بسم الله الرحمن الرحيم
اما بعد . قبل كل شي انا عاطل لي سنه تقريبا وحاط براسي انه ابغى وظيفه مدنيه مهمى يكون مكانها ومرتبتها وحوافزها توظفت بشركه وحسيت في ظلم لانه عندي دبلوم اداره مكتبيه من الكليه التقنيه وعطوني 3400 دوام 8 ساعات والمكان بعيد عن البيت ومواصلات صعبه نوعا ماا لو اروح واجي كل يوم تاكسي اقل حاجه 900 ريال بالشهر وغير المصاريف وكذا فكنسلت الوظيفه قبل ما توصل لتامينات الاجتماعيه عشان ماينقطع المخصص المالي حق العاطلين كرهت اسمه ماني قايل اسمه الكل عارفه المهم في خلال السنه هذي اكتشفت اشياء ببلدي الغالي لم تخطر على بالي احسب انه الوظيفه المدنيه على قفى من يشيل لانه انا اداري وعندي خبره اكيد حكون مرغوب ولاكن الصدمات ثم الصدمات قدمت على وظائف اداريه بجامعه الطائف انقبلت مبدئ ودخلت الاختبار اختبار ماتقدر تقول عنه سهل تقدر تقول استخفاف بالعقول والشي الي مزعلني انه بوقت الاختبار قام واحد من الشباب جالس يقول للجنه الي تراقب بالاختبار يقول الصلاه يانااس بروح ااصلي لانه بدااء الاختبار اول ما اذن العصر المهم خلصت الصلاه وكذاا والرجال هذاا سبحان الله مو باين عليه علامات التدين لاكن سبحان الله ولله في خلقه شؤون الرجال عااندهم وجااء خاارج مسكه الدكتور الي كان يختبرنا قال له الصلاه لاحق عليها حرااام تضيع الوظيفه تخيل كل الي بالقاعه قالو بسس توظفنى كلنى ههههههه والله العظيم قمه الاستهتار والغباء انا اقولكم ليه اسب فيهم تدرون ليه اكتشفت بعد الاختبار كانت في منشوره براا انا اختبرت في مراقب خدمات تخيلو الي دخلو الاختبار 300 وهمى طالبين 2 او 1 لانه يكون واحد احتياط ويكون واحد مررشح بالله عليكم في هذه الموقف ايش بيكون رده فعلك لهؤلاء القوم المهم هذي الصدمه الالولى من نوعها وجاتني الصدمه القاتله امانه محافظه جده معى انه نطالب بعدم تسميتها بهذى المسمى نسميها (خيانه جده) المهم اختبرت على مهندس زراعي وانا شهادتي اداري جااء هذاك اليوم مايقارب 600 شخص على وظيفه وحده تخيلو والله انا اتكلم وعندي ادله على كل كلمه المهم دارة بي الدنيااء قلت معقوله مافي رقاابه
المهم وجاتني الصدمه والطامه الكبرى جامعه الملك عبدالعزيز طبعاه جامعه الملك عبدالعزيز انا ماحتكلم عليها لانه حكون شويه زودتها وانا ماابغى اطلع برا الموضوع لانه جامعه الملك عبدالعزيز طوووويل موضوعها وهذه رابط تجمع 1432 https://www.btalah.com/t301461.html

تابعو التجمع ادخلوه من البدائه حتى النهايه وتشوفون ايش حاصل المهم

بالعربي واســــــــــــطات في واســــــــــــــــــــطات
جامعات و الوزارات و المؤسسات الحكوميه اي وظائف اداريه بالمملكه تبقى مستنقع واسطاااااااات

على طاري مؤسسات انا اعرف كليه تابعه لمؤسسه ااقسم بالله اعرف مسؤول فيها هوه سكرتير للعميد حق ذي الكليه اقسم بالله يقول لي نحنى القبيله الفلانيه نزبط بعض قالها لي بالفم المليااااااااااااااان تخيلو يقول انا جالس هنا سكرتير لعمي الي هوه العميد تخيلو الى وين وصلنى من الاستهتار
المهم انا اعااتب وزير الخدمه المدنيه تدرون ليه والله باامكانه يوقف هذي المهززله لو يتبع هذي الخطوات والمصيبه ارسلت هذي الخطوات الى المتحدث الرسمي بوزاره الخدمه المدنيه عبدالعزيز الخنين ولا حصلت منه اي تجااوب اكرر عليه ولاهو بجنبي اقول له هذي امانه على الاقل اقترحها على الوزير المهم انا حبث هذي الفكره بهذا المنتدى لانه انا اشوفها وزاره مو منتدى ماشااء الله
الخطوات كالتالي
الدوائر الحكوميه بالمملكه جميعها تخضع لديوان الخدمه المدنيه غض النظر عن( القطاعات العسكريه )
بمعنى انه اي دائره من هذه الدوائر يوجد عندها شواغر وظيفيه ترفع هذه الدائره لااحه بااسماء هذه الوظائف الشاغره مهمى تكون حتى ولو حلااق الى الخدمه المدنيه وعااد الخدمه المدنيه تستدي من هوا احق لهذه الوظائف وتوصلها للذي يستحق ويقل عدد الظلم ويؤسسون لجنه راقبيه حااااااده على موظفين الخدمه المدنيه وبكذا كلن سوف ياتيه حقه (ررغم انف )
وبكذا انتي ياجامعه او يا مؤسسه انتي ماعليك الاء نجيب لك موظف لهذي الوظيفه
وممنوع استقبال من الجامعات والمؤسسات اي اوراق موظف فقط ديوان الخدمه هوا الذي يرشح فقط بااي حق الجامعه او المؤسسه او الدائره هيا التي ترشح بكذا نقفل الديوان ونخليها خربوطي على قول سواقنا هههههه
الواسطات ذبحتنى والله
خاصه الجامعاات و المؤسسات
والله لتنحل مشكله الواسطاااات
تدرون اايش الان حاصل بالوظائف المعلنه بالجامعات والمؤسسات والهئيات
تجي الوظائف عند مدير الموارد البشريه بهذي المنظمه ويقول المدير لموظفينه الي بنفس القسم ياشباب فيه وظائف ناازله المهم تشتغل امور الواسطاات قبل ماتعلن ونحنى مسااكين ننتظر الترشيح والمصيبه اذا سجلت يقولك الموقع انت مرشح وانتظر الاختبار التحريري نفس حركه جامعه الملك عبدالعزيز هههههههه كلها 100 وظيفه وقبلو 6000 ياربااااه هذي ماحصلت وربي

