أكيد راح نطالب الأثنين الخدمة المدنية والتربية لأن الأثنين مهمشينا وكل يرمينا على الثاني
الخدمة المدنية تستبعدنا من الوظائف الإدارية الحكومية بحجت التخصص تعليمي مو مطلوب بأمكان الخدمة التدخل وألغاء هذا الشرط عند طلب القطاعات الحكومية ولا وش هي له خدمة مدنية أجل عشان يفرضون عليها التخصصات وترضى طيب والخريجات من جميع التخصصات اللي متكدسات مالهم أحقية في الوظائف مو الخدمة مسؤلة عن التنسيق بين الخريجات والقطاعات !!! أكيد اذا مافيه تنسيق بيتشرطون ويطلبون تخصصات معينه

وكذلك التربية اللي ممشيتنا معها سنوات بدون تربوي والحين تبغى جميع الخريجات القديمات والجديدات ياخذون تربوي ماأدري أي جامعة بتستوعب هالخريجات

المهم لازم نطلب من كلا الطرفين السماح لنا بدخول جميع المفاضلات والترشيح يكون على حسب النقاط والتوظيف يكون فيه فروق في المستويات كما هو معهود

سؤال اخواتي بتسجلووون في القياس ولا لا

وهل الغير تربوي داخل في اختبار القياس

ولا نجح في اختبار القياس سيتوظف اما لا .. ام ستكون للتربوي عليه درجه وأفضليه

وبمااااننا نرغب بالوظايف الاداريه واصلا مالنا الا هي هل الاداري لازم يختبر قياس اما لا

ياليت تلاقوووون لاسئلتي اجوبه

ترا ارسلت بتوتير ماخليت حد

لكن كالمعتااااد لارد ....

سياسة الصفط .. صارت موضه في هالبلد وش نسوي الشكوى لله

انا بسجل ان شاالله واتمنى الجميع يسجل ويمكن ربي يكتب لنا الفرج على قدوم قياس
مدري وش عندي هاالايام متفائله حيل

جلمودة أنا عني بسجل ماأدري عنهم كل شوي طالعين بشي
أما بالنسبة للإداري لا مايحتاج له قياس التوظيف بدون قياس بس المشكة أن اللي ماتنجح في القياس من التربويات أو اللي ما أختبرت تقدم على الاداري وبكذا تخيلي حجم الضغط على الوظائف الإدارية من كثرها بالأساس يعني راح يكون عدد المتقدمات للوظائف الأدارية أضعاف المتقدمات على الوظائف التعليمية هذا اللي يطبقونه على الرجال لكن الرجال الوظائف الأدارية أكثر والفرص متعددة أ احنا يادوب كل خمس سنوات دفعة أداري وقليلة بعد

بنات اكتبوا خطاب وكلنا نرسل للصحف

إذا كان اختبار قياس سيساوي بين التربوية وغير التربوية بعد اجتيازه ويصبح الترشيح من بعده على حسب النقاط وبعده يتم تعيين التربوية على المستوى الخامس والغير تربوية على المستوى الرابع .. فربما يكون لنا فيه خير

ولكن إذا كنا سندخل للزينة فقط وبعدها يتم استعبادنا في المفاضلة وتكرارهم لمقولة لا يتوفر في هذه المفاضلة مستوى رابع فإنه لن يغير من حالنا شيئا.

ماذا تعتقدن أخواتي ؟
هل سيتم السماح لنا بالدخول في المفاضلة القادمة ويوفرون لنا المستوى الرابع مادام أن موقع قياس ووزارة التربية قالت إن الاختبار لجميع حاملات درجة البكالوريوس ممن تخصصاتهن تعليمية سواء تربوية أو غير تربوية

أو أن الأمر مجرد روتين ندخل الاختبار ثم يقولون لنا لا يوجد مستوى رابع للغير تربويات؟

نجوم حتى أنا أتوقع أنهم راح يخلونا نختبر بعدين يقولون شرط الدبلوم التربوي عارفة حركاتهم
أهم شي نسوي اللي علينا نختبر الله يعين عاصرنا جميع الشروط

على فكرة بنات وش رايكم نراسل هيئة الفساد ونوضح الظلم اللي تعرضنا له نحن الغيرالتربويات واستبعادنا من الوظائف الادارية وكذلك التعليمية هم الوحيدين اللي ماأرسلت لهم

اختبروه يابنات اذا تبون وظائف تعليميه حتى لو اشترطوا بعدين تربوي للتعليمي بس فلازم تااخدوه قريب ولا بعييد ماراح تخسروا شي وصلاحيته 3 سنواات وكماان قدموا علا الدبلوم التربوي

سلام بنات
كلمت قياس و قالت لي الموظفة الى الان ما جاهم خبر هل غير التربويات يدخلوا قياس او لا ..
قالت لي السبت ادق..
طبعاً الكل يقدر يسجل بس هل في فايده من تسجيلي .. الله العالم
ود،،

حسبي الله وونعم الوكييل