الصراحه متعاطف معك ونبرة كلامك فيه حزن شديد وطلعه من قلبك المشكله لما يكون الاهل متشددين انا مقدر اقولك اطلعي عن طورهم بس فكري في اهلك صحيح المشكلة وظائف المحلات وتانيث المحلات جاء في العصر الي فيه فئة الشابات محتاجات الي العمل بس المشكلة الاهل والله متعاطف معك وانا لا اني مع ولا ضد لان الناس عنده ظروف حاده وترغمه ع العمل توكلي ع الله فهو حسبك

استخيري وشوفي الامكان اللي كلها نساء فقط

وربي حاسه فيك كلنا جاتنا امراض نفسيه من جلسة البيت غير اللوم من الاهل والتهميش كان الاوحده بدون راتب مالها مكانه

الله يوفقك ويكتبلك الخير استخيري افضضضل لك ..

حبيبتي أنا زيك لي سنين طويله ماتوظفت ولا حصلت على وظيفة مناسبة لي رغم أني جامعية وبتخصص علمي

وأغلب الوظايف الي جتني (( مبيعات تسويق _ حارسة أمن ))

وللأسف هي نفس الوظائف تتكرر وللأسف كلها وظائف دنيئه بانسبة لشهادتي ,, وباقي الوظايف لازم لغه وانا ماعندي ..

وفعلا صار لي نفس الي صارلك قدمت على بياعة في الاسواق ودقو على يمكن حدود 3 شركات يبون يسون معي مقابلة هم الي قبلو فيني من غير شروط والرفض كان من أهلي ..

بس والله وأنا أختك ما لقيت سبب للرفض وين الخوف منه السوق فيه أمن وهيئه كل يوم تجي وبعدين محل نسائي فقط يعني للعوائل على باب المحل او للنساء فقط ..
يعني أنا ضد اسلوب الترهيب والتخويف لو بيصيبك شئ راح يجيك حتى لو أنتي بالبيت في كل الوسائل قدامك اولهم النت الي تستخدمينه فا الي يحافظ على نفسه ويخاف الله ماراح يجيه شئ ..
وما ادرى ليه بس أحنا السعوديات الي بياكلونا الرجال ما كل البنات تشتغل بكل بلاد العالم ومحافظين على نفسهم

وبعدين ليه المستشفى صار الحين عادي والسوق لا ..
لكن عموما السوق راح يتانث وشفتي كيف كل يوم حرمه ماسكة دكان زمان كان محلات نسائيه ومكياج الحين دخل الذهب والمجوهرات والفساتين والعبايات ..
فا بصراحه ماعندي لك اي نصيحة انا زيك وماني شايفه في سبب ان أهلى يرفضون وأحس الخوف مو بمحله ..
والله يوفقك ويسعدك ويقدم لك الي فيه الخير يارب ..
كل سنه وانتي طيبة ..

اختي انا ما راح اسمح لأختي تعمل في مثل هالعمل

لا توافقي

الله يختار لك