---------

دخلت في هذا المشروع قبل موسم التكاثر بشهر وهو فصل الشتاء ولله الحمد 70 وزه قامت بتفريخ 340 وزه قمت ببيعها امس بربح 100% مع الحفاظ على ال70 وزه الأصليه طير يتحمل الحراره والبروده وأكله غير مكلف الحمدلله الذي انعم علي بهذه النعمه ....
البيع بسعر 65 بالجمله
المفرد بالسوق يوصل 90

التعليف الكيس يكفي 20 يوم والوز لا يحتاج فقاصات هو بنفسه يرقد على البيض والحمدلله مايموت بعد الفقص الا نادرا والمشروع مايحتاج 50 الف
حاول تبدأ ب5 الآف وشوف المشروع اول سنه وتعلم بعدين إكبر على كيفك .. ياكل الوز البرسيم والخس وايضا الخبز وبقايا أكل البيت وهذا يوفر عليك كثيرا

وش المطلوب لها من حيث المكان ؟ وهل تصدر اصوات مزعجة في حال اني حطيتها في الحوش ؟ وكم الفترة من فقس البيض حتى تصبح وزة كبيرة ؟ ... وسامحني كثرت عليك

السلام عليكم ورحمة الله وبركاتهـ
ياخي ماني خابر عندنا بالسعوديه ياكلون وز

حنا يالسعودين لو يرتفع الدجاجه لـ 100 ريال راح يشترونها

ما ادري ليه كيذا تفكيرنا
ماعمر احد من خوياي قال لي اليوم كليت وزه ( هههههه ) اي والله

هذا مو تحطيم لا والله لكن والله لو اعرف ان شعبنا ياكلون وز كان فتحت محل كبير للوز

أدلووني كيف الطريقه جزاكم الله خير
وشكرا

مشروع حلو
بس سالفة انه بيع الوزه بتسعين اتوقع غاليه وماراح يصير عليها اقبال

وتقبل تحياتي وتقديري وشكرا لمحاولة افادتنا

الاخوان الي يقولون السعوديين ماياكلون وز صحيح ولكن المسأله مو اكل وانما تربيه وتكاثر هوايه يعني.. وانا مانصح تربيه الوز او الدجاج بنفس البيت للاسباب التاليه الاصوات المزعجه والروائح الكريهه يعني يفضل باستراحه او حوش اغنام او مزرعه والخ . موفقين