ابيات مؤلمة للشاعر مدغم ابوشيبه بعد ما طلق زوجته وفارق بناته


انثـر علـى خـدي مــن الـدمـع وانــوح=لـيـن المـدامـع جــف مـاهـن وبـاحــن
ومشاعري من شان لاصيـر مفضـوح=اكـذب علـى نفسـي واقـول استـراحـن
اهـدي اعصـابـي وانــا افــور وافــوح=لو فـوقـي الـدلــه والابــريــق فــاحــن
لنـي فقـدت الـروح مـع تــوأم الــروح=اغلـى ثـلاث (ن) فــي حيـاتـي وراحــن
راحـن وبـاب القـلـب للـحـزن مفـتـوح=والـنـوم عــن عيـنـي دروبــه تـنـاحـن
ورثـت مـن مرواحهـن عشـرة جـروح=اسكت وهن سكوت ون صحت صاحن
والـى لزمـت الصـمـت مــاودي ابــوح =تـجــردن مـــن صمـتـهـن واستـبـاحـن
يال النصيب اللي كتب لي على اللـوح=علقـتـهـن بـيــن المـحـاجـر وطــاحــن
طاحـن ويـوم الظـل ميـل علـى الــدوح=كــن الحمـايـم فــي ضلـوعـي تـلاحــن
ياكـسـرة الخـاطـر وياقـصـرة الـشـوح=ضحيتـيـن الـحـرب والـحــرب طـاحــن
قفن عن عيوني بروق (ن) لهن ضـوح=واتلا العهـد فـي شوفهـن عقـب لاحـن
زينة حيـاة, ونصـف ديـن , وغــذا روح=اغلـى ثـلاث(ن) فــي حيـاتـي وراحــن