هززززززلت ورب الكعبه
المهم اسف على الاطاله واتمنى من اي شخص قراء كلامي الترحم على حالنا واتمنى اي مسؤل يقرا كلامي ترا كلنى نهايتنى في (قبر) خافو الله حاسبو انفسكم قبل ان تحاسبو صايرين عاله على اهالينا اقسم بالله شي يقهر تدرس وتتعب وبالاخر كذا الحياه رغبات ياكثر الي متخرجين بتخصصات كيماء وفيزيا وحاسب و و و .. وراحو عسكريه وهياا مو رغبته وبكذا تحصل منه في قصوور في عمله لانه ماوضعوه بالمكان المخصص الي هوه ينتمي اليه

في الاخير ترا كلنى راعي وكلنى مسؤؤل عن رعيته ((ياما ناس راحت بالمخدرات والحوادث والزنا والواط و الطرق المظلمه كلها محصوره بالبطاله وانت ياالمسؤؤل عن الرعيه ((في ذمتك هؤلاء كلهم )) سواء اب او ام او وزير او وكيل او او او كلن مسؤؤل

وختام اقول لكم استغفرو ربكم انه كان غفارا اعذوني على الركاكه بالكتابه والاسلوب والنهج لاكن كل يوم نتعلم جديد وهذا جديدي

ســـــلام قول من رب رحيم

بقلم .عــــــــــــــــــــــــــــــــــاطــــــــــل متفائل ((مجرد خواطر))

لرررفع

ولاء رد وااحد المهم انا طلعت الي بداخلي ولله الحمد

بسم الله
تحيه طيبه وبعد
اتوقع ان هنالك تشابه كبير بيننا تشابهانا في التخصص والمعاناه وعدم الرغبه في القطاعات العسكريه
اخي العزيز انا الان اسير في السنه الرابعه منذ تخرجي من الكلية الملعونه نعم هنالك لعنة قد حلت على الكليه التقنيه فابحثوا عن حل لها لعلنا نرى شيئا نتفائل به.
لقد تطرقت الى سياسة وزارة الخدمه المدنيه (اقسم بالله انني اضحك وانا اكتب) هل تذكر مادة ادارة الجوده الشامله
يتطرق المهج في احدى دروسه الى تطوير المنشأه وكيف يتم ذالك وكان من ضمن الحلول ان يتم استشارة الطبقه المستفيده من تلك الخدمه المقدمه من قبل المنشأه أيا كانت, هذا ما تعلمناه ولم نراه مطبقا على ارض الواقع اي ان ما نتعلمه في كل مراحلنا الدراسيه ليس سوا تنظير واستعراضات ليس لأنهم لايريدون تطبيقه ولكن لأنهم لايعرفون كيف يطبقونه.
يا صديقي العزيز ليتني استطيع ان اخبرك بمغامراتي في البحث عن الوظيفه تجدني احيانا اتجه الى القطاع الخاص واحياننا اخرى الى البنوك واخرى الى المسابقات الوظيفيه التابعه للجهات الحكوميه ولكن هيهات هيهات اسافر واتحمل العناء والتعب والخسائر الماديه ولكن دون جدوى ذكرتني بلقاء جمعني مع مدير التوظيف بمكتب العمل بمنطقة عسير قلت له بكل ألم اريد وظيفه وكنت في حينها اتوقع ان يطرح لي وظيفه بمرتب زهد جدا جدا جدا ولكنه فاجأني بما لم اكن اتوقعه قال لي وبكل جرأه إن هذه المنطقه -ويعني عسير- رفض اصحاب القطاع الخاص فيها رفضوا تطبيق نظام السعوده.
والله لم اجد ما اقوله له في حينها ولكن حسبنا الله ونعم الوكيل انا وانت والاآخرين نطالب باصار الانظمه التي تكفل لنا ما نتمناه ونصدم بأن تلك الأنظمه بعد صدورها لا تطبق.
في احد الايام قررت مراسلة حافظ المؤسسه علي الغفيص شرحت له معاناتنا نحن التقنين فلم يكن يحبذ الحديث في هذا الموضوع الذي لايجد له تبريرا ورد ردا عاما دون اي فائده.
الحديث يطول ويطول ولكن هذا موجز بسيط من مسيره حافله الفشل.

تسائل أخير؟؟؟؟
هل كلينا ملعونة فعلا ام اننا بحاجة إلى بو عزيزي جديد.

سبحان الله العظيم