استشارة يااعضاء منتداي الراقيين حتى ماعرفت اكتب موضوع المهم لي صديقه دخلت موقع عادي وفيه قسم وساطات زواج ومازواج وخطابات المهم لقت موضوع لخطاب رجل كلامه الظاهري قال الله وقال الرسول وكلام منمق ومصفف المهم خذت ميله وارسلت له المواصفات عن طريق المسن انقطع هالشخص عن الموقع وعن التواصل معها بخصوص اذا فيه طلبات المهم هي نست الموضوع وطلعت من الموقع مره تدخل المسن وتلقاه وتساله عن الطلبات والعرسان قاله مافيه لانك بالرياض كل الموجودين بجده اذا تعرفين بنات بجده دليني عليهم استغربت البنت قالت له انا تواصلت معك لنفسي قال مثل ماقلت العرسان يبون بنات من جده او بشرط ترسلين صورك لان عناء السفر والشوفه ووو صديقتي عرفت انه نصاب وجارته بالكلام قالت له طيب اذا ارسلت لك رقمي كيف بيكون الوضع قال اذا الصورة بحجاب ارسلها للعريس واذ لا صورة كامله ارسلها لوحدها اتفق معها عشان العريس لايفهم غلط هي مافهمت هالنقطه بس مشت الوضع وسالته اذا هالشي عادي اذا ارسلت وانه ماتبي تحرجه قالها لا انتي مو اول وحده انا اتعامل بالصور وقالت له طيب ارسلي رقمك وبرسلك واتس وارسلها وقالت لي وش رايك قلت لها هذا انسان مايخاف الله ويمكن يكون نصب ولعب ع بنات مسكينات الان وش التصرف الصحيح يمكن ننقذ بنت او نستر عرض وحده اذا بلغنا بس حنا بالرياض وهو بجده وهل اذا كلمنا الهيئه بيصدقونا مع العلم صديقتي ماكلمته ابد مجرد مسن والله العظيم ان هدفنا بنات المسلمين لاننا سمعنا قصص زي كذا ابي احد يعطيني راي او مشورة او مساعده ولاتقولون ظلمتيه مافيه انسان يخاف الله يتعامل بالصور وكلامه ماكان مظبوط وسلامتكم

بكل بساطه لا تتعاملين معه .. بعدين في شي اسمه خطابات ليه تتعملين معه
اذا انتي ناويه تعاقبينه على انه ينصب عند الهيئة والجهات مسؤوله عنها
بس قبل كل شي تأكدي انه نصاب

قال تعالى ( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )

خطاب ... تو ادري انو فيه رجال يشتغلوا هالشغله ...

ما اتوقع حد جااهل بهالزمن .... بس يمكن التساهل


صااحبتك الوضع وااضح تبعد عنه ... ولا تحاكيه من الأسااس


والله يرزقها الي تتمنى بعيد عن الخطابات

الهيئة

وراح يتجاوبون معكم بسرعه

اهم نقطة خلي خويتك تسايره لين يطيح بيديهم

تعطي الهيئة خبر وبس هم يتصرفون ،وتقطع علاقتها بهالموقع أأمن لها ماتعلم شو يصير عليها لو حاولت توقع فيه بنفسها وتكشفه

هالمواقف لها أهلها هم أعرف بكيفية التصرف فيها
الله يستر على الجميع

( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام )

الله يرزقها الزوج الصالح بأهدى السبل

[align=center]
هذا كذاب واااااااااااااااضح وضوح الشموس

بلغي الهيئة..... الزواج مو من المواقع والخرابيط ..

هو يجي ويدق باب البيت والمفروض تتوج قاعدة عند البنات الي من النت يبي يلعب لا اقل ولا اكثر لو هو صح صادق بنسبة واحد بالمية ع الاقل يقول هاتي رقم ولي امرك اتفاهم معه بدون ماسنجر واتس اب وصور

اما رجال ويشتغل خطابة هذي قوية

حسبي الله ونعم الوكيل في كل من يبي يلعب ببنات الناس
[/align]

احسن شي بلغي الهئية .

كل الي ردوا ربي يرزقكم الجنه هي عرفت انه نصاب اكيد بس غيرها يمكن لا تصدق وترسل وانا والله خوفا ع البنات المسكينات طيب كيف اوصل للهيئة احد عنده رقم واكرر هو بجده كيف التصرف

شوفي يا تماني
البنت إذا بغت الزواج مالها إﻻ ولي أمرها بعد الله عز وجل و يكون كل شيء بالطريقة الصحيحة وما يصح إﻻ الصحيح أما نت و تعارف و خاطبات و خطابات هذا ينقال عنه .... الباب اللي يجيك منه الريح سده و استريح .... و هالطريقه ما منها غير الهم و الضيق و وجع الراس
و في حالة صديقتك هذي مالها إﻻ إنها تصلي ركعتين لله وتوكل أمرها له بصدق و تطنش وﻻ تتواصل معه أبد مهما راوغها ومهما أغراها