السلام عليكم

اخواني واخواتي

اريد حل او مساعده شاركوني

انا موظف في شركة كبري

المشكله الموظفين اجانب هنود -بنقال-فلبنين -باكسنان -اندنوسين

انا مديري باكستاني وجالس يطفشني في العمل

انا الوحيد سعودي في القسم الماليه مدخل بيانات

المشكله تراكم في الاعمال والسبب مديري يعطي جميع الموظفين وقت اضافي وانا سعودي مالي وقت اضافي

وان لي 8 اشهر في الشركه وكنت اخد العمل معايا البيت اجلس طول اليوم اشتغل وجاني واحد اتوظف جديد سعودي نصحني العمل في العمل ولا ترهق نفسك وبعدها استقال ومازال الاعمال متراكمه

وانا اريد الحل يعني متراكم علي 3 اشهر عمل والسبب مديري واخاف يغطوني انذار اهمال الحل


سوال عقدي سنتين هل ممكن فسخ عقدي ولا يعطوني اتذارات وفصل ولا يعوضوني ويمشوني مادري حيره من امري


بخصوص الموظفين المخالفين للاقامه ودي اخربها مره وحده اعطوني حل

يوجد في الشركه موظفين اكثر من 25 عامل بدون اقامه وفي اثنين هروب من الكفيل

اتصل علي مكتب العمل للبلاغ مايردو والجوزات مايردو والشرطه مالنا صلاح الحل طيب مين الي له قرار
الي متي نفضل في الصراع وعدم الاستقرار

انا انصحك انك تستمر في عملك هذا

وتأدي باللي تقدر عليه

وفي نفس الوقت ابحث عن عمل اخر افضل من هذا

اهم شي لاتترك هاذي الوظيفة والا البديل جاهز .

وبخصوص مديرك والعمال اللي معك

بأختصار اقولك

خلي ولي

ماعليكي منهم

طقطق عليهم يرجال .

رح بنفسك للجوازات ودخل على أحد الضباط وقل عندنا كذا وكذا والموقع هناك والوقت كذا وأسمائهم كذا

وأشرحله الوضع وقل لاتجيبون أسمي نهائي خلوني بعيد والله يداهمونهم ويعلكونهم علك


بالنسبة لمديرك الزفت أمسك شغلك وأضرب فيه عرض الحائظ أذا أنتهى الدوام أمش ماعليك منه

وأن قالك أجلس قل عطني أوفر تايم تراه مايقدر يصلحلك شي أبد وش بيقول


وخلك ذكي لو نويت تتركهم عطهم أنذار شهر عشان مايحرمونك من مستحقاتك

مع الأشكال هاذي خلك بجيح وإذا طلب منك شي مو من مهامك لاتقوم فيه , والنظام واضح وصريح

بالنسبة للمخالفين لأانظمة الأقامة روح الجوزات وأنكب عفشهم وبلغ مكتب العمل

الكلام هنا في المنتدى لايقدم ولا يؤخر خلك ذيب وروح أشتكي عليهم

وأذا أنتهى دوامك أبحث عن وظيفة أخرى سواء بالنت أو عن طريق الموارد البشرية