السلام عليكم ورحمه الله وبركاته
نزلت هذا الموضوع بقسم احتياجي وماحد رد علي وقلت انزله هنا يمكن الاقي جواب

راتب التقاعد اتوقف بعد وفاه ابوي الله يرحمه ويرحم موتى المسلمين توقف تقريبا شهرين وقدمنا اوراقنا على مؤوسسه التقاعد يوم ١٦بشهر شوال والى الان مانزل شي
هل هو تأخير طبيعي او ايش المشكله ومتى ح‎ ‎ينزلو راتب التقاعد وهل ينزلو مستحقات الشهرين اللي فاتت

اختي اولا الله يرحم والدك وبعدين ابعطيك الجواب المفيد لاننا مرينا بنفس وضعكم الراتب لازم ياخذ كاءجراءات من ثلاثه شهور الى اربعه طبعا هذا بعد اكتمال كامل الشروط من صكوك وغيره يمكن تعرفينها صك حصر ورثه ووكاله وصك اثبات بلوغ رشد وما الى ذلك من الشروط التعجيزيه هههههههههههه المهم اذا نزلوه ابشرو بالخير راح ينلزن كامل المتاخرات دفعه وحده يعني اذا تاخر ثلاثه او اربعه شهور راح ينزلون راتب الاربعه او ثلاثه شهور دفعه وحده مع الحقوق ومع جميع مايستحقه وماراح يبقى ولا هلله يستحقها هذا وتقبلي مروري واسف على الاطاله

مشكووور اخوي الزهراني ع الرد
يعني افهم من كلامك انو تأخير طبيعي لاني سمعت من البعض يقول لازم تراجعون مؤسسه التقاعد كل فتره عشان ينزل الراتب واذا ماحد راجعهم راح يتأخرون ما ينزلونه

ياجوري ابعلمك على جميع النقاط لعل تنفعكم فيما بعد ان شاء الله اولا المؤسسه ماتراجعونها كل شهر هم يرسلون للوكيل رساله فالسنه مره يجي يحدث البيانات وهذا وضع متعودين عليه ومايأثر على الراتب ابدا ثانيا كل ولد او بنت يوصل لسن الرشد لازم يروح للمحكمه ويطلع اثبات بلوغ رشد ويجيب اثنين شهود على ذلك وبعد كذا يروح لكتابت العدل على انه بالغ لرشد ويستخرج وكاله شرعيه لنفسه ويعطيها الوكيل حقكم وهذي الاشياء اذا سويتوها اول باول الراتب مايوقف ابدا لو يجلس مائة سنه اذا احد فيكم تزوج او توظف من الا ولاد والبنات لازم تشعرون المؤسسه بذلك لانهم لو اكتشفو انه مثلا انتي مملكه من 9 شهور يقومون ويخصمون حق تسعه اشهر كامله يعني مخصصك 270 ريال احسبي 9اشهر و يخصمونها من الراتب دفعه وحده وكذا فانتبهو لذي النقاط وضروري يكون الوكيل الشرعي حقكم شاطر ومفتح مخه لان راتب الورثه تعب في تعب انا طلع الشيب فيني وعمري ماتعدى 27 اللله يعين الجميع بس ودعواتك واي خدمه اعتبريني اخوك في امان الله

ارجو زيارة هذا الرابط تعرفي كل شي

http://www.pension.gov.sa/Pages/default.aspx

الله يسعدك اخوي الزهراني ويعينك ماقصرت وضحت لي كل شي

مشكوور مستفيد ع الموقع