المشاركة الأصلية كتبت بواسطة فتى نجد

مساكم الله بالخير ... مشروعك باختصار :

- تحتاج ماكينة كبس القوارير ( اللي تكبس البخاخ بالقاروره ) وهذي سعرها يبدأ من 800 ريال الى 3000 ريال حسب احتياجك وانتاجيتك .
- تحتاج كميه مبدئيه لقزاز التعبئه واسعارها تبدأ من 2 ريال الى 6 ريال للحبه , حسب الموديل , طبعاً تحتاج مبدئياً حوالي 600 حبه .
- تحتاج علب كرتون عشان تحط فيها قزازة العطر ويكون مطبوع باسمك والعلبه تكلفك بحدو 40 هلله الى 2 ريال حسب الكميه .
- ربع كيلو زيت عطري من كل نوع , طبعاً مبدئياً ممكن تكتفي بــ 50 أو 60 نوع اللي عليها طلب وتوفرها , والربع كيلو سعره من 100 الى 150 ريال , حسب النوع والجوده ( مع ملاحظة ان فيه انواع صينيه رديئه أو مخلوطه ممكن تحصلها بمبلغ 50 ريال للكيلو )
برميل كحول اوروبي وسعره بحدود 2800 ريال

ملاحظات هامه :

- اختر الزيوت العطريه ذات الجوده الممتازه
- اختر الكحول ( المذيب ) الأوروبي وهو افضل الموجود
- قزاز العطور افضل شي تلقاها عند ( مؤسسة الخنيزان ) في اسواق المعيقليه
- جميع تجار الزيوت العطريه والكحول وكل احتياجاتك موجوده في سوق المعيقليه - في الديره - قرب امارة الرياض

وموفق بإذن الله ,,,

المشاركة الأصلية كتبت بواسطة عوف حرب

بما إنك وجدتي نفسك بها فلا تتركيها والله يوفقك فيها ولاتخلي حماسك يدفعك للإستعجال بل يدفعك لوضع الشي في مواضعه

أسعار الإيجارات على حسب المواقع فمثلا بوسط سوق أسمع إنه مايقل عن خمسين ألف وبعضهم يقولون فوق المية وهذا بالنسبة للمدينة مو للرياض ولو اني أتوقعها متقاربة

أما عن العطور فهي شغلة جدا مربحة لأن مافي أحد الآن مايخرج وهو ماهو متعطر ولأن مكاسبها أكبر من تعبها وشغلة حلوة كأنك عايش وسط الرياحين بين العطور

أي معلومة تخصك ألقاها تبشري بها إن شاء الله والله يوفقك يا أختنا الطموحة