الله يفرج همك ويزيل كربك يارب
انصحك يالغالي من الجيش والله الجيش مو زين وخذها مني نصيحه
لو لك واسطه باي مكان في المنطقه باي شي غير الجيش خله يتوسط لك لو في الامن العام احسن من الجيش

واسال الله لك الوفيق

للمعلوميه : ترا ما نصحتك الى من الناس الي يشتكون منها وناس اعرفهم فيها والله انهم ينصحونا لحد يكخشها معى انهم فيها
واتمنى اني افدتك ياخوي


يجي من يفيدك اكثر

عسى الله يعينك على نفسك وعليك أولا بذكر الله والإستغفار والله ماتعرف لذته الا لين تجربه والشيء الثاني حاول وخل املك بالله كبير حاول تكمل جامعه افضل لك / خــير منها ركعتين بالأسحــــار !

ياناس أذكرو الله
الرجال يقولكم ضاقت به الدنيا
ويقول قدم على المدنيه ولافاد
وأضف على ذالك عضويته ب2010
يعني شيخ بالعطاله
يافيكتور ,, الله الله التقديم مفتوح على طول روح للعقيد الجعيد خلف أسواق شبرا بجانب قيادة المنطقه وان شاء الله مابيعقدونك اذا معاك ثانويه حاف شوف لك معرفه والا حاجه لانه يرفضها الله يهديه وأذا معاك فوقها شهاده بيرسلها للرياض وبتأخذ اسبوعين ويردون لك برقم تراجع به الرياض
والجيش تغير ماهو مثل أول من ناحية الرواتب
وفقك الله

يعطيك العااافية يالقرني

انا شهادتي ثانوية

فوقها معاي شهادة حاسب كامبردج 6 شهور

ابي افادة

الله يوفق اخوي قدم في البحريه فاتح التقديم و اذا تعرف احد في خميس مشيط يفيدك تفتح تقديمات ملفات بين فتره وقتره على سلاح المشاه وسلاح المدفعيه

والله تعبت

يارب ارزقني

والله معرف احد

انا خريج عام 1426 _ 1427

مجاني ولا شي

ربي اسالك من فظلك اغننيي بحلالك عن حرامك وبفظلك عما سواك

الله كررريم لي رب كريم

شاكر لكم ي خوان

فيكتور سيموس
يــ آخي خل الي ينصحك يقول لا تدخل .
هذا نايم ومبرد انا خوك ويقول لك مساوي نفسه فيك هو صحيح ينصحك من باب محبه لكن مافكر فيك تفكير عقلاني شوي .
اسمع بس الجيش لا يطوفك القطار من عمر ومن شروط جديده . انا امس مقدم على الجيش الشرطه العسكريه قالو قرار جديد الطول 168 قسم بالله الكلام امس . يعني كل شوي قرار .
دبر واسط ودخله امن وحمايه رواتب عاليه والدوام يوم بثلاث ايام او اي تخصص ثاني اللحين الجيش مو مثل قبل . اقل راتب بعد الدوره 5000 لا تطوفك بس وستخير بتوفيق لك .

والله شيء عجيب في بعض الردود
اولا نسئل الله لك التوفيق
الشيء الثاني كانت النصيحه بجمل واليوم تهدى ببلاش
الجيش كل من دخله ندم وتحسف وتمنى انه دخل لو فراش في اي اداره
رواتبه قليله والله ماتسد حاجتك خاصه اذا كنت جندي وماعندك اختصاص
والله كرف في الخفارات وقوة انقريه كل يوم وانت بمكنستك
وكل شيء في ضهرك اي تحميل او تنزيل او حتى زياره للمسئول
وليتها على كل هذا الكرف فيه راتب يهونها عليك
باقي بتتزوج وتستاجر بيت كيف تعيش
اعرف ناس جنود متزوجين والله ساكنين في بيوت شعبيه وفي احياء مهجوره
ماتنسكن وكلها بسبب رواتبهم الضئيله الي ماتغطي حاجتهم
روح لتبوك وخميس مشيط وتشوف بعينك احوالهم كيف
يعني اذا تقدر تخش في الامن العام ترى والله اصرفلك بواجد من الجيش
احسبها زين قبل ماتحدد مستقبلك
واثبات لكلامي ابحثو عن سلم رواتب السلم العسكري وشوف راتب الجندي كم
الامن عندهم بدل يساعدهم لكن الجيش ماعنده بدلات وبدلاته ضعيفه
استخر ربك والله يرزقك بوضيفه تسعدك وترفع مستوى معيشتك