مطلوب ممول او مموله لمشروع بيع وشراء الاغنام خاصه وقت الاضحى
انا شغال في المشروع هذا من سنين ولاكن كلما زاد راس المال زادت الارباح والحمد لله معين خير اقوم بشراء الاغنام من خارج الرياض وبيعها على المطاعم وعلى زباين متعامل معاهم ولي مكان مخصص في السوق
لمن يرغب المشاركة اعطيه كامل الفكره على الخاص

ما شاء الله

الله يوفقك

عطنا ما عندك عطاك الله الجنة


تحياتي

طيب النساء اللي ماعندهم رجال فاضين لهم ...ما الحل؟؟؟

الصراحة المشروع مربح

بالتوفيق

جزاك الله خير

ياجماعه حقكم محفوظ سواء رجال او نساء
الحمد لله الثقه موجوده والضمانات اللي تبي والمشروع مربح باذن الله حتى بعد موسم الحج
اللي يبغا يستمر معي اذا يبغى يتابع راس ماله اول باول او يستريح في بيته وارباحه تجيه
على حسابه
وبالنسبه لسؤالك عن النساء من حقك تتابعين راس مالك حتى لو ماعندك رجال

طيب معليش ضروري ٢٠ الف !؟
مافيه اقل ؟؟
والارباح لالنسبة والا بس ١٥٠٠ بالشهر ؟؟*

اولا : انا اخذ المبلغ واطلع فيه برى الرياض واشتري الحلال
وارجع ابيعه خلال ٥ ايام فصعبه اني اطلع بمبلغ قليل لان المكسب القليل يروح في المشاوير
على شان كذا حددت المبلغ ب ٢٠ الف

الله يرزقك وصراحه مشروعك مربح جدا وبا التوفيق لكم

انا ما اخونك اخوي والثقه دائماً بالله

لكن انصح الجميع عدم الثقه المفرطه بالناس مو كل من حلف بالله صادق

ما اخونك اخوي لكن ابي الجميع يعرف انه يجب ان يضمن حقه بالطرق القانونيه عشان يعرف يطالب فيها

ويستشير قانونيين قبل اي شي عشان يحفظ ماله من الضياع

والله يوفقك ويرزقك يارب

لكن للمعلوميه الاضاحي الان ارتفع سعرها وماعاد فيها فائده تذكر

الناس تجمع الاضاحي طوال السنه بأسعار 800 و 900 و 1000 وتبيع على 1800 و 1700 الان

وفي اوقات العيد يتم البيع بمبالغ 1900 و 2000 ريال

وترجع الاسعار تنزل ثاني يوم العيد وثالث يوم

عشان كذا ياليت اي شخص يبي يدخل بمشروع يسال عنه قبل يضع ماله

وتحياتي للجميع والله يوفقكم ويرزقكم يارب