اسعد الله صباحكم

انا شهادتي بكالوريوس تربوي سنتين ونص عاطله تقديري جيد تخصصي رياضيات اخذت دورة حاسب 6شهور ودورات قصيره نتميه وانقلش شهر بحثت عن وظيفه ماحصلت او بالأحرى كلها وسطات ومدينتي موكبيره وفرص الوظايف قليله

لاأنكر قبل فتره صار تقديم في مصنع دواجن والقبول فوري بس رفضت بشده لسبب انو البكالوريوس= الأميه!!

قدمت على محلات في مول كان البائعين رجال والحين مع السعوده وقرار التأنيث نسائي اول في البدايه كنت اتمنى اتوظف فيها ولم اجد صعوبه غير اقناع الأهل !!

والحين جاني اتصال من المدير وقالي انتي شهاداتك حلووه واحنا قبلناك كابئعه والراتب 3500 والدوام 6 ايام وفترتين من 9ونص الى11ونص والفتره الثانيه 4ونص الى 11
وقالي معك بطاقه احوال ؟؟ قلت لا قالي حاولي تطلعي عشان تستفيدي من التأمين في المستشفى
ومن كلامه قال انو الموظفات متزوجات!!!


انا الحين مادري وش اسوي انا ودي بالوظيفه بس امي خوفتني خصوصاً اني بنت وخايفه علي من السحر >>>كذا تفكير امي ((يعني التحرش بشكل عام))

والمحل نسائي يعني اذا دخلو رجال بس مع حريمهم بس باقي المول تعرفون عاد كله رجال واجانب بعد وطبعاً بكون بحجابي ومحتشمه

انا محتااره واهلي شديدين مره واقناعهم مشكله لي والساعه 11م مشكله ثانيه بس كلها تهون بإذن الله

انا قلت هاذي فرصه ويمكن ماتتكرر وحافز باقي شهر واحد ولاحصلت وظيفه وجداره بالسنين تعبت من الجلسه وحيييده ذبحتني الهموم لدرجه تأثرت نفسيتي وراح استفيد مادياً واقضي ديني واعالج نفسي..

ولو قبلت الوظيفه راح اتنازل عن التأمين الصحي ماعندي استعداد اطلع بطاقه وصورتي فيها اخاف على نفسي من المدير لهذا السبب لو نظام البصمه كان ارحم

بنظركم لو انتو مكاني وش تسوون؟؟
والشباب هل فعلاً تنظرون للبنت غير عن المتزوجه؟؟ وهل تسمحون لخواتكم؟؟

ونصيحتكم لي

الصراحة لو انتي أختي وقلتي لي هذا الكلام أكيد برفض100% هذا من رأي الشخصي وبس

[align=center]الله يوفقك ويعينك ويعوضك بما هو خير منها ... فأنا ما أنصحك بهذي الوظيفه والأسباب كثيرة جداً ولاتُحصى في سطر واحد وأعتقد أنك تعرفينها زي مايعرفها الكل والواحد مايأمن على نفسه كل هالايام والسنين إذا داوم على زي هالوظايف ويمكن يخسر دينه بعد فكل شيء قابل للحدوث .

اختي الرزق بيدا... الله بس انتي وتخصصك ... لااحد يهمك...


انا تخصصي من عام 1424 خريج بس اهم شي راحتك مو راحت العالم

طيب قدمي على محل يكون كلة نسائي ويمنع دخول الرجال
مثل مكياجي ونعومي ولاسنزا المحلات الي تمنع دخول الرجال افضل بكثير من المختلطة

وبالنسبة لخوفك ترا فية كاميرات مراقبة

لا ماانصحك والسبب
ان الدوام كرف فترتين وشهادة بكالريوس واخر شي 3500!!

وترى فيه 300 تخصم للتامينات

يعني 3200

هذا الراتب ضلم مع الاسف

والله يعوضك بخير منها

[align=center]ياجماعه أنتم وش فيكم
يعني البنت تجلس بالبيت يقتلها الفراغ والحاجه
ووقالت لكم بتسدد دينها وتعالج نفسها بها لاأحتجت
أختي حصني نفسك كل يوم وادعي ربي يصوونك وأعملي بالأسباب وتمسكي بقيمك وأخلاقك وثقة أهلك بك
وصدقيني الأحترام يفرض نفسه وين ماكان
وتوكلي على الله وأقبلي بالوظيفة وشووفي بيئه العمل كيفوالبنات الي يشتغلونمعاك

[align=center]نفس الكلمات..
نفس الاسلوب ..
نفس المشاعر ..
نفس نبرة الحزن ..
بس اضيفي شيء واحد من عندك ..
أنك تكونين على وضوء .. وجاهزة للصلاة ..
صلي ركعتين .. وقولي كل ما في خاطرك بهدوووووووووء اهمسي للأرض ..
ماحد يسمعك ..
الا من هو يختار لك كل خير لك ..
فقط اخبريه بما كتبتيه ههنا .. وهو يتصرف بعلمه !!

دمتي !!
[/align]

دام فيها اختلاط لا

ومع الأسف الاختلاط هنا مو مع إدارة معروفة ومسؤولة لكن مع زبائن يعني ناس ما تعرفي منهم ولا اش وراهم!

لو كان السوق مؤنث كله قلت لك وافقي أنا مو ضد العمل كبائعة لكن اختلاط وشفت حتى 11 مساء لا

أنا بنت زيك ومتخرجة من كم سنة أكثر منك وعاطلة وعرضت علي وظيفة حكومية بواسطة ورفضتها علشان الحرام ومن يتق الله يجعل له مخرجا

يقول ابن عباس رضي الله عنه لو أن السماء أطبقت على الأرض لجعل الله للمتقين فتحات يخرجون منها

لكل ضيق عند الله فرج فكوني مع الله يكن معك

الله يغنيك بحلاله عن حرامه وفضله عمن سواه