السلام عليكم ورحمه الله وبركاته


انا عضوه جديده بالمنتدى صراحه منتدى رائع تشكرون عليه

ياليت يااخواني تساعدونن بافكاركم ومشاريعكم النيره الله لا يحرمن منكم


القصه وما فيها

انا جاني 50 الف من الوالد الله يطول بعمره قبل سنه تقريبا اشتغلت بالتجاره عن طريق النت بمبلغ 10 الف

وخسرت وجاني احباط لان ماحد واقف جنبي زوجي يقولي راح تفشلي قبل ماابدا بتجارتي وفعلا صار الشي


بعدين جلست افكر في مشروع بالفلوس الباقي زوجي يرفض مساعدتي يقول فلوسك سوي الي تبين مالي دخل فيهن


بعدين جلست ابحث بالنت عن اراضي اواي شركه ثقه تشغلهن لي بس فشلت

وطارت 40 الف بالهواء تقولون وين اقول مادري ملابس حاجات الاولاد وزي كذا



مالكم بالطواله الزبده

جاني 50 الف من الوالد ثانيه قبل اسبوع صراحه خايفه تروح مثل الاوله وزوجي عند رايه مايبي يساعدني وزوجي متشائم دائما لا كلمت معاه يجين الاحباط اي مشروع اشاوره فيه يقول على طول خسران

على شان كذا حرمت اكلمه واتجهت لكم بعد الله تساعدونن ابي احد ثقه يشغلهن لي

شوفيلك واحد ثقه يشغل فلوسك في مكاتب التقسيط او اشتري ارض بوثيقة والله يوفقك

عارفة ايش المشكلة

ال 50 الف

جايه في النص

يعني لاهي كثيرة ولا هي قليلة

ماتدرين فين تحطينها

أنصحك

انك تجمعين عليها

يعني خليها تصل 100 الف او 150 الف

وافتحي لكي مشغل نسائي متكامل

بس هاذي شغلانة طويلة عريضة

ولا افتحي محل خياطة

وجيبي عامل باكستاني

واعطيه المحل

وقوليله تعطيني شهرياً 3000 ريال او 2500 .

وكل شي عليه الأيجار والماكينه .

انتي خذي 3000 او 2500 ريال صافي .

المشاريع كثيره
وطبيعي جدا الفشل في البدايه فالنجاح لاياتي الا بعد فشل مره و مرتين و ثلاث حتى تكتسبي الخبره
اي مشروع ينجح مع اخر قد لاينجح معاك
لابد تحددي اهتماماتك , امكانياتك للمتابعة
و حلالك لابد تتابعيه بنفسك انا اخالف الشخص اللي فوق يقول جيبي باكستاني خياط
لابد ان الشخص يتابع شغلته بنفسه
بالتوفيق يارب

وانا اقول للشخص اللي فوق

الأخت مافي احد يساعدها

كيف راح تتابع حلالها بنفسها

احنا الرجال بعض المشاريع الخاصة يدوب نلحق عليها

فما بالك با امراءة .

أذا أنتي يالغلا,,,مـن المدينه,,, أنا أبحث عن شريكه,,,

ربي يوفقك ياكريم

السلام عليكم

أولاً : توكلي على الله تعالي وتصدقي بجزء منها لو بسيط لأن الصدقة تبارك في المال

ثانياً : استشيري والدك في اي مشروع تفكرين فية

ثالثاً : فكري بعقلك واي مشروع لا تفهمين فية شي حاولي الابتعاد عنة

رابعاً : الآن فية فرص كثيرة للنساء في المجمعات التجارية لو حصلت لك فرصة التشارك مع اخريات وانشاء محلات تجارية لكن يجب ان تتواجدي او تتواجد احدى شريكاتك فيها

خامساً : رغم وجود مخاطرة فيها ولكن يمكنك ابعاد المبلغ عن تصرفك بحد البنوك بصندوق استثماري طويل الأجل حتى لا تصرفيها وتحاولي جميع مبالغ اخرى معها



بالتوفيق وابتعدي عن اي شي فية شبة ربا

خلي احد اخوانك ولا ابوك يشتري لك بها دينا وتأجرينها 3000 الى4000 الشهر

إذا أنت في مدينة كبيرة و حتى محافظة كبيرة دوري على صاحبة مشغل تؤجر أركان واستأجري منها ركن وشغليه خياطة أو كشك اكسسوارات أو كوفي شوب وفي عالم حواء كثير يطلبوا مستأجرات.